Jenesii̱s 32:24 - Xo̱jo̱n eén Néná

²⁴ Kósꞌe̱ kjindibáꞌoyá soboá nginí, kó ki̱a̱ askjanjo̱ ngo nda̱ ngaskande nga kisisie̱èn.

Jenesii̱s 32:24 Iomraidhean Croise

Jenesii̱s 18:2

Kó ta̱niján má iskjininkꞌa kje̱n, kó kamábe ján já xí síndo tiña nínga tikón kui, kó tsanga má jataxie nga kijíkóntiñaa̱, kó nga jachókoón asiéntikoó ngaskande nga kisitꞌaa̱ xtjien tꞌanangii̱ nga kamábendikón kui jaá.

Jenesii̱s 30:8

Kó na̱ Rakee̱l Neftali̱ ítꞌajaꞌén, ngatꞌa̱ kui jaꞌeén «Kjo̱a̱bixkán» tsó, ngatꞌa̱ bi̱ katsó: «ꞌNiú askjanjo̱na ndichja án, kó án boá xi katsꞌée̱n».

Jenesii̱s 32:25

Kó kjiꞌanga kui nda̱a̱ kamájín xi katsꞌeén Jakoo̱b, ngo tji̱ngo̱ yeꞌeé ndáyaá, kó jatjokjo ńdatjatsꞌen Jakoo̱b tji̱e̱nga ndyi̱kjàn.

Jenesii̱s 32:28

kui nda̱a̱ bi̱ katsoó: —Jè ngiti̱ Jakoo̱bjín kꞌuiín, Israee̱l kꞌuiín ngotꞌe̱, ngatꞌa̱ jè ikixkénje̱ ji Néná ko̱jo xota̱ nga̱sondiee̱, kó kiniꞌíi̱n.

Jenesii̱s 32:30

kó kuíni nga Jakoo̱b, Penuee̱l, ítꞌajaꞌén kuí ngi̱ndiee̱, ngatꞌa̱ bi̱ katsó: «¡Kamábe tíkje̱n tíkje̱n an Néná, kó ta̱kó tikòn an!»

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Éksondo̱ 14:27

Kó Moisee̱ bo̱a̱ katsꞌén, kó ngije tjisísi̱e̱én, ndáchíkoón kisꞌijñanda nginí ngi̱ndiee̱. Kó xota̱ Ejiptoo̱ kamámejeén tsanga ta̱nga kamájiín, ngatꞌa̱ Néná íꞌmáni ndáfoaa̱ ndáchíkoón,

Én xí nda xi ꞌniú tsjatsó ngasee̱ 2:17

Ndibéchin nginí ji xota̱ xi tjóna, tji̱e̱nga tsꞌéndibá tji̱nkꞌi̱e̱én, ko̱jo nga jè mejeén kjimajñoó. ¡Ti̱yi jí xikoó ngo ndi̱kꞌijñá xí mongajin tji̱ngi̱ Betee̱r!

Rkaa̱ 13:24

–Ti̱ꞌánjnú ngo kjo̱a̱ꞌniú nga ku̱i̱tjásꞌi̱e̱njnú nga̱ntjo̱a̱ xkjoó, ngatꞌa̱ xiyàjnúꞌun nga achichí má xota̱ xi ka̱mamejeén kꞌo̱sꞌien, kó ka̱májiín.

Rkaa̱ 22:44

Kó kjiꞌanga achichí nda̱ kamaá Kjisoo̱, ta̱sá má ꞌniú ngase tsíchji̱a̱a̱ Néná, kó ndándóboaá kitín xikó maá tsi jín xí tjítín nga̱són tꞌanangii̱.

Xota̱ Roma̱ 15:30

Ta̱nga ꞌniú míꞌájnúꞌun já ntsꞌie, nga ta̱ngatꞌanii̱ Ndi̱a̱ná Jesukristoo̱, ko̱jo kjo̱a̱tjoó A̱si̱énni̱xtjii̱n Néná, tsꞌénmíꞌájnúꞌun nga si̱ꞌanngo yojoná xikótsꞌèn tsꞌénkjántjé an eén Néná, kó ndókjo̱a̱tjéjnúꞌun nga,

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

Xota̱ Éfeso̱ 6:12

Ngatꞌa̱ jmí tsi xota̱ nga̱sondie xi ndyi̱bixkánjo̱, xi tjiín ngaꞌniú boá xi ndyi̱bixkánjo̱, ko̱jo xi nkꞌa xaá, ko̱jo xi botixómá nga̱sondie jñó xi̱ꞌbi̱, ko̱jo ngaꞌniuú a̱siénni̱xtjin xi ndajín xi tjín nkꞌa jàn.

Xota̱ Éfeso̱ 6:18

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.

Xota̱ Kolosa̱ 2:1

Mejénna nga xcha̱jnú nga ta̱nisién tsie kjo̱a̱ni̱ma̱ xi tsꞌénfoaꞌatio an nganda tsa̱jún, ko̱jo ngandaa̱ xota̱ na̱ngo̱xi̱ xi chji̱a̱ni Laondisea̱, ko̱jo ngandaa̱ xota̱ xi kji̱e̱ bejín kje̱n án.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

Xota̱ Ebreo̱ 5:7

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xi ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.