Jenesii̱s 3:19 - Xo̱jo̱n eén Néná

¹⁹ »Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 3:19 Iomraidhean Croise

Jenesii̱s 18:27

Ta̱nga Abraa̱n ti̱ bi̱ ti̱ katsó nginií Néná: —Ne tsa̱ꞌa̱n, ti̱ꞌinjetakínní nga bi̱ tsꞌén tsꞌénchji̱a̱joo ji, ja̱ jè yé ji nga ngindyikin ji jmí ni chjíjiín an.

Jenesii̱s 2:7

Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Jenesii̱s 23:4

—Kuijín nangii̱ chjiá an, ta̱nga kꞌi̱e̱ tikónjinjnúꞌun, ngo kjo̱a̱nda kuíꞌájnúꞌun, tatíñájnúꞌun ngo ngi̱ndie nínga ka̱ma konijín an chjo̱onna.

Jenesii̱s 3:18

Kꞌijñá xi ndajín xi tjiín ndaꞌyá xí sa̱ꞌínꞌoón, kó kuí boá xi tsja̱á tꞌanangii̱, kó xka̱ xi kꞌuié ngi̱jin kꞌijñaá xí xi̱ni̱ ji.

Jenesii̱s 5:5

Kó Andaa̱n nijan úchán ko̱jo kantié noó nga kꞌien.

Joo̱b 1:21

kósꞌe̱ bi̱ katsó: «Jmí ni yaꞌajín an nga jatjoni an ndo̱bo̱a̱ndií na̱anna, kó ti̱ jmí ni koaꞌajín an nga kjo̱tjoni an kui nga̱sondiee̱ nga, ¡Néná katsjána, kó Néná jaꞌáxínna! ¡Ngatamachikonñé jaꞌeén Néná!»

Joo̱b 10:9

Ngatjaꞌátsjiee̱n nga xikó má tsꞌén niꞌánda ngo ti̱jì bo̱a̱ má tsꞌén kiniꞌíndení, kó ngotꞌe̱ ꞌne̱ ńdie mejeén si̱ꞌin nginí.

Joo̱b 19:26

Kó ndatsi ngije jatson yojona, ti̱ kuí xí skuiéni an Néná.

Joo̱b 21:26

¡Ta̱nga nga jó tjiín nga kju̱i̱e̱són, kó ki̱a̱ nga̱tsjo̱ó sꞌi̱kitsie maá chi̱ndo!

Joo̱b 34:15

¡ngayeje ñá nga ko̱yà, kó chojo ka̱má nginí ngayeje xota̱ nga̱sondiee̱!

Joo̱b 4:19

akja̱ꞌmíra̱ xotaa̱ ka̱maꞌniátakón, kui xi ndiꞌa chji̱ndi̱e̱ síndoꞌyaá, kó ńdie kamándani, ngatꞌa̱ inda boá, kó ka̱ma ko̱jna̱nié xikoó xobií.

Xo̱jo̱n Salmoo̱ 103:14

Jè be nda nda Néná kókón ñá, ¡jè be nda nda nga chojo boá ñá!

Xo̱jo̱n Salmoo̱ 104:23

Kósꞌe̱ kjiꞌá boá nga ñá bistjíe̱n, kó niꞌán xáná, ngaskande nga ma jñó nginí.

Xo̱jo̱n Salmoo̱ 104:29

Tsi niꞌínsénjíi̱n achichí tsakjón má, tsi chje̱ꞌéxíi̱n tjo̱ xi kjiendáni, fesón kó chojo má nginí,

Xo̱jo̱n Salmoo̱ 127:2

Ta̱kjo̱a̱ndaní nga ta̱jñó ku̱i̱stjíe̱njnú, ko̱jo tsi sájín tsjayójofejnú, ko̱jo tsi ꞌniú si̱ꞌanxájnú, tsi̱ꞌe̱ nga kꞌuiéjnú nichinie, kjiꞌanga Néná xí tjoó ngo xota̱ ndatsi kjiꞌifé nga tsjaá.

Xo̱jo̱n Salmoo̱ 22:15

Jè ngiti̱ jmí ngaꞌniújínna, jè xikoó tsi kixíyà an, kó najén án je kisitꞌaꞌniú ńdaa̱ ndso̱ꞌba án. ¡Jè ki̱a̱ akjajñíní tꞌanangii̱, tsi̱ꞌe̱ nga ko̱ya án!

Xo̱jo̱n Salmoo̱ 22:29

Xota̱ xi iskjinie nichinie ko̱jo xi kamáyiꞌi kui nga̱sondiee̱, ko̱siéntikoó ngindyi̱ko̱n Néná. Xota̱ xi je jesoón, ti̱ ko̱siéntikoó ndatsa kui nga, ko̱jo xota̱ xi je mején ma kjiesoón nga.

Xo̱jo̱n Salmoo̱ 90:3

Jí boá xi niꞌín ji nga chojo má nginí xota̱ nga̱sondiee̱, kó bi̱ sée̱: Chojo ngatama nginíjnú jún ndií Andaa̱n.

Énkjínkón 21:16

Xota̱ xi ꞌbijñámasien kjo̱a̱kjínkoón, ki̱a̱ kjo̱chó ngi̱jii̱n xota̱ xi je jesoón.

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 1:3

Mí chjínií kjo̱a̱a̱ ngayeje xá xí tsꞌén xotaa̱ kui nga̱sondiee̱.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 3:20

Ngayejee̱ nga ta̱ ngo tsí ndiè fochó, ngayejee̱ nga chojo kamándani, kó ngayejee̱ nga chojo ka̱má nginí.

Eklesiastee̱ 5:15

kó nga fetꞌani xikótsꞌèn jmí ni yaꞌajín ngatꞌa̱ kjiꞌixtí nga katsen, bo̱a̱ tsꞌén ko̱e̱je̱ nginí ¡kó nde ngo ni xi achichí kjo̱a̱ni̱ma̱ kisꞌingii̱ nga katsꞌénxá ko̱e̱je̱jojín!

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

Xota̱ Éfeso̱ 4:28

Kui xota̱ xi katsꞌénchejé ngasꞌe̱, ngiti̱ bo̱a̱jín nga tsꞌén, ta̱sá ngatsꞌénxá, ngo xá xí nda nga tsꞌén nga sa̱ꞌínkjién tsja, tsi̱ꞌe̱ nga kꞌuieé ngo ni xi tsja̱á xota̱ xi ka̱machjieén ngo ni.

1 Xota̱ Tesalónika̱ 2:9

Ngatjaꞌátsjienjnú jún já ntsꞌie, kótsꞌèn kiniꞌánxájne̱ ko̱jo jendajne̱, ngatꞌa̱ nga ni̱xtjin ko̱jo nga ni̱xtji̱e̱n kiniꞌánxájne̱, tsi̱ꞌe̱ nga jmí tsi jún ikꞌíniéjne̱ yojojne̱ nga ikꞌíni̱jmìjne̱ éntjatsi̱e̱e̱ Néná.

2 Xota̱ Tesalónika̱ 3:10

Ngatꞌa̱ kjiꞌanga kixindyionjinjne̱ jún, katseꞌéjne̱ ngo kjo̱a̱botíxoma xi bi̱ tsó: Tsi tjín xi mejénjiín sa̱ꞌínxá, jmíjiín kjo̱a̱nda nga ka̱ma skji̱ni̱e̱ nichinie.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.