Jenesii̱s 35:1 - Xo̱jo̱n eén Néná

¹ Kó Néná bi̱ katsoó Jakoo̱b: «Kjiꞌanga ikiyindikíi̱n ntsꞌie ji Esauu̱, an jatjokjaà ki̱a̱ Betee̱l, kó kuíni nga ngotꞌe̱ ꞌne̱ ki̱a̱ ti̱ndyin ji Betee̱l, kó ki̱a̱ ti̱ꞌindení ngo ṉchandikón».

Jenesii̱s 35:1 Iomraidhean Croise

Jenesii̱s 12:8

Sꞌe̱ kijíra ngo na̱xi̱ xi tikón xtji̱e̱e̱n nínga fotjo tsꞌueé ki̱a̱ na̱xi̱ńdá Betee̱l, kó nga jachó ki̱a̱a̱, ki̱a̱ katsꞌénda ndiꞌaa̱, kui xi tji̱xi̱ín cho̱ kiniꞌándani. Na̱xi̱ńdá Aii̱ xtji̱e̱e̱n nínga fotjo tsꞌueé kisꞌijñanii̱ kui ngi̱ndiee̱, kó na̱xi̱ńdá Betee̱l xtji̱e̱e̱n nínga ꞌbosꞌien tsꞌueé kisꞌijñanii̱. Kó ti̱ ki̱a̱ katsꞌéndaa̱ ngo ṉchandikón Néná nga.

Jenesii̱s 16:8

kó bi̱ katsoó: —Na̱ Angaa̱r. Na̱ mosoo̱ na̱ Saraii̱, mí xí tiniꞌín ji kꞌi̱e̱e̱, kó ñá tìꞌmi ji. Kó na̱ Angaa̱r bi̱ katsó: —Na̱ Saraii̱, ndi̱a̱na tsꞌénmongáa̱.

Jenesii̱s 22:14

Kuíni nga Abraa̱n «Néná tsjá ngayeje nii̱» ítꞌajaꞌén kuí ngi̱ndiee̱, kó ngaskande ngotꞌe̱ ndaꞌyá nga bi̱ ꞌmí «Ngi̱jin na̱xi̱i̱, Néná tsjá ni xi machjiénná».

Jenesii̱s 29:1

Kó Jakoo̱b kijíra ndi̱ya̱à, sꞌe̱ jachó nangii̱ xota̱ xi síndo xtji̱e̱e̱n nínga fotjo tsꞌueé ki̱a̱ nangi Kanaa̱n.

Jenesii̱s 31:13

Án boá kui Ne xi kamáyè ji ki̱a̱ Betee̱l, nínga kachjatjénjen ji isti̱ ngo ndi̱jo̱, kó katseꞌéní ndso̱ꞌbe nga si̱ꞌinkjatjosénní. Kó ngotꞌe̱ ꞌne̱ ti̱sítji̱n ji, kó tja̱tje ji kui ngi̱ndiee̱, kó tꞌen nginí ji nangi Kanaa̱n nínga katsen ji”.»

Jenesii̱s 31:3

Kósꞌe̱ Néná bi̱ katsoó Jakoo̱b: «Tꞌen nginí ji nangi nínga síndo xi xcháa̱ ko̱jo xota̱ xingi̱ ji, kó án ki̱a̱ kjótsoꞌbájoo̱».

Jenesii̱s 34:31

Ta̱nga kuí jaá bi̱ katsó: —¡Chjiénjín nga Sikee̱n xikoó tsi ngo na̱masien katsꞌén ndichjajne̱ katsaki!

Jenesii̱s 35:15

Kó nga Néná ki̱a̱ tsíchji̱a̱jo, kuíni nga Jakoo̱b Betee̱l ítꞌajaꞌén kuí ngi̱ndiee̱, «ndiꞌaa̱ Néná» tsó kui jaꞌeén.

Jenesii̱s 35:7

Ki̱a̱ boá nínga Jakoo̱b jatjokjaà Néná kjiꞌanga tsangandikoón Esau̱ ntsꞌi̱e̱. Kuíni nga Jakoo̱b ngo ṉchandikón katsꞌénda ki̱a̱a̱, kó kui ngi̱ndiee̱ «Néná xí tsi̱ꞌe̱ Betee̱l» ítꞌajaꞌén.

Xo̱jo̱n Salmoo̱ 46:1

Néná boá xi kónná ko̱jo xi tsjangaꞌniúná, kuí boá xi tsá bosikójoná kjiꞌanga nda̱ kjimáná.

Xo̱jo̱n Salmoo̱ 47:4

Kuí boá xi jaꞌájin tꞌanangi xi katsjáná ñá, ngatꞌa̱ kuí boá kui tꞌanangii̱ xi kjo̱a̱jee̱ Jakoo̱b, kui nda̱ xi Néná tjó kamaá.

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Éksondo̱ 2:15

Ja̱ bo̱a̱ jè be kui nii̱ nda̱ ree̱, kó kuíni nga katsangiyakjaꞌá Moisee̱ tsi̱ꞌe̱ nga sa̱ꞌínkꞌién, ta̱nga Moisee̱ tsanga, kó ki̱a̱ kijíkꞌíjñá ngo nangi xi ꞌmí Mandiaa̱n. Nga jachó kui ngi̱ndiee̱ ki̱a̱ katsꞌénkjaꞌyá tꞌa ngo ndáńchꞌi̱.

Ndeuteronomio̱ 32:36

»Kjiꞌanga je ngiti̱ jmíjínná ngaꞌniú, Néná boá xi kꞌo̱xiéꞌáná, ngije sku̱i̱e̱ná nga je mejeén tjiniꞌánchajaná, ni̱ma̱ ka̱maa̱ ñá,