Jenesii̱s 37:8 - Xo̱jo̱n eén Néná

⁸ Kó já ntsꞌi̱e̱ bi̱ katsó: —¡Kó, a jí xí ko̱ti̱xomejne̱ ko̱jo a jí xí ka̱ma ji ngito̱ko̱jne̱! Kó ta̱ngatꞌanii̱ kui chi̱nii̱ ko̱jo ni xi tsíchji̱a̱ Kosiee̱ nga já ntsꞌi̱e̱ ta̱sá má ꞌniú ngase chꞌo kamaá.

Jenesii̱s 37:8 Iomraidhean Croise

Jenesii̱s 27:41

Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Jenesii̱s 37:4

Ta̱nga já ntsꞌi̱e̱ Kosiee̱ achichí chꞌo kamaá, kó nde kamámejénjiín nda tsíchji̱a̱jo, ngatꞌa̱ kamábe nga na̱ꞌmii̱ kui jaá tjó ngase katsꞌén Kosiee̱ ta̱bo̱a̱jiín kuí.

Jenesii̱s 37:9

Ingo chi̱ni katseꞌé nginií Kosiee̱ kó katsóyaà já ntsꞌi̱e̱, nga bi̱ katsoó: —Ingo chi̱ni tseꞌéna, nínga kamábe an nga tsꞌueé ko̱jo saá ko̱jo tiengo ńño kixindyiańña xtji̱e̱e̱n nínga tikòn an.

Jenesii̱s 42:10

Ta̱nga kui jaá bi̱ katsoó: —¡Jmí ndi̱a̱! Moso̱ tse̱ boá ji̱n, kó ta̱ to ndso̱ko̱a̱n ṉño̱pan tsí boá xi ndyi̱foéꞌe̱tsꞌítsiéjne̱.

Jenesii̱s 44:18

Ta̱nga Jundáa̱ kijíkóntiñaa̱ Kosiee̱, kó bi̱ katsoó: —Ji ndi̱a̱, ngata̱ niꞌínxchínjín ji, ꞌniú míꞌaá nga te̱ꞌéndièní nga kuichjiájo ngotjoón ngo én, jè be an nga kjiꞌanga ji xi tjindókjo̱a̱joo̱, xikónií tsi nda̱ ree̱ xi tjindókjo̱a̱jo.

Jenesii̱s 49:26

Na̱ꞌmíi̱ tsie ngase kjo̱a̱niꞌánchikonñé xi tsꞌéntsjaá ji, ta̱bo̱a̱jiín kjo̱a̱niꞌánchikonñé xi tsjá ngo na̱xi̱ xi tikón ngatsjéni̱xtjin. Tse̱ boá ngayeje kui kjo̱a̱niꞌánchikonñeé, jí boá xi tsoboaá kui nii̱ ji Kosie̱, ngatꞌa̱ ngi̱jii̱n já ntsꞌie ji, jí boá xi ꞌniú yandikón ngasee̱.

Jenesii̱s 50:18

Kósꞌe̱ já ntsꞌi̱e̱ Kosiee̱ kijíkoón, kó nga kamábe Kosiee̱ asiéntikoó ngaskande nga kisitꞌaa̱ kje̱n tꞌanangii̱ nga kamábendikón, kó bi̱ katsó: —Kꞌi̱e̱ tindyionjne̱, kó moso̱ tse̱ boá ji̱n.

Xo̱jo̱n Salmoo̱ 118:22

Ndi̱jo̱ xi katsꞌénchꞌó já chji̱ni̱e̱xo̱ó xí katsꞌénda na̱ngo̱xi̱i̱, kuí boá xi kamá ndi̱jo̱ ngaꞌniuú.

Éksondo̱ 2:14

Kó bi̱ katsó kui nda̱a̱: —ꞌYá xi katsjaá xá nga ji xi ngito̱ko̱jne̱, axa̱ ꞌyá xí nendiꞌamasien katsꞌeén nga ji ko̱ti̱xomejne̱. A bo̱a̱ tsꞌén mejeén si̱ꞌinkꞌínní xikótsꞌèn kiniꞌínkꞌín ji nda̱ Ejiptoo̱ nga. Nga tsintꞌié kuí nii̱ Moisee̱ achichí katsakjónní, kó bi̱ tsꞌén katsꞌénkjó: «Nga ja̱koxi̱ jè kamáyà nga an xi katsꞌénkꞌién an nda̱ Ejiptoo̱».

Rkaa̱ 19:14

Ta̱nga xota̱ xi chji̱a̱ni kui na̱xi̱ńdaá, chꞌo kamaá kui nda̱a̱, kó katsangiyaa̱ xota̱xchà xí bi̱ katsoó: “Mejénjínjne̱ nga kui nda̱a̱ ko̱tíxomajne̱.”

Rkaa̱ 20:17

Kjisoo̱ askotsijen ndá ndaá xotaa̱, sꞌe̱ bi̱ katsó: –Mí xí mejeén tsó ni xi bi̱ tsó xi tjítꞌa xo̱jo̱o̱n: Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá.

Ni xi kamá 7:35

Ngatꞌa̱ kuí Moise̱ xi̱ꞌbi̱, xi katsꞌénmejénjín kui jaá nga bi̱ katsó: “ꞌYá xí katsjaá xá nga ji xi ko̱ti̱xome ko̱jo tsi ji xi nendiꞌamasien katsꞌeén.” Néná boá xi katsangiya kui nda̱a̱ nga xá, ko̱jo nga kui xi sa̱ꞌíndéjnú xikó katsoó kui ndítsjie xi kamábe ngi̱jii̱n yásarsaa̱.

Ndeuteronomio̱ 33:16

Tꞌanangii̱ boá xi tsja̱ajnú ni xi nda ngase xi tsjá, kó ngatsjéni̱xtjin nga kꞌuiéjnú kjo̱a̱niꞌánchikonñeé Néná. »Jún boá xota̱ xi tjó ngasee̱ kui Néná xí jatjokjà ngi̱jii̱n yá sarsaa̱.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.