Jenesii̱s 32:30 - Xo̱jo̱n eén Néná

³⁰ kó kuíni nga Jakoo̱b, Penuee̱l, ítꞌajaꞌén kuí ngi̱ndiee̱, ngatꞌa̱ bi̱ katsó: «¡Kamábe tíkje̱n tíkje̱n an Néná, kó ta̱kó tikòn an!»

Jenesii̱s 32:30 Iomraidhean Croise

Jenesii̱s 16:13

Ngije Néná tsíchji̱a̱jo na̱ Angaa̱r, kui naa̱ bi̱ tsꞌén ítꞌajaꞌén: «Jí boá kui Néná xí ngayeje nii̱ xi be». Ngatꞌa̱ bi̱ katsó: «Jè kamábe an kui Néná xi je kamábena an nga».

Jenesii̱s 28:19

Kó ndatsi nga tjón tjón ki̱a̱ na̱xi̱ńdá nínga kisꞌijña kui ndi̱jo̱o̱ Almendra̱ kiꞌmí, ta̱nga Jakoo̱b, Betee̱l ítꞌajaꞌén kuí ngindiee̱.

Jenesii̱s 35:9

Ngasꞌe̱ Néná jatjokjaà Jakoo̱b kjiꞌanga kijíꞌoyá nginí Pandaa̱n-Araa̱n, kó katsꞌénchikonñé.

Éksondo̱ 33:14

Kó Néná bi̱ katsoó Moisee̱: —Án má bo̱a̱ xi kjuínjòo̱, tsi̱ꞌe̱ nga kꞌuieé kjo̱a̱xió ini̱ma̱a̱.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

1 Xota̱ Korinto̱ 13:12

Ta̱nga ngotꞌe̱ ꞌne̱ ta̱ ndyi̱yà xa̱ tsí ñá ni xi tsi̱ꞌe̱ Néná, xikoó tsi ngo chi̱tsen tsitsienjenjin xi xa̱ ya, ta̱nga nga kjo̱chó ni̱xtjin tíkje̱n tíkje̱n xcha̱ Néná. Ngatꞌa̱ chiboa tsí be an ngotꞌe̱, ta̱nga kjo̱chó ngo ni̱xtjin nga sku̱i̱e̱ cha̱n cha̱n an Néná xikótsꞌèn bena kui.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Xota̱ Ngalasia̱ 1:6

Achichí kijíndikónna nga ta̱nisién tsá kiniꞌánkjinjnúu̱ yojojnú Néná, kui Néná xi tsíchji̱a̱jnú nga katsjájnú kjo̱a̱nda xi sakóná ngatꞌaa̱ Kristoo̱, ta̱nga kje̱ꞌe éntjatsi̱e̱ ndyi̱mongíntji̱ngíjnú.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Ndeuteronomio̱ 34:10

Jmí ni̱xtjin kisꞌie ingo nda̱ chji̱ni̱e̱ꞌén xí xikoó Moisee̱, kui nda̱ xi tíkje̱n tíkje̱n tsíchji̱a̱jo Néná.

Ndeuteronomio̱ 5:24

kó bi̱ katsóna: “Ja̱koxi̱ nga Néná jè akóná ngaꞌniuú ko̱jo kjo̱a̱jee̱. Je kandaꞌyáa̱ nda̱a̱ xi jatjoni ngi̱jin ndiꞌií. Ngotꞌe̱ jè kamáyà nga Néná tsíchji̱a̱joná, kó jesónjín ñá.

Xota̱ Kolosa̱ 1:15

Kjiꞌanga ndyi̱yà kókón Kristoo̱, ja̱ Néná xi májín yaa̱ xí ndyi̱yà kókón. Kristoo̱ boá xi ndií Néná xi tjón tikón ngindiee̱ nga kiniꞌánda ngayeje ni xi kiniꞌándaa̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

Xota̱ Ebreo̱ 11:27

Ta̱ngatꞌanii̱ kjo̱a̱sꞌijii̱n Moisee̱ kuíni nga jatjoni nangi Ejipto̱, kó katsakjónjín nga katsꞌénxchán nda̱ ree̱, kó bo̱a̱ katsꞌén nga ꞌniú kisꞌijña xikó maá tsi askotsijee̱n kui Néná xi májín yaa̱.