Jenesii̱s 3:20 - Xo̱jo̱n eén Néná

²⁰ Kósꞌe̱ Andaa̱n Eba̱ ítꞌajaꞌén chjo̱ón, ngatꞌa̱ kuí boá xi ka̱ma na̱aa̱n ngayeje xota̱ xi kꞌuíndo nga̱sondiee̱.

Jenesii̱s 3:20 Iomraidhean Croise

Jenesii̱s 2:23

kó bi̱ katsó Andaa̱n: «¡Kuí bí xi̱ꞌbi̱ xi yojona ko̱jo xi ńdana jatjojinni, kuí bí xi na̱ kꞌuin, ngatꞌa̱ Néná ngi̱jin yojoo̱ nda̱ xi̱ꞌii̱n tsꞌaxiéjinni!»

Jenesii̱s 3:21

Jaskan Néná katsꞌéndaa̱ nda̱a̱ ko̱jo chjo̱ón ńjño xi tji̱xi̱ín cho̱, kósꞌe̱ katsꞌénkajá,

Jenesii̱s 35:18

Kó nda tsꞌén katsen kui ndií, ta̱nga na̱ Rakee̱l kichikjo̱a̱jiín, kó ngindiee̱ nga ko̱yà Benoni̱ ítꞌajaꞌén kuí ndií «ndií kjo̱a̱ndakjanna» tsó kuí jaꞌeén, ta̱nga Jakoo̱b asíkjoo̱ jaꞌeén kó Benja̱ katsoó «ndí xí tjó ngasena» tsó kui jaꞌeén.

Jenesii̱s 5:29

kó kui ndií Noe̱ ítꞌajaꞌén nga bi̱ katsó: «Néná atíjeé nga̱sondiee̱ kó tsie kjo̱a̱ni̱ma̱ ndyi̱bitjatió nga ndyi̱niꞌánxájin tꞌanangii̱, ta̱nga kui ndií, kuí boá xi sa̱ꞌín nga ka̱maxtja̱ chií xáná ko̱jo nga ka̱ma si̱ꞌankjaꞌyá chií».

Éksondo̱ 2:10

Ngije kamáxchá kuí ndií, kijíjoo̱ tsa̱kji̱ín nda̱ ree̱, kó kui tsa̱kji̱ín katsꞌéntsi̱ꞌe̱ kui ndií, kó «Moise̱» ítꞌajaꞌén, «Án boá xi tsꞌaxié an ngi̱jin ndáfoaa̱» tsó kui jaꞌeén.

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Ni xi kamá 17:26

Kó ta̱ ngo xota̱ xi ngo jín ngo yojo katsꞌénkjínni ngayeje xota̱ na̱xi̱ńdaá, tsi̱ꞌe̱ nga kꞌuíndo ngayeje són tꞌanangii̱, kó bo̱a̱ tsꞌén katsjaá chi̱bo̱a̱ mí ni̱xtjin, kó ñá ngi̱ndie nínga kꞌuíndo,

2 Xota̱ Korinto̱ 11:3

Ta̱nga nda̱ kjimana, nga xikótsꞌèn ye̱e̱ katsꞌénkjién kjo̱a̱mañaa̱ nga tsꞌenṉcha̱jo na̱ Ebaa̱, nga ti̱ bo̱a̱ ti̱ tsꞌén xi̱ꞌṉcha̱jojnú jún, tsi̱ꞌe̱ nga ka̱matsobéjii̱n kjo̱a̱kjíntakónjnú, kó jmí tsi tsjietsꞌén, ko̱jo tsi ngayeje takónjnú nga kongintjingíjnúu̱ Kristoo̱.

1 Timoo̱ 2:13

Ngatꞌa̱ Néná jmí tsi na̱ Ebaa̱ xi tjón katsꞌénda, Andaa̱n boá xi tjón katsꞌénda.