Jenesii̱s 30:2 - Xo̱jo̱n eén Néná

² Kó Jakoo̱b katsꞌénxchánjo̱ na̱ Rakee̱l, nga bi̱ katsoó: —A Néná boá an nga bo̱a̱ se kon ji. ¡Kuí boá xi jmí ndí tsjájiín!

Jenesii̱s 30:2 Iomraidhean Croise

Jenesii̱s 20:18

Ngatꞌa̱ ta̱ngatꞌanii̱ na̱ Saraa̱ nga Néná ndi̱ katsꞌén kui ínchjiín katsaki.

Jenesii̱s 25:21

Na̱ Rebekaa̱ ndi̱ kamá, kuíni nga Isaa̱ tsíchji̱a̱a̱ Néná nga tsíchji̱a̱tjé chjo̱ón. Kósꞌe̱ Néná katsꞌénseén ni xi tsíꞌá Isaa̱, kó tsaꞌa ndí na̱ Rebekaa̱.

Jenesii̱s 29:31

Kó Néná kamábe nga Jakoo̱b katsꞌénchꞌó na̱ Liyaa̱, kó katsjaá nga kisꞌiee̱ ndí, ta̱nga na̱ Rakee̱l ndi̱ kamá.

Jenesii̱s 31:36

katsꞌénxchánjo̱, kó bi̱ katsoó Labaa̱n: —Mí ni xi katsꞌenkjatsón án. Mí jé xí katsꞌen an nga tsꞌentje̱tji̱ngíní xikoó tsi ini̱ma̱ katsꞌenkꞌién an.

Jenesii̱s 50:19

Ta̱nga Kosiee̱ yíxioó ntsꞌi̱e̱, kó ngayeje ini̱ma̱a̱ nga bi̱ katsoó: —Ngata̱ ndakonjínmájnú, ngatꞌa̱ jmí tsi ngajoo̱ Néná tikòn an. Jún ngo ni xi ndajínkjiꞌi kamámejénjnú kiniꞌánjo̱jnúꞌun, ta̱nga Néná ni xi nda katsꞌén kui nii̱, jún jè kamáyàjnú ni xi je kamaá: Néná achichí má xota̱ xi katsꞌénkjiesónjín. Kó kuíni nga ngotꞌe̱ ꞌne̱, ngata̱ ndakonjínmájnú, an skonjnúꞌun jún ko̱jo ndíjnú.

Xo̱jo̱n Salmoo̱ 113:9

Kui ínchjín xi jmí ndí ꞌbéjiín, jó kjo̱a̱tsja tsjaá: ¡tsjaá nga na̱an ma, kó tsjaá nga ꞌbeé ngo ndiꞌa! ¡Si̱ꞌantsjàa̱ Néná!

Xo̱jo̱n Salmoo̱ 127:3

Ndí xí tjínná, kuí boá ngo ni xi ta̱ katsjáná Néná. Ndí xí beꞌé ínchjiín, kuí boá xi kjo̱a̱niꞌánchikonñé xi katsjáná Néná.

Éksondo̱ 32:19

Kó nga jachó Moisee̱ ki̱a̱ nínga síndo ndiꞌaa̱, kamábe nga ndyi̱tié kui xotaa̱. Kó nga kamábe cho̱yojo toroo̱, achichí katsꞌénxchán, kó ti̱ ki̱a̱a̱ tꞌa se na̱xi̱i̱ tsꞌatójó tꞌanangi nga jó nga tiee̱ kui ndi̱jo̱ nínga kjitꞌa kjo̱a̱botíxomaa̱, kó tsakjan kui nii̱.

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Markoo̱ 3:5

Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱: –Tjintie ndse̱. Kó kui nda̱a̱ yejéntie tsja, kó kamándaya.

Rkaa̱ 1:42

Kó ꞌniú má tsíchji̱a̱, nga bi̱ katsó: —Néná ꞌniú ngase tsꞌénchíkonñeé ji, ngi̱jii̱n ngayeje ínchjiín, kó tsꞌénchíkonñé ndíi̱ nga.

Xota̱ Éfeso̱ 4:26

Tsi si̱ꞌanxchánjnú, ngata̱ niꞌánjéjínjnú, kó nga jmí tsi nga ngo ni̱xtjii̱n nga kꞌuijñájnú kui kjo̱a̱xcha̱án.