Jenesii̱s 30:25 - Xo̱jo̱n eén Néná

^25-26 Ngije jaꞌa ni̱xtjin nga katsen ndií na̱ Rakee̱l kui xi ꞌmí Kosiee̱, Jakoo̱b bi̱ katsoó Labaa̱n: —Te̱ꞌéní ínchjínna, ko̱jo ndína, ngatꞌa̱ ta̱ngatꞌanii̱ kui nga je katsꞌenxá kjo̱a̱ndaa̱ ji, kó te̱ꞌéndièní nga kjuín ngiñá an nangina.

Jenesii̱s 30:25 Iomraidhean Croise

Jenesii̱s 18:33

Ngije Néná tsíchji̱a̱jo Abraa̱n xín kijí, kó Abraa̱n kijí nínga tikón ndiꞌa xi tji̱xi̱ín cho̱ kiniꞌándanii̱.

Jenesii̱s 24:54

Ngije kamá kui nii̱ iskjinie ko̱jo katsꞌe kui nda̱ mosoo̱ ko̱jo já xí nijan tjimájo̱, kó ki̱a̱ kisꞌiyojo kui ni̱xtji̱e̱e̱n. Nga kamángindyiojón achichí ta̱jñó jastjíe̱n kui jaá, kó kui nda̱ mosoo̱ tsíꞌaá kjo̱a̱a̱ xi tsi̱ꞌe̱ ndiꞌaa̱ tsi̱ꞌe̱ nga ko̱e̱je̱ nginí ndiꞌaa̱ ndi̱a̱a̱,

Jenesii̱s 24:56

Ta̱nga kui nda̱ mosoo̱ bi̱ katsó: —¡Ngata̱ ꞌbíchjájínjnúꞌun ngase! Ngatꞌa̱ Néná jè katsjána ngi̱ndie nga nda tsꞌén jéꞌe̱ an, kuíni nga ta̱sá te̱ꞌéndièjnúꞌun nga kjuín ngiñá an ndiꞌaa̱ ndi̱a̱na.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 31:13

Án boá kui Ne xi kamáyè ji ki̱a̱ Betee̱l, nínga kachjatjénjen ji isti̱ ngo ndi̱jo̱, kó katseꞌéní ndso̱ꞌbe nga si̱ꞌinkjatjosénní. Kó ngotꞌe̱ ꞌne̱ ti̱sítji̱n ji, kó tja̱tje ji kui ngi̱ndiee̱, kó tꞌen nginí ji nangi Kanaa̱n nínga katsen ji”.»

Jenesii̱s 31:55

Nga kamángindyiojón Labaa̱n ꞌniú ta̱jñó jastjíe̱n, katsjaá ngo ndsó tꞌanijon ndíndee̱ ko̱jo ndí ínchjiín, katsꞌénchikonñé, sꞌe̱ kijí nginí ndiꞌaa̱.

Xota̱ Ebreo̱ 11:9

Ta̱ngatꞌanii̱ kjo̱a̱sꞌijii̱n nga kisꞌijña xikoó ngo xota̱ xi xín nangi ki̱a̱ nangi xi ja̱bo̱a̱ je katsóyaà Néná nga tsja̱á, ndiꞌańjño ndichjon kisꞌijña, ko̱jo Isaa̱, ko̱jo Jako̱b, kui já xí ti̱ bo̱a̱ ti̱ tsꞌén katseꞌeé kui ni xi katsóyàtjoón Néná nga tsja̱á.