Jenesii̱s 32:5 - Xo̱jo̱n eén Néná

⁵ Kó nga je tjiín cho̱yojo, ko̱jo bórroó, ko̱jo cho̱tsa̱nga̱ ko̱jo moso̱ xi ínchjín ko̱jo xi xi̱ꞌin. Kó kuí boá xi katsangiyajne̱ tsi̱ꞌe̱ nga kꞌuiyájne̱ ji nga si̱ꞌinjo̱ꞌo ji nga kji̱ndi̱bákoón kuí».

Jenesii̱s 32:5 Iomraidhean Croise

Jenesii̱s 30:43

Kó bo̱a̱ tsꞌén nga achichí kamácho̱n Jakoo̱b, kó kisꞌiee̱ kjín cho̱tsa̱nga̱, ko̱jo já moso̱, ko̱jo ínchjín moso̱ ko̱jo cho̱toꞌoyitsꞌe̱n, ko̱jo bórró.

Jenesii̱s 31:16

Ngayeje kjo̱a̱cho̱n xi Néná jè jaꞌáxiín na̱ꞌmijne̱, tsa̱ñá boá ko̱jo tsi̱ꞌe̱ ndí i̱xtíná boá katsaki, kó kuíni nga ti̱ꞌin ji ngayeje ni xi je katsoó Néná nga si̱ꞌin ji.

Jenesii̱s 31:3

Kósꞌe̱ Néná bi̱ katsoó Jakoo̱b: «Tꞌen nginí ji nangi nínga síndo xi xcháa̱ ko̱jo xota̱ xingi̱ ji, kó án ki̱a̱ kjótsoꞌbájoo̱».

Jenesii̱s 33:11

Ngo kjo̱a̱nda míꞌaá chjábé jí kui ni xi yaꞌaa̱ ngotꞌe̱, ngatꞌa̱ Néná achichí ni je katsjána, kó jè tikónna ngayeje ni xi chjiénna. Kó nga ꞌniú ꞌniú katsꞌén Jakoo̱b, ti̱chaa̱n Esauu̱ katsꞌénjo̱ꞌo nga iskjíbé kuí nii̱.

Jenesii̱s 33:15

Kó Esauu̱ bi̱ katsó: —Te̱ꞌéndièní nga kꞌuindo an chiboa xota̱ xi tsoꞌbájo̱ an kꞌi̱e̱e̱ tsi̱ꞌe̱ nga nijan kjo̱joo̱ ji. Ta̱nga Jakoo̱b bi̱ katsó: —Ánní nga bo̱a̱ si̱ꞌin kon ji. ¡Jè ndakjiꞌi nga nda tiniꞌínje̱ní!

Jenesii̱s 33:8

Kósꞌe̱ Esauu̱ bi̱ katsó: —Mí ni xi kiniꞌínkjé jí kjo̱a̱a̱ kui xtín xota̱ ko̱jo cho̱ xi je kamábe an ndi̱ya̱à. —Tsi̱ꞌe̱ nga si̱ꞌinjetakínní boá ko̱jo nga nda si̱ꞌinje̱ní —katsó Jakoo̱b.

Jenesii̱s 47:25

Kó xota̱ Ejiptoo̱, bi̱ katsoó: —Ji nda̱ xtitjón: ¡jí boá xi kaꞌnaxiéꞌéjne̱! ¡Kó kuíni nga ngotꞌe̱ ꞌne̱ te̱ꞌéndièjne̱ nga mosoo̱ nda̱ ree̱ ka̱majne̱!

Joo̱b 6:22

»Ánjín xi bo̱a̱ kixianjnúꞌun nga kji̱ndi̱bájnú, ko̱jo nga jún xi kꞌuíchjíjnú to̱n,

Rkaa̱ 12:45

Ta̱nga tsi kui mosoo̱, bi̱ tsꞌén sa̱ꞌínkjó ini̱ma̱a̱: “Kꞌo̱ndíyárií ndi̱a̱na nga kjo̱e̱ꞌe”, kó ku̱i̱ꞌítsꞌi̱yanii̱ nga ko̱ꞌon moso̱ xi ngasee̱ xi xi̱ꞌii̱n ko̱jo xi ínchjiín, kó skji̱ni̱e̱ ko̱jo kꞌuí, kó ka̱ma chꞌi̱,