Jenesii̱s 29:13 - Xo̱jo̱n eén Néná

¹³ Ngije tsintꞌié Labaa̱n nga ki̱a̱ tikón Jakoo̱b, ndií ndichja, tsanga má kijíkjaꞌáyíndi̱yà, janíkjá kó katsjaá ngo ndsó tꞌanijon, sꞌe̱ kijíjo̱ ndiꞌaa̱, kó ngije jachó, Jakoo̱b katsóyaà Labaa̱n ngayeje ni xi kamaá.

Jenesii̱s 29:13 Iomraidhean Croise

Jenesii̱s 24:29

Kó Labaa̱n, ntsꞌi̱e̱ na̱ Rebekaa̱ nga kamábe sti̱ngaroo̱ ko̱jo ngo ni xi ꞌbíkjá ndsa̱ xí yaꞌa na̱ Rebekaa̱, kó nga tsintꞌié ni xi katsó ndichja, kui nda̱a̱ tsanga má kijí ndi̱tsén jàn, kó kamábe nga ki̱a̱ síndo kui nda̱ mosoo̱ ko̱jo cho̱toꞌoyitsꞌeèn ki̱a̱ tꞌa ndáńchꞌií.

Jenesii̱s 24:31

Nga kamábe, bi̱ katsó Labaa̱n: «¡Ja̱bíꞌi̱n ji nda̱! Néná boá xi nda jeꞌejoo̱ kꞌi̱e̱e̱, ndibé jí ndiꞌana, nga ki̱a̱jín ndi̱tsee̱n mindyin. ¡Jè íjñanda an ngo ngi̱ndie nínga si̱ꞌinkjaꞌyé ji ko̱jo ngo ngi̱ndie nínga kꞌuíndo cho̱toꞌoyitsꞌèe̱n nga!»

Jenesii̱s 24:32

Kósꞌe̱ kui nda mosoo̱ kijíjo̱ Labaa̱n ndiꞌaa̱, kó ngije jachó ki̱a̱a̱, Labaa̱n katsjaá ndáfoa kui mosoo̱ ko̱jo já xí tjimájo̱ tsi̱ꞌe̱ nga ko̱ngóyá. Kó cho̱toꞌoyitsꞌeèn kachjeꞌéxiín chꞌià xí ndyi̱yaꞌa, kó katseꞌeé nichinie.

Jenesii̱s 33:4

Ta̱nga Esauu̱ tsanga má nga kijíkoón Jakoo̱b, kó janíkjá xkjín, katsjaá ngo ndsó tꞌanijon, kó nga joó nga askjandá.

Jenesii̱s 45:15

Kósꞌe̱ Kosiee̱ katsjaá ngo ndsó tꞌanijon ngayeje já ntsꞌi̱e̱ sꞌe̱ askjandájo̱, kó kjiꞌá boá nga ngayeje já ntsꞌi̱e̱ kamá tsíchji̱a̱jo Kosiee̱.

Éksondo̱ 18:7

Kósꞌe̱ Moisee̱ jataxie nga kijíkjaꞌáyíndi̱yà chiꞌyaá, kó nga kamábe, kisꞌijñaxtien nga kamábendikón, katsjaá ngo ndsó tꞌanijon, kó ngije katsꞌéntinde xkjín, tsꞌasꞌien ndiꞌańjñoo̱ Moisee̱.

Éksondo̱ 4:27

Kó Néná bi̱ katsoó Aaroo̱n: —Tꞌen ji nangi kixií, kó ki̱a̱ tꞌenchje̱ꞌéyindi̱ye jí Moisee̱. Kó kijí Aaroo̱n ki̱a̱ nínga tikón na̱xi̱i̱ Néná, kó nga kasakoo̱ Moisee̱, katsjaá ngo ndsó tꞌanijon.

Rkaa̱ 7:45

Katseꞌéjìi̱n ngo ndsó tꞌanijón án nga kiniꞌíntindení, ta̱nga kui naa̱, ndeskande koó nga tsꞌasꞌien an ndiꞌàa̱ tsꞌénbotíndsoꞌá ndsa̱ko án.

Ni xi kamá 20:37

Kó ngayeje kui xotaa̱ askjandá má nga janíkjá ko̱jo nga katsjaá ngo ndsó tꞌanijon Pabloo̱,

Xota̱ Roma̱ 16:16

Ti̱ꞌantindéjnú nga ngo nga xingi̱jnú. Tinde bo̱a̱ tꞌínjnú ngayeje xota̱ na̱ngo̱xi̱ xi tsi̱ꞌe̱ Kristoo̱.

Xota̱ Kolosa̱ 4:5

Ti̱ndyiónjnú xikoó xota̱ xi kjínkón ngi̱jii̱n xota̱ xi sꞌijinjiín Néná, kó ni xi nda ti̱ꞌánjnú nga kꞌuiéjnú ngi̱ndie.