Jenesii̱s 37:13 - Xo̱jo̱n eén Néná

^13-14 Jaskan ngije jaꞌa ni̱xtjin, Jakoo̱b bi̱ katsoó Kosiee̱: —Jè yé ji nga já ntsꞌie ndyi̱koo̱n cho̱tsa̱nga̱na ki̱a̱ nangi Sikee̱n, kó mejénna nga kꞌuin jí nínga síndo já ntsꞌie, kó tsitsíjìi̱n tsi nda síndo, sꞌe̱ ndibékꞌíyé nginí ngijee̱. —Ndakjíꞌí na̱ꞌmi, ngotꞌe̱ má kjuín án —katsó Kosiee̱. Kó Kosiee̱ jatjoni ngi̱ndie nínga soón nangi Ebroo̱n, kó jachó nangi Sikee̱n,

Jenesii̱s 37:13 Iomraidhean Croise

Jenesii̱s 22:1

Jaskan ngije jaꞌa kjín nó, Néná askotꞌayákón Abraa̱n, kó tsíchji̱a̱a̱, sꞌe̱ bi̱ katsoó: «Abraa̱n, mejénna nga si̱ꞌinkꞌasꞌínní ngo kjo̱a̱tjó xi ndíi̱ Isaa̱, kui xi ndí ngototóo̱, kui xi achichí tjoó. Tꞌenje̱ ji ki̱a̱ nangi Moriaa̱j, ngo na̱xi̱ xi kokoo».

Jenesii̱s 22:11

kó kjiꞌá má ndítsjie xi Néná ndeskande ndiꞌakꞌajmi jàn tsíchji̱a̱a̱ Abraa̱n. Kó Abraa̱n, kꞌi̱e̱ tikòn an kꞌi̱e̱e̱, katsó.

Jenesii̱s 27:1

Ngije ꞌniú kamáxchá Isaa̱, ngiti̱ tsijénjín kamaá, kó ngo ndi̱yà tsíchji̱a̱a̱ Esauu̱, ndií xi xchá,

Jenesii̱s 27:18

Kósꞌe̱ Jakoo̱b kijí nínga tikón na̱ꞌmii̱, kó bi̱ katsoó: —Ji Na̱ꞌmi, a ka̱ma kjoaꞌa an. —Ti̱tjè jí, —katsó Isaa̱—. ꞌYání nga jó ndína bo̱a̱ ji.

Jenesii̱s 33:18

Kjiꞌanga Jakoo̱b kijíꞌoyá nginí nangi Pandaa̱n-Araa̱n, nda jachó ngo na̱xi̱ńdá nínga tikón ngo nda̱ xi ꞌmí Sikee̱n, kui xi ndií Jamoo̱r. Kui ngindiee̱ ki̱a̱ tikón nangi Kanaa̱n, kó Jakoo̱b ki̱a̱ tsꞌatsie chií tꞌanangi xi úchán to̱ntiboa íchjínií ndií Jamoo̱r, kui tꞌanangii̱ ki̱a̱ kisꞌijña kje̱n na̱xi̱ńdaá, kó ki̱a̱ katsꞌénda Jakoo̱b ndiꞌaa̱ kui xi tji̱xi̱ín cho̱ kamándani. Kó ki̱a̱ katsꞌénda ngo ṉchandikón kui xi, Néná xí tsi̱ꞌe̱ Israee̱l, ítꞌajaꞌén.

Jenesii̱s 37:12

Já ntsꞌi̱e̱ Kosiee̱ kijítsꞌénkjién cho̱tsa̱nga̱a̱ na̱ꞌmii̱ ki̱a̱ nangi Sikee̱n.

Matioo̱ 10:16

Kꞌi̱e̱ tsꞌéntsangiyajnúꞌun xikó maá cho̱tsa̱nga̱ xi tjimá ngi̱jii̱n cho̱lobo̱, kó kuíni nga ti̱ndyiondajnú xikó maá ngo ye̱, ta̱nga inda ini̱ma̱ ngatamajnú xikó maá ngo tójo.

Rkaa̱ 20:13

Kósꞌe̱ bi̱ katsó ndi̱a̱ xi tsi̱ꞌe̱ kui ngi̱ndiee̱: “Mí xí sa̱ꞌin an. Ta̱sá ndí tjóna sangiya an, tsi ta̱ꞌaní nga kjiꞌanga sku̱i̱e̱, sku̱i̱e̱ndikón ndína kui jaá.”