Jenesii̱s 30:1 - Xo̱jo̱n eén Néná

¹ Kó nga kamábe na̱ Rakee̱l nga jmí ndí kisꞌiejiín, kamáꞌonkon kjo̱a̱a̱ ndichja, kó bi̱ katsoó Jakoo̱b: —Tsi jmí ndí ko̱e̱ꞌéjínní, ¡ta̱sá ngatꞌien an!

Jenesii̱s 30:1 Iomraidhean Croise

Jenesii̱s 29:31

Kó Néná kamábe nga Jakoo̱b katsꞌénchꞌó na̱ Liyaa̱, kó katsjaá nga kisꞌiee̱ ndí, ta̱nga na̱ Rakee̱l ndi̱ kamá.

Jenesii̱s 37:11

Kó já ntsꞌi̱e̱ Kosiee̱ kamáꞌonkon, ta̱nga na̱ꞌmii̱ katsꞌénkjó mí xí mejeén tsó ni xi tseꞌéchi̱nii̱ Kosiee̱.

Joo̱b 13:19

Tsi tjín xí mejeén ko̱óngítaꞌinna, ta̱sá xió kotíjña̱ an, kósꞌe̱ ngatꞌien an ngijee̱.

Joo̱b 3:11

»Ánní nga ta̱sájín kꞌien an ngi̱ya ndo̱bo̱a̱ndií na̱ana. Ko̱jo tsi kjiꞌa má kꞌien an nga katsen an katsaki.

Joo̱b 5:2

Kjénní nga kjo̱a̱tamaá boá xi tsꞌenkꞌién xota̱ xi kitikjo̱a̱a̱, kó xi onkoo̱n, kjo̱a̱ꞌontakoón boá xi tsꞌenkꞌién.

Xo̱jo̱n Salmoo̱ 106:16

Kjiꞌanga kisꞌińdo ki̱a̱ nangi kixií, kui xota̱ xi ki̱a̱ kijítji̱ngii̱ Ndataa̱n ko̱jo Abiraa̱n, kamáchi̱ni̱ kjo̱a̱a̱ Moisee̱, kó ti̱ kamáchi̱ni̱ kjo̱a̱a̱ Aaroo̱n nga, kui nda̱ xi ji kachjeꞌéjin ji, ta̱nga katjoxꞌá tꞌanangii̱, kó katjéjén kui xota̱ kitikjo̱a̱a̱,

Énkjínkón 14:30

Ngo ini̱ma̱ xi tjiín kjo̱a̱xió, kuí boá xi tsjaá kjo̱a̱mindyion yojoo̱, ta̱nga kjo̱a̱ꞌontakoón, kuí boá xi tsꞌenkjié ngaskande ńdaa̱.

Énkjínkón 30:16

Ngi̱ndiee̱ kjo̱a̱bo̱yaa̱, xi mején ngasee̱ xota̱ xi fesón, ko̱jo ínchjín ndi̱ xi mejeén nga kꞌuieé ndí, ko̱jo tꞌanangi xi mején ngasee̱ ndáfoaa̱, ko̱jo ndiꞌí xí jmíni̱xtjin nga ta̱ ki̱a̱ tsí tji̱e̱n, tsoó.

Eklesiastee̱ 4:4

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Xki̱ 11:15

Tsi to̱kó bo̱a̱ si̱ꞌinje̱ní, ta̱sá ti̱ꞌinkꞌinní. ¡Ngo kjo̱a̱nda xi si̱ꞌínní tsí bo̱a̱ si̱ꞌin ji! ¡Achichí jè tsie kjo̱a̱xti xi tjínna an ko̱jo kui xotaa̱!

Xki̱ 11:29

Ta̱nga Moisee̱ bi̱ katsoó: —Ngata̱ ma chi̱ni̱jín ji, ti̱nde ngata̱ maꞌontakínjín ji. Achichíra̱ ndakjiꞌi tsi ngayeje xota̱ na̱xi̱ńdaá Néná sa̱ko̱ó kui a̱si̱énni̱xtjii̱n, kó nga ka̱maa̱ ku̱i̱chji̱a̱ én xí Néná tsjá.

Juaa̱ 4:3

Kjisoo̱ jatjoni nangi Jundea̱, sꞌe̱ kijí nginí nangi Ngalilea̱.

Juaa̱ 4:8

Tji̱e̱nga xota̱ tsi̱ꞌe̱ Kjisoo̱ kijíkꞌatsie nichinie nínga tikón na̱xi̱ńdaá.

1 Xota̱ Korinto̱ 3:3

Ngatꞌa̱ ta̱kó bo̱a̱ tsꞌén tindyiónjnú xikoó xota̱ xi kui nga̱sondiee̱ chji̱a̱ni, ngatꞌa̱ tjínjnú kjo̱a̱chi̱ni̱, ko̱jo kjo̱a̱bixkán, ko̱jo ndyi̱bokjángájnú yojojnú. Jún xota̱ nga̱sondiejnú, kó bo̱a̱ tsꞌén timájnú xikoó xota̱ xi kui nga̱sondiee̱ chji̱a̱ni.

2 Xota̱ Korinto̱ 7:10

Ngatꞌa̱ kui kjo̱a̱ndasen xi tsi̱ꞌe̱ Néná, kuí boá xi tsjáná nga niꞌánkꞌoyá yojoná, tsi̱ꞌe̱ nga kjo̱tjoꞌa. Kuíni nga jmí kjo̱a̱jín nga nda̱ ka̱máná. Ta̱nga kjo̱a̱ndasen xi tsjáná nga̱sondiee̱ kuí boá xi tsꞌenkꞌiénná.

Xota̱ Ngalasia̱ 5:21

ko̱jo xi tjiín kjo̱a̱ꞌontakón, ko̱jo xi ndyi̱tsꞌènkꞌién ini̱ma̱, ko̱jo xi tjimáchꞌi̱, ko̱jo xi chꞌo tsꞌén ndyi̱tsꞌèntsjàjo̱ xtín xkjín. Ngayeje ni xi̱ꞌbi̱ ko̱jo ni xi xikoó kui ni xi̱ꞌbi̱, tsꞌenkjaꞌátsjienjnúꞌun, xikó je kixianjnúꞌun ngasꞌe̱, nga kui xota̱ xi ndyi̱tsꞌèn kuí nii̱, sa̱kójiín nga Néná xí ko̱tíxomaa̱.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

Xo̱jo̱o̱n Sandiyaá 3:14

Ta̱nga tsi kjo̱a̱ꞌontakón tikónjii̱n ini̱ma̱jnú, kó tsi ndyi̱bixkánjnú nga mejénjnú ko̱kójnú ꞌyání xi chꞌokon ngase, ngata̱ jejín ꞌna̱xiéjnú yojojnú, ti̱nde ngata̱ miyoniéjínjnú ni xi ja̱koxi̱i̱.

Xo̱jo̱o̱n Sandiyaá 4:5

Jè yàjnú nga jmí tsi ta̱ kjo̱a̱ndaní nga bi̱ tsó xo̱jo̱o̱n: “Néná íjñajinná A̱si̱énni̱xtjii̱n, kó kui A̱si̱énni̱xtjii̱n tsꞌatio tsꞌéntjóná.”