Jenesii̱s 34:7 - Xo̱jo̱n eén Néná

⁷ Ngije jachó ndiꞌaa̱ jaá Jakoo̱b, achichí katsꞌénxchán nga kamábe ni xi kamátaꞌin ndichja. Ngatꞌa̱ kui ni xi katsꞌén Sikee̱n katsꞌénkjánrií xota̱ xkjín kuí jaá. ¡Chjiénjín nga bo̱a̱ kjiꞌi ni xi katsꞌén Sikee̱n katsaki!

Jenesii̱s 34:7 Iomraidhean Croise

Jenesii̱s 20:9

Kósꞌe̱ Abimelee̱k tsíchji̱a̱a̱ Abraa̱n, kó bi̱ katsoó: —Ánní nga bo̱a̱ kjiꞌi ni xi kiniꞌínje̱jne̱. A tjín ni xi ndajínkjiꞌi xi katsꞌenjoo̱ ji, nga kꞌi̱e̱ jéꞌe̱jejne̱ ngo jé xí ꞌniú je nínga botixoma an. Ni xi kiniꞌínje̱ní, májín bo̱a̱ niꞌánjo̱ ngo xota̱.

Jenesii̱s 34:6

Kó Jamoo̱r, na̱ꞌmii̱ Sikee̱n, kijíkoón Jakoo̱b tsi̱ꞌe̱ nga ku̱i̱chji̱a̱joni̱jmì.

Jenesii̱s 34:8

Ta̱nga bi̱ katsó Jamoo̱r: —Ndína Sikee̱n ja̱koxi̱ nga ngayeje ini̱ma̱a̱ nga mejeén kui naa̱. ꞌNiú míꞌájnúꞌun nga te̱ꞌéndièjnúu̱ nga ku̱i̱xanjo̱ kui tsa̱kji̱ín,

Xo̱jo̱n Salmoo̱ 93:5

Ji Ne, bo̱a̱ kjíꞌí ngayeje ni xi ndokjo̱e̱ ji. Kjo̱a̱tsjiee̱, kuí boá xi tsjaá kjo̱a̱tsjakjiꞌi Ndiꞌáa̱, ngatsjéni̱xtjin ko̱jo ta̱kjiꞌání.

Énkjínkón 7:7

kamábe an achichí já xo̱ngò xi ndasénjiín nga tsꞌén ngo ni, kó askotsijen ndá ndáa̱ ngo xi ꞌniú kitikjo̱a̱ ngase.

Lebitiko̱ 4:2

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Kjiꞌanga tjín xí jmí tsi xá ku̱i̱ntꞌiéꞌénjínna, chjiéngá kui nii̱ xi sa̱ꞌín: »Tsi ngito̱ko̱o̱ chináꞌmii̱ boá xi tsintꞌiéꞌénjínna, chjiéngá ngayeje xota̱ na̱xi̱ńdaá xi ko̱a̱ꞌa̱nijín kui jeé. Kó tsi̱ꞌe̱ nga sa̱ꞌinjetakóo̱n, kui ngito̱ko̱o̱ chináꞌmii̱ chjiéngá ngo ndií cho̱yojo sa̱ꞌínkꞌasꞌienna, ngo cho̱ xi nda. Ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón, ngatꞌíjñasoón tsja to̱ko̱ kui cho̱o̱, kósꞌe̱ ki̱a̱ nga tsꞌenkꞌién nga̱són ṉchandikoón. Jaskan nga kjíbé jiín kui cho̱o̱, kó ki̱a̱ ngatjíjo̱ ngi̱yaa̱ kui ndiꞌandikoón, ngatsꞌénkꞌándyi̱ni xtín tsja kui jiín, kósꞌe̱ yito ndi̱yà nga kjitjónjón xtji̱e̱e̱n nínga tikón koxa̱a̱ kjo̱a̱ꞌbíndaa̱ Néná, nga̱xto̱n ńjño kortinaa̱ ngi̱ndie xi ꞌniú ndikoón. »Jaskan kui ngito̱ko̱o̱ chináꞌmii̱ ngatindyiá chií kui jiín ndyi̱ko̱n ṉchandikón nínga tí nisijee̱n, kó jín xí ngasee̱ ki̱a̱ nga kjitjón ngindiee̱ kui ṉchandikón xí tikón nínga bitjasꞌi̱e̱nnii̱ ndiꞌandikoón. Sꞌe̱ ngatjaꞌáxiín kui cho̱o̱ ngayeje ni xi ndyi̱a̱a̱ ngi̱ya nga̱tsꞌo̱a̱, xikó niꞌaán kui cho̱ xi niꞌánkꞌasꞌien nga chjiáꞌá kjo̱a̱a̱ nga nda ko̱jo nga tsjatsꞌèn mindyión, kó ki̱a̱ ngatꞌítí nga̱són ṉchandikoón. Kó ni xi kꞌo̱ngii̱ kui ndí cho̱yojo chichií, xikoó: tji̱xi̱ín, ngayeje yojoo̱, to̱ko̱, se, tsiꞌee̱, ko̱jo yeꞌee̱ kui cho̱o̱, ki̱a̱ ngatjíjo̱ ndi̱tsee̱n nínga síndo ndiꞌaa̱ xotaa̱, kó ki̱a̱ ngatꞌítí, ki̱a̱ nínga tikón ngi̱ndie nínga mindyia ndisoo̱. »Kó tsi ngayeje xota̱ na̱xi̱ńdaá boá xi tsintꞌiéꞌénjínna,

