Jenesii̱s 3:8 - Xo̱jo̱n eén Néná

⁸ Kó ngije jaꞌa tjo̱ xi foaꞌa nga ma ngixoón, kui nda̱a̱ ko̱jo chjo̱ón tsintꞌié nda̱a̱ Néná nga ki̱a̱ kistsoꞌbá ngi̱ndie nínga tjitjíe̱ nii̱, kó ngi̱jii̱n yaá kisꞌińdoꞌmá nga joó.

Jenesii̱s 3:8 Iomraidhean Croise

Jenesii̱s 18:33

Ngije Néná tsíchji̱a̱jo Abraa̱n xín kijí, kó Abraa̱n kijí nínga tikón ndiꞌa xi tji̱xi̱ín cho̱ kiniꞌándanii̱.

Jenesii̱s 3:10

Kó bi̱ katsó kui nda̱a̱: —Tsintꞌie an nda̱ tse̱ nínga tjitjíe̱ nii̱, kó katsakjon an, ngatꞌa̱ kjiꞌixtí an. Kó kuíni nga kisꞌijñaꞌma an.

Joo̱b 22:14

Ṉdi̱ jñoó tsjandièjiín nga bená, kó kuí má bo̱a̱ xi fotsoꞌbá, ngo ndiè ngaskande xi ingo ndieè nkꞌa jàn.

Joo̱b 31:33

jmíni̱xtjin iꞌmá an ngo jé xí katsꞌen an xikó tsꞌén xota̱ xi ngasee̱, ti̱nde tjiꞌmájínna ni xi ndajín xi tsꞌen an,

Joo̱b 38:1

Néná tsíchji̱a̱jo Joo̱b ndeskande ngi̱jii̱n ngo tjo̱ꞌniú, kó bi̱ katsoó:

Énkjínkón 15:3

Néná ta̱jñà ngi̱ndiení nínga tikón nga tsꞌénkotsijee̱n xota̱ xi nda ko̱jo xi ndajín.

Jonaa̱ 1:3

Ta̱nga Jonaa̱, ngindiee̱ nga ki̱a̱ ko̱e̱je̱ na̱xi̱ńdáꞌniú Nínibe̱, ta̱sá na̱xi̱ńdá Tarsii̱ kamámejeén kijí, ngo ngi̱ndie nínga ꞌniú kjin ngase, nínga kamákjiín kui, nga Néná sa̱kójiín. Kó jachó tꞌa ndáchíkoón ki̱a̱ na̱xi̱ńdáꞌniú xi ꞌmí Jope̱, kó ki̱a̱ kasakoo̱ ngo tjotso je xi je makjí má. Íchjí tsi̱ꞌe̱ nga ko̱e̱je̱ya kui tjotsoo̱, sꞌe̱ tsꞌasꞌien, kó achichí tsjátjiín, ngatꞌa̱ katsꞌénkjó nga achichí kjinnii̱ Néná nínga je tsꞌénmonga.

Xota̱ Roma̱ 2:15

Kó bokó nga ngi̱jin ini̱ma̱a̱ tjítꞌa ni xi bokoyá kjo̱a̱kitii̱. Ngatꞌa̱ kjiꞌanga tsꞌénkjó ngo ni, jè be tsi nda ko̱jo tsi ndajínkjiꞌi kui nii̱. Kó kjo̱a̱kjíntakoón tsáyaà tsi nda ko̱jo tsi ndajínkjiꞌi ni xi ndyi̱tsꞌèn.

Ndeuteronomio̱ 5:25

Ta̱nga, míkjo̱a̱a̱ nga ka̱mamejénná ko̱yà nga ku̱i̱ꞌítíná kuí ndiꞌí xí ta̱nisién ꞌniuú. ¡Tsi ko̱nda̱ꞌyá ngiñáa̱ nda̱a̱ Néná, ko̱yàrá ñá!

Xota̱ Ebreo̱ 4:13

Kó jmíjín ngo ni xi Néná katsꞌénda xi ka̱maꞌmaa̱ yojoo̱ ngindyi̱ko̱n kui, ta̱sá ngayeje nii̱ xi síndo tsijen ko̱jo ya cha̱n cha̱n ngindyi̱ko̱n kui Néná, kui xi chjiéngá si̱ꞌankꞌasꞌiée̱n xki̱i̱.

Ni xi akakoo̱ 6:15

Kó ree̱ tꞌanangii̱ kisꞌińdoꞌmá nga kijí ngi̱ya ti̱xa̱na̱xi̱i̱, ko̱jo nínga síndo ndi̱jo̱ yiꞌii̱ na̱xi̱i̱, ko̱jo xota̱ xi nkꞌa xaá, ko̱jo ngito̱ko̱o̱ jájuún, ko̱jo xota̱ xi cho̱n, ko̱jo xota̱ xi tjiín ngaꞌniú, ko̱jo ngayeje moso̱, ko̱jo ngayeje xota̱ xi tjimándé, ti̱ bo̱a̱ ti̱ tsꞌén kisꞌińdoꞌmá nga,