Jenesii̱s 29:25 - Xo̱jo̱n eén Néná

²⁵ Nga kamángindyiojón nga kisisie̱èn, nga kamábe Jakoo̱b nga na̱ Liyaa̱ boá xi kjiꞌijñatꞌaa̱ kijíkoón Labaa̱n nga bi̱ katsoó nga asíyaꞌa: —Míkjo̱a̱a̱ nga kichꞌíṉche̱jení. ¡Kjo̱a̱a̱ na̱ Rakee̱l boá nga katsꞌenxá kjo̱a̱ndaa̱!

Jenesii̱s 29:25 Iomraidhean Croise

Jenesii̱s 12:18

Kósꞌe̱ nda̱ ree̱ ta̱tra katsangiyakjaꞌá Abra̱n, kó bi̱ katsoó: «¡Míkjo̱a̱a̱ nga bo̱a̱ kjiꞌi ni xi kiniꞌínje̱ní! Ánní nga kiꞌmíyéjínní nga chjóo̱n ma na̱ Saraii̱.

Jenesii̱s 20:9

Kósꞌe̱ Abimelee̱k tsíchji̱a̱a̱ Abraa̱n, kó bi̱ katsoó: —Ánní nga bo̱a̱ kjiꞌi ni xi kiniꞌínje̱jne̱. A tjín ni xi ndajínkjiꞌi xi katsꞌenjoo̱ ji, nga kꞌi̱e̱ jéꞌe̱jejne̱ ngo jé xí ꞌniú je nínga botixoma an. Ni xi kiniꞌínje̱ní, májín bo̱a̱ niꞌánjo̱ ngo xota̱.

Jenesii̱s 29:16

Jó kamá ndí xí ínchjiín Labaa̱n, xi xchaá na̱ Liya̱ kiꞌmí, kó xi kjindií na̱ Rakee̱l kiꞌmí.

Jenesii̱s 29:24

Kó Labaa̱n ti̱ katsꞌénkꞌasꞌiee̱n na̱ mosoo̱ xi ꞌmí na̱ Silpaa̱ nga, tsi̱ꞌe̱ nga kui xi ka̱ma chji̱ni̱e̱ꞌboo̱ na̱ Liyaa̱, xikoó tsi ngo ni xi katsjaá kjo̱a̱a̱ kjo̱a̱bixaa̱n.

Jenesii̱s 29:26

Kó Labaa̱n bi̱ katsoó: —Chjiéngá tjón tsa̱kjìn xí xchaá xi bixan, jmí tsi tjón tsa̱kjìn xí kjindií, bo̱a̱ kjiꞌi kjo̱a̱xcha̱á kui ngi̱ndiee̱.

Jenesii̱s 31:26

Ta̱nga Labaa̱n bi̱ katsoó Jakoo̱b: —Ánní nga kichꞌíṉche̱jení. Ánní nga kjindibéje̱ ji ndí ínchjínna xikoó tsi xota̱ ndo̱bo̱a̱yà xi nangiya kjo̱a̱xchán.

Énkjínkón 11:31

Tsi kꞌi̱e̱ kui nga̱sondiee̱ xota̱ xi ndaa̱ sakoó chjí xí tsoboaá, ¡ja̱ ti̱ kꞌi̱e̱ sakoó ni ndajín xi tsoboaá, xota̱ xi ꞌniú ndajiín ko̱jo xota̱ jeé nga!

Matioo̱ 7:12

Kó kuíni nga, ni xi mejénjnú nga si̱ꞌanjo̱jnú jún, bo̱a̱ ti̱ꞌanjo̱jnú xota̱ xi kje̱ꞌe, ngatꞌa̱ bo̱a̱ kjiꞌi kjo̱a̱kitii̱ ko̱jo xo̱jo̱n xi katsꞌénꞌindó já chji̱ni̱e̱ꞌe̱én Néná.

Matioo̱ 7:2

Ngatꞌa̱ xikótsꞌèn ndyi̱nfongitaꞌínjnú jé ngo xota̱, ti̱ bo̱a̱ ti̱ tsꞌén kjongítaꞌínjnú jún ngo jé, kó ti̱ kuii̱ yáchi̱bo̱a̱ xi si̱ꞌankjiénjnú jún nga xꞌi̱chi̱bo̱a̱jnú, ti̱ kuii̱ xi si̱ꞌankjién nga xꞌi̱chi̱bo̱a̱jojnú jún.

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

1 Xota̱ Korinto̱ 3:13

Xcha̱ xá xí katsꞌén nga ngo nga ngo xotaa̱ ni̱xtjin nga Néná tsja̱á ni xi tsoboaá xotaa̱, ngatꞌa̱ ndiꞌí xí kjo̱e̱ꞌe kuí ni̱xtjii̱n, ko̱kó kókón xá xí katsꞌén nga ngo nga ngo xotaa̱.

Ni xi akakoo̱ 3:19

An tsꞌénxchánjo̱ an, kó tsꞌenchjíni̱e̱ an ngayeje xi tjóna, kuíni nga che̱ndikín ji ni xi tsi̱ꞌe̱ Néná, kó ti̱ꞌinkꞌoyé ji yojòo̱ kjo̱a̱a̱ ni xi ndajínkjiꞌi xi tiniꞌín ji.

Na̱ Ruu̱t 4:11

—Jo̱o̱n, chistiko̱ ji̱n kjo̱a̱a̱ kui nii̱. Mejénjne̱ nga Néná tsja̱ndiè nga na̱ Ruu̱t ka̱ma xikoó na̱ Rakee̱l, ko̱jo xikoó na̱ Liyaa̱, kui ínchjín xí achichí kjín ndí kisꞌiee̱, kui xi ki̱a̱ kjindibánii̱ xota̱ tji̱e̱ná ñá xí xota̱ Israee̱l.