Jenesii̱s 3:10 - Xo̱jo̱n eén Néná

¹⁰ Kó bi̱ katsó kui nda̱a̱: —Tsintꞌie an nda̱ tse̱ nínga tjitjíe̱ nii̱, kó katsakjon an, ngatꞌa̱ kjiꞌixtí an. Kó kuíni nga kisꞌijñaꞌma an.

Jenesii̱s 3:10 Iomraidhean Croise

Jenesii̱s 2:25

Kó Andaa̱n ko̱jo chjo̱ón kisꞌiṉtso̱ma kjiꞌixtí, ta̱nga soboájín kamaá.

Jenesii̱s 3:11

Kó bi̱ katsó Néná: —ꞌYá xí katsóyaà nga katsjaxtí ji. —A kichini jí too̱ yá xí kixiaan nga xi̱ni̱jín ji.

Jenesii̱s 3:7

Kó kjiꞌá boá nga kamákjiín ni xi katsꞌén, kó kamábe yojoo̱ nga kjiyojoxtí. Sꞌe̱ iskjíbé xka̱a̱ yáꞌingo̱ xi askjóyá sꞌe̱ íꞌmá yojoo̱.

Joo̱b 23:15

Kó ngindyi̱ko̱n kui achichí tsakjon má an, kjiꞌanga kui nii̱ tsꞌenkjó án, ngaskande fotsié ndikón má an.

Joo̱b 31:33

jmíni̱xtjin iꞌmá an ngo jé xí katsꞌen an xikó tsꞌén xota̱ xi ngasee̱, ti̱nde tjiꞌmájínna ni xi ndajín xi tsꞌen an,

Xo̱jo̱n Salmoo̱ 119:120

Fotsié má an nga tsakjon má an ngindyikin ji, ¡ée̱n boá xi tsꞌénkjátsiéna!

Éksondo̱ 20:18

Kó xota̱ Israee̱l ngije tsintꞌieé nga janie cho̱ꞌo̱o̱n ko̱jo nga kandaꞌyá tjioo̱, kó nga kamábe nga jaꞌatꞌe, ko̱jo nga katjo ṉdi̱ kui na̱xi̱i̱, achichí katsakjónní kó ta̱ kjin kixindyia.

Éksondo̱ 20:19

Sꞌe̱ jaskan kui xotaa̱ kijíkoón Moisee̱, nga bi̱ katsoó: —Ta̱sá ndatsi ji xi ko̱ndókjo̱e̱jejne̱. Tꞌíyéjne̱ ni xi chjiéngá si̱ꞌanjne̱, kó ko̱nda̱ꞌyáꞌénjne̱ ji. Ngatꞌa̱ tsi Néná xí ku̱i̱chji̱a̱jojne̱, ko̱yayéjéjne̱ tsobo̱a̱.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Éksondo̱ 32:25

Kó kamákjiín Moisee̱ nga xota̱ Israee̱l jmíjín xi kisꞌijñatjoón, ngatꞌa̱ Aaroo̱n kamájiín katsꞌénkintꞌiéꞌén kuí xotaa̱, kó ta̱ ni xi mejénrií katsꞌén. Kó ti̱ kamákjiín Moisee̱ nga xota̱ kondraa̱ kui xota̱ na̱xi̱ńdaá ko̱jno̱kie,

Ndeuteronomio̱ 5:25

Ta̱nga, míkjo̱a̱a̱ nga ka̱mamejénná ko̱yà nga ku̱i̱ꞌítíná kuí ndiꞌí xí ta̱nisién ꞌniuú. ¡Tsi ko̱nda̱ꞌyá ngiñáa̱ nda̱a̱ Néná, ko̱yàrá ñá!

1 Xo̱jo̱o̱n Juaa̱ 3:20

Ndatsi ini̱ma̱ná tsꞌénbongítaꞌinná nga tjínná jé, ta̱nga Néná je ngase ta̱bo̱a̱jiín ini̱ma̱na, kó kuí be ngayeje ni xi kjimáná.

Ni xi akakoo̱ 16:15

“Tsitsíjenjnúu̱, nga an kji̱ndi̱bá an xikoó ngo nda̱ xi chejé. Achichíra̱tsjaa̱ xi kjóféjín, ko̱jo xi ndyi̱yajá ńjñoo̱, tsi̱ꞌe̱ nga kjótsoꞌbá kjiꞌixtíjín, kó xcha̱jín kjo̱a̱soboaá kjo̱a̱kjiꞌixtií.”