Jenesii̱s 3:17 - Xo̱jo̱n eén Néná

¹⁷ Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Jenesii̱s 3:17 Iomraidhean Croise

Jenesii̱s 3:11

Kó bi̱ katsó Néná: —ꞌYá xí katsóyaà nga katsjaxtí ji. —A kichini jí too̱ yá xí kixiaan nga xi̱ni̱jín ji.

Jenesii̱s 3:18

Kꞌijñá xi ndajín xi tjiín ndaꞌyá xí sa̱ꞌínꞌoón, kó kuí boá xi tsja̱á tꞌanangii̱, kó xka̱ xi kꞌuié ngi̱jin kꞌijñaá xí xi̱ni̱ ji.

Jenesii̱s 3:6

Kó kui naa̱ askotsijee̱n nga ma chinie kui too̱, kó nga tsjakon kamaá, kamáxke̱, sꞌe̱ katsꞌénkjiín ini̱ma̱a̱ nga kui too̱ xi tsja̱á kjo̱a̱kjínkón. Kó bo̱a̱ tsꞌén tsꞌenje̱n ngo too̱ kui yaá, sꞌe̱ iskjinie. Jaskan katsjaá xi̱ꞌii̱n, kó iskjinie kui nda̱a̱ nga.

Jenesii̱s 5:29

kó kui ndií Noe̱ ítꞌajaꞌén nga bi̱ katsó: «Néná atíjeé nga̱sondiee̱ kó tsie kjo̱a̱ni̱ma̱ ndyi̱bitjatió nga ndyi̱niꞌánxájin tꞌanangii̱, ta̱nga kui ndií, kuí boá xi sa̱ꞌín nga ka̱maxtja̱ chií xáná ko̱jo nga ka̱ma si̱ꞌankjaꞌyá chií».

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 14:1

»Xota̱ nga̱sondiee̱, ta̱chiboa tsí ni̱xtjin ꞌbíndo, kó tsie kjo̱a̱ni̱ma̱ foaꞌatio.

Joo̱b 21:17

»Kji̱e̱ ngo ndi̱yà ya nga xota̱ xi ꞌniú ndajiín ngindie ni̱xtjin fesón. Kji̱e̱ ngo ndi̱yà jè kamáyà nga tjín ni xi ꞌniú ndajín xi ndibánié. Kji̱e̱ ngo ndi̱yà jè kamáyà nga Néná ꞌniú katsꞌénxchán tsi̱ꞌe̱ nga kjo̱a̱ni̱ma̱ katsꞌénkꞌatio.

Xo̱jo̱n Salmoo̱ 127:2

Ta̱kjo̱a̱ndaní nga ta̱jñó ku̱i̱stjíe̱njnú, ko̱jo tsi sájín tsjayójofejnú, ko̱jo tsi ꞌniú si̱ꞌanxájnú, tsi̱ꞌe̱ nga kꞌuiéjnú nichinie, kjiꞌanga Néná xí tjoó ngo xota̱ ndatsi kjiꞌifé nga tsjaá.

Eklesiastee̱ 2:11

Sꞌe̱ askotsijèe̱n ngayeje xá xí je katsꞌen an, ko̱jo xikó kjiꞌi kisꞌingina nga katsꞌen an, kó kꞌi̱e̱ bí nga kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná, kó nga jmí ni chjíjiín kꞌi̱e̱ kui nga̱sondiee̱.

Eklesiastee̱ 2:17

Kuíni nga katsꞌenchꞌó an kjo̱a̱mindyioo̱n, ngatꞌa̱ xá xí niꞌán kui nga̱sondiee̱ je tsꞌajonna, ngatꞌa̱ ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 5:17

Kó ngayeje ni̱xtjin nga kꞌuijñá, kꞌuijñá xikoó tsi nínga jñó tikón, kó ndasen ka̱maa̱, kꞌuieé xi so xi ndakjan, kꞌuieé chiꞌin, ko̱jo kjo̱a̱xti.

Matioo̱ 22:12

Kó nda̱ ree̱, bi̱ katsoó: «Ji amingo̱, kótsꞌèn ikitjasꞌi̱n ji kui ngi̱ndiee̱ nga kichejéjín ji ńjño xi chajá nga ma ndiꞌibixan.» Ta̱nga kui nda̱a̱ jmí ni katsójín.

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Rkaa̱ 19:22

Kósꞌe̱ bi̱ katsó kui nda̱ ree̱: “Moso̱ xi ndajín boá jí, ti̱ kuii̱ ndso̱ꞌbe xi kotijéñaá. Tsi ja̱bo̱a̱ je ye ji nga tajá án, nga kjíbé án ni xi ijñájín an, ko̱jo nga ꞌboje̱n an ni xi itji̱e̱jín an,

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Xota̱ Roma̱ 3:19

Ta̱nga jè ya ñá ngayeje ni xi tsó kjo̱a̱kitii̱, nga tsi̱ꞌe̱ xota̱ xi Néná katsjaá kui kjo̱a̱kitii̱ boá, tsi̱ꞌe̱ nga ngayeje tsꞌoa xotaa̱ si̱chjá, kó ngayeje xotaa̱ kui nga̱sondiee̱ sa̱ꞌínkie yojoo̱ nga katsꞌénjé, kó kꞌuíndo ngi̱yaa̱ kjo̱a̱botíjeé Néná.

Xota̱ Ebreo̱ 6:8

Ta̱nga xota̱ xi íjñámasien ni xi tsi̱ꞌe̱ Néná, bo̱a̱ maá xikoó tꞌanangi xi tsjá ndaꞌyá, ko̱jo yá xí ꞌbeé ndaꞌyá, kuí boá xi jmí ni chjíjiín, kó ndajín ka̱ma ngindyi̱ko̱n Néná, sꞌe̱ nga fetꞌa ꞌbítí.