Jenesii̱s 31:11 - Xo̱jo̱n eén Néná

^11-12 Kó Néná bi̱ katsóna ngi̱jin ńjñá jàn: “Jè kamábe an ngayeje ni xi ndajínkjiꞌi xi tjítsꞌénjoo̱ chiꞌyáa̱, kó kuíni nga tsitsíjin ji ngotꞌe̱ kó xchi̱e̱ ji nga ngayeje cho̱ xi̱ꞌin xi bixanjo̱ cho̱ ínchjiín, cho̱ xi indó ko̱jo xi tjiín ndi̱yà tiboa boá.

Jenesii̱s 31:11 Iomraidhean Croise

Jenesii̱s 18:1

Bi̱ kamá kjiꞌanga Néná jatjokjaà Abraa̱n ki̱a̱ nínga tjín yáꞌensino̱ xi tikóntꞌa kꞌijñá xi ꞌmí Mamree̱. Kui ni̱xtjin jàn achichí sibé kamá ndoboaá, kó Abraa̱n xió kisꞌijña ngi̱xtio nga̱ntjo̱a̱a̱ ndiꞌa xi tji̱xi̱ín cho̱ kamándanii̱.

Jenesii̱s 18:17

Ta̱nga Néná bi̱ tsꞌén katsꞌénkjó: «Ka̱májín kꞌuiꞌmáa̱ Abraa̱n ni xi sa̱ꞌin an,

Jenesii̱s 22:1

Jaskan ngije jaꞌa kjín nó, Néná askotꞌayákón Abraa̱n, kó tsíchji̱a̱a̱, sꞌe̱ bi̱ katsoó: «Abraa̱n, mejénna nga si̱ꞌinkꞌasꞌínní ngo kjo̱a̱tjó xi ndíi̱ Isaa̱, kui xi ndí ngototóo̱, kui xi achichí tjoó. Tꞌenje̱ ji ki̱a̱ nangi Moriaa̱j, ngo na̱xi̱ xi kokoo».

Jenesii̱s 22:11

kó kjiꞌá má ndítsjie xi Néná ndeskande ndiꞌakꞌajmi jàn tsíchji̱a̱a̱ Abraa̱n. Kó Abraa̱n, kꞌi̱e̱ tikòn an kꞌi̱e̱e̱, katsó.

Jenesii̱s 22:15

Kó ndítsjie xi Néná ndeskande ndiꞌakꞌajmii̱ ti̱ tsíchji̱a̱jo nginí Abraa̱n xi ma joó ndi̱yà,

Jenesii̱s 31:10

»Ngo ndi̱yà tseꞌéna ngo chi̱ni. Kó ngi̱jii̱n kui chi̱nii̱ kamábe an cho̱tsa̱nga̱ xi mejeén xi̱ꞌii̱n, kó kamábe an nga cho̱tsa̱nga̱ xi jaꞌatji ndi̱ja̱a̱ xi xi̱ꞌin xi ixánjo̱ cho̱ xi ínchjiín, cho̱ xi indó ko̱jo xi tjiín ndi̱yà tiboa boá.

Jenesii̱s 31:13

Án boá kui Ne xi kamáyè ji ki̱a̱ Betee̱l, nínga kachjatjénjen ji isti̱ ngo ndi̱jo̱, kó katseꞌéní ndso̱ꞌbe nga si̱ꞌinkjatjosénní. Kó ngotꞌe̱ ꞌne̱ ti̱sítji̱n ji, kó tja̱tje ji kui ngi̱ndiee̱, kó tꞌen nginí ji nangi Kanaa̱n nínga katsen ji”.»

Jenesii̱s 31:5

kó ki̱a̱ bi̱ katsoó: —Na̱ꞌmijnú jè ngiti̱ bo̱a̱jín tsꞌén tsꞌensénna xikoó ngasꞌe̱. Jún yàjnú nga ta̱nisién ꞌniú nda katsꞌenxájo̱ an na̱ꞌmijnú, ta̱nga kuí ta̱ngongá tsꞌénꞌboṉcha̱jona, ngatꞌa̱ kjín ndi̱yà asíkjo xikó kjiꞌi ꞌbíchjína, ta̱nga Néná xí tsi̱ꞌe̱ na̱ꞌmina asíko̱jona, kó katsjandièjiín nga ndajínkjiꞌi ni xi sa̱ꞌínjo̱na.

Jenesii̱s 37:5

Ngo ndi̱yà tseꞌeé ngo chi̱ni Kosiee̱, kó nga katsóyaà já ntsꞌi̱e̱, ꞌniú ngase chꞌo kamaá kui jaá,

Jenesii̱s 46:2

Kó kuí ni̱xtji̱e̱e̱n Néná tsíchji̱a̱jo Jakoo̱b, nga bi̱ katsoó: —¡Jakoo̱b, Jakoo̱b! —¡Mí ni, kꞌi̱e̱ tikòn an kꞌi̱e̱e̱! —Katsó Jakoo̱b.

Éksondo̱ 3:4

Nga kamábe Néná nga Moisee̱ kijíkatsijen boaꞌá ki̱a̱a̱, ꞌniú tsíchji̱a̱jo nga bi̱ katsoó: —¡Ta̱si̱n ji ki̱a̱a̱ Moise̱! Kó Moisee̱ bi̱ katsó: —¡Mí xí kjima Ndi̱a̱!

Xki̱ 12:6

Néná bi̱ katsoó nga jaán: «Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án».

Matioo̱ 27:19

Kó tji̱e̱nga tikón Pilatoo̱ ngi̱ndie nínga niꞌánjeé, chjo̱ón katsangiyaa̱ ngo én xi bi̱ tsó: «Ngata̱ jijín chingajin nii̱ kui xota̱ kixi̱i̱, ngatꞌa̱ achichí kjo̱a̱ni̱ma̱ jaꞌatio an ngi̱jin ńjñána ngoye ta̱ngatꞌanii̱ kui.»