Jenesii̱s 30:43 - Xo̱jo̱n eén Néná

⁴³ Kó bo̱a̱ tsꞌén nga achichí kamácho̱n Jakoo̱b, kó kisꞌiee̱ kjín cho̱tsa̱nga̱, ko̱jo já moso̱, ko̱jo ínchjín moso̱ ko̱jo cho̱toꞌoyitsꞌe̱n, ko̱jo bórró.

Jenesii̱s 30:43 Iomraidhean Croise

Jenesii̱s 12:16

Kó kui ree̱ nda katsꞌénjo̱ Abra̱n, ta̱ngatꞌanii̱ na̱ Saraii̱, ngatꞌa̱ katsjaá cho̱tsa̱nga̱, cho̱yojo, bórró xíꞌín ko̱jo bórró ínchjín, ko̱jo moso̱, ko̱jo chji̱ni̱e̱ꞌbo, ko̱jo cho̱toꞌoyitsꞌe̱n.

Jenesii̱s 13:2

Kui ni̱xtjin jàn Abra̱n achichí jè cho̱n, ngatꞌa̱ kisꞌiee̱ to̱nsinié ko̱jo to̱ntiboa ko̱jo kjín to̱ko̱ya cho̱.

Jenesii̱s 24:35

Néná achichí tjítsꞌénchíkonñé ndi̱a̱na ngatꞌa̱ achichí cho̱n, Néná katsjaá cho̱tsa̱nga̱, ko̱jo cho̱yojo, ko̱jo to̱nsinié, ko̱jo to̱ntiboa, ko̱jo já moso̱, ko̱jo ínchjín moso̱, ko̱jo cho̱toꞌoyitsꞌe̱n ko̱jo bórró.

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 30:30

Ngindiee̱ nga kjoéꞌe̱ an chiboa tsí kamá cho̱ xi kisꞌiee̱ ji, kó ngotꞌe̱ ꞌne̱ achichí jè cho̱n ji, ngatꞌa̱ ndeskande koó nga jéꞌe̱ an Néná tjítsꞌénchíkonñé ngayeje ni xi niꞌín ji, ta̱nga ti̱ chjiéngá sa̱ꞌinxá an nganda tsi̱ꞌe̱ ndína ko̱jo tsi̱ꞌe̱ ínchjínna nga.

Jenesii̱s 30:42

ta̱nga nga jachó cho̱tsa̱nga̱ xi xkꞌieén jaꞌáxín Jakoo̱b tjiaa̱ kui yaá, ki̱a̱ ka̱maa̱ nga cho̱ xi yiꞌii̱ tsi̱ꞌe̱ Jakoo̱b kamá, kó cho̱ xi xkꞌieén tsi̱ꞌe̱ Labaa̱n kamá.

Jenesii̱s 31:1

Kó jaá Labaa̱n tsíchji̱a̱jo xkjín nga bo̱a̱ katsoó nga Jakoo̱b achichí jè kjimacho̱n ta̱ngatꞌanii̱ Labaa̱n.

Jenesii̱s 31:42

¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 32:10

Achichí nda niꞌínje̱ní, ndatsi tsoboájínna nga ko̱si̱ke̱jení, ngatꞌa̱ an boá xi moso̱ tse̱, kjiꞌanga jaꞌatio an ndejèꞌ Jorndaa̱n, jmí ni kisꞌiejínna ngasꞌe̱, ta̱ ngo tsí yánísié tsaꞌa an, kó ngotꞌe̱ ꞌne̱ ngaskande jó tjín xota̱ ko̱jo cho̱ xi síndona.

Jenesii̱s 32:14

iskjíbé jó úchán tindso̱ ínchjín ko̱jo kan tindso̱ xi̱ꞌin, jó úchán cho̱tsa̱nga̱ ínchjín ko̱jo kan cho̱tsa̱nga̱ xi̱ꞌin,

Jenesii̱s 32:5

Kó nga je tjiín cho̱yojo, ko̱jo bórroó, ko̱jo cho̱tsa̱nga̱ ko̱jo moso̱ xi ínchjín ko̱jo xi xi̱ꞌin. Kó kuí boá xi katsangiyajne̱ tsi̱ꞌe̱ nga kꞌuiyájne̱ ji nga si̱ꞌinjo̱ꞌo ji nga kji̱ndi̱bákoón kuí».

Jenesii̱s 33:11

Ngo kjo̱a̱nda míꞌaá chjábé jí kui ni xi yaꞌaa̱ ngotꞌe̱, ngatꞌa̱ Néná achichí ni je katsjána, kó jè tikónna ngayeje ni xi chjiénna. Kó nga ꞌniú ꞌniú katsꞌén Jakoo̱b, ti̱chaa̱n Esauu̱ katsꞌénjo̱ꞌo nga iskjíbé kuí nii̱.

Jenesii̱s 36:7

Achichí ni xi kisꞌiee̱ Esauu̱ ko̱jo Jakoo̱b, kjín cho̱ kisꞌiee̱ kó nde ngiti̱ kamájín nga nijan kisꞌińdo, ngatꞌa̱ tꞌanangii̱ ngiti̱ kichikjo̱a̱jiín cho̱ xi kisꞌiee̱ nga joó.

Eklesiastee̱ 2:7

Tsꞌatsie an moso̱ xi chjo̱on ko̱jo xi xi̱ꞌin, kó ti̱ kisꞌiena moso̱ xi kꞌi̱e̱ katsen ndiꞌana, ko̱jo achichí kamá cho̱yojona, ko̱jo cho̱tsa̱nga̱na, kjín ngase kamá ta̱bo̱a̱jiín xi kisꞌiee̱ ngayeje re xi kisꞌie ki̱a̱ na̱xi̱ńdáꞌniú Jerusale̱n ngindiee̱ nga stse̱n án.

Rkaa̱ 12:45

Ta̱nga tsi kui mosoo̱, bi̱ tsꞌén sa̱ꞌínkjó ini̱ma̱a̱: “Kꞌo̱ndíyárií ndi̱a̱na nga kjo̱e̱ꞌe”, kó ku̱i̱ꞌítsꞌi̱yanii̱ nga ko̱ꞌon moso̱ xi ngasee̱ xi xi̱ꞌii̱n ko̱jo xi ínchjiín, kó skji̱ni̱e̱ ko̱jo kꞌuí, kó ka̱ma chꞌi̱,