Jenesii̱s 3:15 - Xo̱jo̱n eén Néná

¹⁵ »Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 3:15 Iomraidhean Croise

Jenesii̱s 49:17

Jí boá xi xikoó ngo ye̱ xi tsꞌénkoya tꞌa ndi̱ya̱à, kui xi nga kjiniee̱ se ndi̱je̱e̱, ka̱márií kꞌo̱ka nga̱xto̱n nda̱ xi tjísoón ndi̱je̱e̱.

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Matioo̱ 1:25

Kó nde kji̱e̱ foyojojo̱jín xkjín nga kisꞌiee̱ ngo ndí na̱ Riyaa̱, kui xi KJISO̱ ítꞌajaꞌén.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Matioo̱ 13:38

kó jno̱o̱, kuí xí nga̱sondiee̱, kó xojmá xi ndaa̱, kuí xí xota̱ xi tsi̱ꞌe̱ nínga botixómá Néná, kó xka̱ xi ndajiín, kuí xí xota̱ xi tsi̱ꞌe̱ xindajín,

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 3:7

Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Markoo̱ 16:18

ndatsi skjíbé ngo ye̱, ko̱jo ndatsi kꞌuí ni xi tsꞌenkꞌiénná, jmí ni sa̱ꞌínjiín, kó ti̱ bo̱a̱ ti̱ tsꞌén, tsi ku̱i̱ꞌíjñasoón tsja xota̱ xi oo̱n, ka̱mandaya.

Rkaa̱ 1:76

Kó kjo̱a̱a̱ ji nga ꞌne̱, ndí ndí tsa̱ꞌa̱n, nda̱ chji̱ni̱e̱ꞌe̱én Néná xí tikón ndiꞌakꞌajmi jàn kꞌuiín jí, ngatꞌa̱ jí xí ku̱i̱ṉtje̱tjée̱n Ndi̱a̱ná, nga kꞌuijñínde ji ndi̱yà xí tsi̱ꞌe̱,

Rkaa̱ 10:19

Tsitsíjenjnú nga án boá xi tsꞌéntsjájnúꞌun ngaꞌniú tsi̱ꞌe̱ nga ka̱ma kongínjinjnú ye̱ ko̱jo cho̱ndáyá, ko̱jo tsi̱ꞌe̱ nga si̱ꞌánjnúu̱ ngayeje ngaꞌniuú kondraa̱, kó nga jmí ni ka̱májínjnú jún.

Rkaa̱ 22:53

Ndyiojón ndyiojón kisꞌijñajo̱jnúꞌun ki̱a̱ ndi̱tsen na̱ngo̱xi̱i̱, kó ikjienjínjnú ndsa̱jnú nga kandobájnúꞌun, ta̱nga kuí xi̱ꞌbi̱ xi ora̱jnú, kó jè ko̱tíxoma nínga jñoó.

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Ni xi kamá 13:10

sꞌe̱ bi̱ katsoó: –¡Ji chí ndiso, ji xi tjikítsiee̱ ngayeje kjo̱a̱ndiso ko̱jo ni xi ndajín, ndií xindajín ndiabloo̱, ko̱jo kondraa̱ ngayeje ni xi kixi̱! Míkjo̱a̱a̱ nga ji tiniꞌínkjatsén jí ndi̱yà kixi̱i̱ Ndi̱a̱ná.

Xota̱ Roma̱ 16:20

Kó Néná xi tsjá kjo̱a̱xioó kuí xí sa̱ꞌín nga jún ko̱jna̱niéjnú xindajín Satanaa̱. Ngatꞌiéjnú kjo̱a̱ndaa̱ Ndi̱a̱ná Jesukristoo̱.

Xota̱ Roma̱ 3:13

Ta̱ soboá ni xi ndajín xí chji̱a̱, tsꞌoa xikó maá ngo nga̱tsjo̱ó xí tji̱e̱nti̱xa̱. Na̱je̱n xí ndyi̱tsꞌènkjién nga ndyi̱ꞌbindísó. Xikónií tsi xaán ye̱ tjiín ngindie tji̱xintsꞌoá.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,

Xota̱ Éfeso̱ 4:8

Kuíni nga bi̱ tsó xo̱jo̱n eén Néná: Kjiꞌanga kijínijíngí nkꞌa jàn kijíjo̱ xi síndoꞌniú, kó katsjaá kjo̱a̱nda xotaa̱.

Xota̱ Kolosa̱ 2:15

Néná katsꞌénkjién kuí Kristoo̱ nga kui xi katsꞌén, nga jaꞌáxiín ngaꞌniuú kui a̱siénni̱xtjin xi tjiín ngaꞌniú ko̱jo xaá, kó ngayeje xi kamábe nga katsjaá kjo̱a̱soboá.

Xota̱ Ebreo̱ 2:18

Kó xikótsꞌèn nga jaꞌatio kjo̱a̱ni̱ma̱ nga kachjatꞌayákón, ngotꞌe̱ ꞌne̱ tjiín ngaꞌniú, tsi̱ꞌe̱ nga ko̱síko̱jo ngayeje xota̱ xi tjíchjatꞌayákoón.

Xota̱ Ebreo̱ 5:7

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xi ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

1 Xo̱jo̱o̱n Juaa̱ 5:5

Xi sꞌijii̱n nga Kjisoo̱ xi ndií Néná, kuí boá xi tsꞌeén nga tsꞌénchájá kui nga̱sondiee̱.

Ni xi akakoo̱ 12:17

Kó ta̱ngatꞌanii̱ kui nii̱ nga kui cho̱ tamá xí yito to̱koo̱, achichí katsꞌénxchán kjo̱a̱a̱ kui xota̱chjo̱on, kó kijíkjánjo̱ ngayeje ndí xí ngasee̱ kui naa̱, kui xi ndyi̱ntꞌièꞌén nga ndyi̱tsꞌènkjátjosón kjo̱a̱botíxomaa̱ Néná ko̱jo kui xi ꞌniátakón ni xi katsꞌén Jesukristoo̱,

Ni xi akakoo̱ 13:7

Kó katseꞌéndieè tsi̱ꞌe̱ nga skjánjo̱ xota̱ na̱xi̱ńdá tsjiee̱ Néná, ngaskande nga sa̱ꞌiín. Ti̱ katseꞌeé xá kjo̱a̱a̱ ngayeje xtín xota̱, nangi xi tjín, ta̱jñà én xi tjín ko̱jo na̱xi̱ńdá xi tjín.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 20:10

kó kui xindajín ndiabloo̱ kui xi tsꞌenṉcha̱jo, ki̱a̱ ikichijmijin ndáchíkón ndiꞌí xí ta̱nisién ꞌniú jee̱ ko̱jo ndso̱ko̱a̱n asufree̱, nínga ikichijmijin cho̱ chꞌokjiꞌii̱ ko̱jo nda̱ chji̱ni̱e̱ꞌén ndísoó, kó ki̱a̱ boá nínga si̱ꞌankjaꞌatio kjo̱a̱ni̱ma̱ nga ni̱xtjin ko̱jo nga ni̱xtji̱e̱n ngatsjéni̱xtjin.