Jenesii̱s 33:18 - Xo̱jo̱n eén Néná

^18-20 Kjiꞌanga Jakoo̱b kijíꞌoyá nginí nangi Pandaa̱n-Araa̱n, nda jachó ngo na̱xi̱ńdá nínga tikón ngo nda̱ xi ꞌmí Sikee̱n, kui xi ndií Jamoo̱r. Kui ngindiee̱ ki̱a̱ tikón nangi Kanaa̱n, kó Jakoo̱b ki̱a̱ tsꞌatsie chií tꞌanangi xi úchán to̱ntiboa íchjínií ndií Jamoo̱r, kui tꞌanangii̱ ki̱a̱ kisꞌijña kje̱n na̱xi̱ńdaá, kó ki̱a̱ katsꞌénda Jakoo̱b ndiꞌaa̱ kui xi tji̱xi̱ín cho̱ kamándani. Kó ki̱a̱ katsꞌénda ngo ṉchandikón kui xi, Néná xí tsi̱ꞌe̱ Israee̱l, ítꞌajaꞌén.

Jenesii̱s 33:18 Iomraidhean Croise

Jenesii̱s 12:6

Kui ni̱xtjin jàn xota̱ Kanaa̱n to̱kó ki̱a̱ kisꞌińdo nangii̱, ki̱a̱ jaꞌa Abra̱n ngaskande nga jachó ngi̱ndie xi ꞌmí Sikee̱n nínga tikón yámoree̱.

Jenesii̱s 25:20

Yichán noó Isaa̱ nga kisꞌijñajo̱ na̱ Rebekaa̱, kui xi tsa̱kji̱ín Betuee̱l, ndichja Labaa̱n kui xi xota̱ Araa̱n xi kisꞌińdo Pandaa̱n-Araa̱n.

Jenesii̱s 28:2

Ta̱sá tꞌen ji nangi Pandaa̱n-Araa̱n, ndiꞌaa̱ na̱ꞌmindyiboáa Betuee̱l, kó ki̱a̱ ti̱xenje̱ ji ngo ndichjexti ji xi ndí ínchjiín Labaa̱n.

Jenesii̱s 35:9

Ngasꞌe̱ Néná jatjokjaà Jakoo̱b kjiꞌanga kijíꞌoyá nginí Pandaa̱n-Araa̱n, kó katsꞌénchikonñé.

Jenesii̱s 37:13

Jaskan ngije jaꞌa ni̱xtjin, Jakoo̱b bi̱ katsoó Kosiee̱: —Jè yé ji nga já ntsꞌie ndyi̱koo̱n cho̱tsa̱nga̱na ki̱a̱ nangi Sikee̱n, kó mejénna nga kꞌuin jí nínga síndo já ntsꞌie, kó tsitsíjìi̱n tsi nda síndo, sꞌe̱ ndibékꞌíyé nginí ngijee̱. —Ndakjíꞌí na̱ꞌmi, ngotꞌe̱ má kjuín án —katsó Kosiee̱. Kó Kosiee̱ jatjoni ngi̱ndie nínga soón nangi Ebroo̱n, kó jachó nangi Sikee̱n,

Jenesii̱s 46:15

Kantié ján kamá ngayeje xota̱ tji̱e̱ xi kisꞌiee̱ Jakoo̱b ko̱jo na̱ Liyaa̱, kui xi katsen ki̱a̱ nangi Pandaa̱n-Araa̱n, ko̱jo ndíndee̱, ko̱jo ndí chjo̱ón Jakoo̱b kui xi ꞌmí na̱ Ndinaa̱.

Jenesii̱s 48:7

»Ngatꞌa̱ achichí ndasen kamána nga kjiꞌanga je kjindibá ngiñá an nangi Pandaa̱n-Araa̱n nga ngi̱ya ndi̱ya̱à kꞌientaꞌinna na̱áa̱n na̱ Rakee̱l ki̱a̱ nangi Kanaa̱n, kó ki̱a̱ yinijín an mejeén ngije makjachó Efrata̱, kui ngi̱ndie xi Belee̱n ꞌmí ngotꞌe̱.

Xo̱jo̱n Salmoo̱ 60:6

Ndeskande na̱ngo̱xi̱ ndikoón Néná, katsꞌénsénjne̱ nga bi̱ katsó: «¡Achichí tsjá ka̱mana! Án boá xi sa̱ꞌinkabisóo̱n xota̱ na̱xi̱ńdána tꞌanangii̱ nangi Sikee̱n, kó kꞌochi̱bo̱a̱ an nangi soón Sukoo̱t.

Juaa̱ 3:23

Kó ti̱ ki̱a̱ kisꞌijña Juaa̱ nga atíndá xota̱ ki̱a̱ na̱xi̱ńdá Enoo̱n, tꞌa na̱xi̱ńdá Salii̱n, ngatꞌa̱ achichí ndáfoa kisꞌie ki̱a̱a̱, kó xotaa̱ ki̱a̱ kijí tsi̱ꞌe̱ nga kastindá.

Juaa̱ 4:5

Kó jachó ngo na̱xi̱ńdá xí chji̱a̱ni nangi Samaria̱ xi ꞌmí Sikaa̱r, tiña nínga tikón tꞌanangi xi katsjaá Jako̱b ndií xi ꞌmí Kosiee̱.

Ni xi kamá 7:16

Kó tsangínjo̱ ńdaa̱ Jako̱b ki̱a̱ nangi Sikee̱n, kó ki̱a̱ ikꞌíndonijín kui nga̱tsjo̱ó xí Abraa̱n tsꞌatsiee̱ ndií Jamoo̱r ki̱a̱ nangi Sikee̱n.