Lebitiko̱ 4:27

»Tsi ngo xota̱ na̱xi̱ńdaá xi ku̱i̱ntꞌiéꞌénjínna,

1 Xota̱ Korinto̱ 10:8

Ti̱nde ngata̱ tondo̱jín májnú, xikó katsꞌén chiboa kui xotaa̱, kuíni nga nga ta̱ ngo ni̱xtjin kan ján mi̱ kamá xi jesón.

1 Xota̱ Korinto̱ 6:18

Ti̱yójnúu̱ kjo̱a̱tondoo̱. Ngayeje kje̱ꞌe jé xi sa̱ꞌín ngo xota̱ jmí ni tsꞌénjiín yojoo̱, ta̱nga tsi ngo xi tondo̱, ti̱kuíní yojoo̱ xi tjítsꞌénkjátsón.

Xota̱ Éfeso̱ 5:3

Ta̱nga kjo̱a̱tondo̱, ko̱jo ngayeje ni xi ndándí, ko̱jo kjo̱a̱xki̱ꞌá, nde chjiénjín nga ko̱ndókjo̱a̱ kjo̱a̱a̱ kui nii̱ ngi̱jinjnú, ngatꞌa̱ kui nii̱ jmí tsi tsi̱ꞌe̱ xota̱ xi tsjiee̱ Néná.

Ndeuteronomio̱ 22:20

»Ta̱nga tsi ja̱koxi̱ nga kui naa̱ je kje̱ꞌe xí jajñajo̱ ngindiee̱ nga ku̱i̱xan,

Ndeuteronomio̱ 22:21

já xí chji̱a̱ni kui na̱xi̱ńdáꞌniuú nga tꞌaxiéni ndiꞌaa̱ na̱ꞌmii̱, kó ki̱a̱ ngatꞌaya ndi̱jo̱ nga sa̱ꞌínkꞌién. Kuí nii̱ xi tsoboaá nga ka̱maa̱ ngo xota̱ xi ndajín tsꞌén ki̱a̱ na̱xi̱ńdá Israee̱l, ko̱jo nga ta̱ngatꞌanii̱ kui nga ngo xtín xota̱ xi kjo̱a̱soboá foaꞌa. Tsi kui nii̱ xi si̱ꞌánjnú, bo̱a̱ tsꞌén nga si̱ꞌanchajajnú ni xi ndajín ki̱a̱ na̱xi̱ńdájnú.

Ndeuteronomio̱ 23:17

»Kjiꞌanga si̱ꞌantsjajnúu̱ Néná, ngata̱ bo̱a̱jín niꞌánjnú xikótsꞌèn xota̱ xi chji̱a̱ni kje̱ꞌe nangi nga tsꞌénmasien yojoo̱ nga tsꞌéntsjaà nee̱.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

1 Timoo̱ 5:13

Kui ínchjín kꞌán xi je kꞌien xi̱ꞌii̱n kjimangaa̱ nga xki̱ ndiꞌa tjimá, kó kamátsiꞌé, ko̱jo ta̱ tjimájo̱ én, nga ndyi̱kongajin ngayeje ni, nga ndyi̱chji̱a̱ ni xi chjiénjín nga ku̱i̱chji̱a̱.

Xota̱ Ebreo̱ 13:4

Ngayeje jún, cha̱ndikónjnú kjo̱a̱bixaa̱n, kó cha̱ndikónjnú xi̱ꞌinjnú ko̱jo tsi chjo̱ónjnú, ngatꞌa̱ xota̱ xi tondoo̱, ko̱jo kui xi ndyi̱tsꞌèntꞌaa̱ kjo̱a̱ xkjín, Néná boá xi ko̱tíjeé.

Xo̱jo̱o̱n Sandiyaá 3:10

Ta̱ ngo tsi ndso̱ꞌbaa̱ xi fotjoo̱ én xi niꞌántsjánii̱ Néná, kó ti̱kuíní xi fotjoo̱ én xí chꞌo tsoó xotaa̱. Jún ntsꞌie, chjiénjín nga bo̱a̱ si̱ꞌan ñá.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.