Jenesii̱s 3:18 - Xo̱jo̱n eén Néná

¹⁸ Kꞌijñá xi ndajín xi tjiín ndaꞌyá xí sa̱ꞌínꞌoón, kó kuí boá xi tsja̱á tꞌanangii̱, kó xka̱ xi kꞌuié ngi̱jin kꞌijñaá xí xi̱ni̱ ji.

Jenesii̱s 3:18 Iomraidhean Croise

Jenesii̱s 3:17

Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Joo̱b 1:21

kósꞌe̱ bi̱ katsó: «Jmí ni yaꞌajín an nga jatjoni an ndo̱bo̱a̱ndií na̱anna, kó ti̱ jmí ni koaꞌajín an nga kjo̱tjoni an kui nga̱sondiee̱ nga, ¡Néná katsjána, kó Néná jaꞌáxínna! ¡Ngatamachikonñé jaꞌeén Néná!»

Joo̱b 31:40

Tsi bo̱a̱ kjiꞌi ni xi tꞌíxián an, ¡ngindiee̱ nga to ndso̱ko̱a̱n ṉño̱pan ko̱jo sebanda̱ xi tsja̱á tꞌanangina, ja̱ ta̱sá ndaꞌyá ngatsjá tsobo̱a̱!» Boá tsꞌén katsꞌénkjietꞌa ni xi katsó Joo̱b nga tsíchji̱a̱.

Joo̱b 5:5

Ni xi kamáxchaá, xota̱ xi bojoó kjinie nga ki̱a̱ ꞌboxiéjinni ngi̱jin ndaꞌyaá, kó xota̱ xi xíndaá ma mejeén kjo̱a̱cho̱o̱n.

Xo̱jo̱n Salmoo̱ 90:3

Jí boá xi niꞌín ji nga chojo má nginí xota̱ nga̱sondiee̱, kó bi̱ sée̱: Chojo ngatama nginíjnú jún ndií Andaa̱n.

Énkjínkón 22:5

Ndi̱ya̱à xota̱ xi ꞌniú ndajiín, xikónií tsi ndaꞌyá ko̱jo chja̱ya̱ tjiín, ta̱nga xota̱ xi tjoó kjo̱a̱mindyioo̱n, tsꞌénkjii̱n yojoo̱ kui nii̱.

Énkjínkón 24:31

kó ngayeje kui ngi̱ndie achichí je tjen, kó ta̱soboá yándáꞌyá xí tjiín, kó xóndi̱jo̱ xi tjíchjáꞌyáni je tsixóndó.

Matioo̱ 13:7

Kó ingo tjín kuí xojmaá xi ixó ngi̱jin yándáꞌyaá, kó nga kamánkꞌá yándáꞌyaá, katsꞌénxí.

Xota̱ Roma̱ 14:2

Ngatꞌa̱ tjín xota̱ xi sꞌijii̱n nga ngayeje to̱ko̱ya nii̱ máa kjinie, tji̱e̱nga kje̱ꞌe xí kji̱e̱ tajájín síndojin nii̱ Néná xi ta̱ xka̱, ko̱jo ni xi maxchaá tꞌanangii̱ xí kjinie.

Xota̱ Ebreo̱ 6:8

Ta̱nga xota̱ xi íjñámasien ni xi tsi̱ꞌe̱ Néná, bo̱a̱ maá xikoó tꞌanangi xi tsjá ndaꞌyá, ko̱jo yá xí ꞌbeé ndaꞌyá, kuí boá xi jmí ni chjíjiín, kó ndajín ka̱ma ngindyi̱ko̱n Néná, sꞌe̱ nga fetꞌa ꞌbítí.