Jenesii̱s 32:6 - Xo̱jo̱n eén Néná

⁶ Kó kui já chji̱ni̱e̱ꞌe̱én nga kjindibáꞌoyá nginí nínga tikón Jakoo̱b, bi̱ katsoó: «Jè tsangínjne̱, kó kandokjo̱a̱jojne̱ ntsꞌie, kó ki̱a̱ tji̱e̱ngijne̱, kuí má bo̱a̱ xi tsꞌéndibákjaꞌáyíndi̱ya̱à, kó nijón úchán jáxíꞌín tji̱e̱njo».

Jenesii̱s 32:6 Iomraidhean Croise

Jenesii̱s 32:11

Jí boá xi bo̱a̱ kasení nga nda ko̱e̱je̱na, kó nga xota̱ tji̱e̱na kjín ka̱ma xikó maá tsomí xí tjín tꞌa ndáchíkoón, nga nde maxki̱jínná. ¡Ngotꞌe̱ ꞌne̱ xín ti̱ꞌinkjeꞌe ji ni xi ndajín xi mejeén sa̱ꞌínjo̱na ntsꞌié án Esauu̱! Ngatꞌa̱ tsakjon an nga kji̱ndi̱bá, kó sa̱ꞌínkjiéjne̱ ngayejejne̱».

Jenesii̱s 32:7

Kósꞌe̱ Jakoo̱b achichí katsakjónní, kó nda̱ kamaá, kósꞌe̱ jó tjín katsꞌén xota̱ xi tjimájo̱ ko̱jo ngayeje cho̱ xi tjiín, kó jó ndiè katsꞌénkꞌíndo,

Jenesii̱s 32:8

ngatꞌa̱ bi̱ tsꞌén katsꞌénkjó: «Tsi Esauu̱ kji̱ndi̱bá, kó tsi skjánjo̱ xtín xota̱ xi síndo ngo kui ngi̱ndiee̱, ka̱márií ko̱nga xtín xí síndo xi ingo ndieè».

Jenesii̱s 33:1

Nga kamábe Jakoo̱b nga ta̱ kjin tsꞌéndibá Esauu̱, kó nga nijón úchán má já xí tji̱e̱njo, akjángá xikó tjín má ndií nga katsjaá na̱ Liyaa̱ ko̱jo na̱ Rakee̱l ko̱jo nga jó chji̱ni̱e̱ꞌboo̱.

Jenesii̱s 33:15

Kó Esauu̱ bi̱ katsó: —Te̱ꞌéndièní nga kꞌuindo an chiboa xota̱ xi tsoꞌbájo̱ an kꞌi̱e̱e̱ tsi̱ꞌe̱ nga nijan kjo̱joo̱ ji. Ta̱nga Jakoo̱b bi̱ katsó: —Ánní nga bo̱a̱ si̱ꞌin kon ji. ¡Jè ndakjiꞌi nga nda tiniꞌínje̱ní!

Jenesii̱s 33:8

Kósꞌe̱ Esauu̱ bi̱ katsó: —Mí ni xi kiniꞌínkjé jí kjo̱a̱a̱ kui xtín xota̱ ko̱jo cho̱ xi je kamábe an ndi̱ya̱à. —Tsi̱ꞌe̱ nga si̱ꞌinjetakínní boá ko̱jo nga nda si̱ꞌinje̱ní —katsó Jakoo̱b.

Jenesii̱s 34:11

Kó Sikee̱n bi̱ katsoó Jakoo̱b ko̱jo jaá: —Ta̱ ni xi mejénjnú tsjajnúꞌun tsi ko̱e̱ꞌéndièjnúꞌun nga ku̱i̱xanjo̱ an na̱ Ndinaa̱.

Jenesii̱s 47:25

Kó xota̱ Ejiptoo̱, bi̱ katsoó: —Ji nda̱ xtitjón: ¡jí boá xi kaꞌnaxiéꞌéjne̱! ¡Kó kuíni nga ngotꞌe̱ ꞌne̱ te̱ꞌéndièjne̱ nga mosoo̱ nda̱ ree̱ ka̱majne̱!

Na̱ Ruu̱t 2:13

Kósꞌe̱ na̱ Ruu̱t bi̱ katsoó Boo̱: —¡Ndokꞌóchji̱ì ji xingá! Achichí nda niꞌínje̱ní, kó tsjá maa̱ ini̱ma̱na, ndatsi jmí tsi na̱ moso̱ tse̱ ma an.