Jenesii̱s 28:3 - Xo̱jo̱n eén Néná

³ Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 28:3 Iomraidhean Croise

Jenesii̱s 1:28

Kó Néná bi̱ katsoó nga katsꞌénchikonñé: «Mejénna nga kꞌuiéjnú ndí, kó ngatamakjínjnú, mejénna nga jún xi kꞌuikítsienijnú nga̱sondiee̱, kó ni̱ꞌantꞌiéjnú ko̱jo tatíxomájnúu̱ cho̱ xi tjín ngi̱jin ndáchíkoón, ni̱sie xi tjín nkꞌa jàn, ko̱jo ngayeje cho̱ xi síndo, ko̱jo ngayeje cho̱ xi ꞌbifé yojoo̱ nga̱són tꞌanangii̱».

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 17:20

Kó ti̱ jè tsintꞌie an ni xi kichjiéꞌéní kjo̱a̱a̱ Ismaee̱l nga, kó tsꞌénxiyaa nga sa̱ꞌinchikonñé án kuí nga tsjàa̱ kjín xota̱ tji̱e̱, kó ki̱a̱ kjo̱tjojinni tiejó re, kó nga xota̱ tji̱e̱e̱ xi ka̱ma ngo na̱xi̱ńdá xí ꞌniú je.

Jenesii̱s 24:60

Kósꞌe̱ xota̱ ndiꞌaa̱ na̱ Rebekaa̱ katsꞌénkixotꞌa nga bi̱ katsoó nga katsꞌénchikonñé: «Ji ndí ndichja, mejénjne̱ nga kꞌuieé kjín mi̱ xota̱ tji̱e̱, kó nga kui xi sa̱ꞌiín nga skjánjo̱ xota̱ na̱xi̱ńdá xí kondraa̱».

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 27:33

Kósꞌe̱ Isaa̱ jatsié se jatsié tsja, sꞌe̱ bi̱ katsó: —Kósꞌe̱, ꞌyá kuií bo̱a̱ xi je jeꞌe kꞌi̱e̱e̱, xi je jeꞌejo̱na cho̱ xi katsꞌénkꞌién. Kó katsjána kó iskjíni̱e̱ an ngindiee̱ nga kjoéꞌe̱ ji, ngatꞌa̱ jè katsꞌenchikonñé an. ¡Kó kui kjo̱a̱niꞌánchikonñeé ngiti̱ ka̱májín kjoaꞌaxíi̱n!

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 41:52

Kó ndií xi ma jó Efraii̱n ítꞌajaꞌén ngatꞌa̱ bi̱ katsó: «Néná boá xi katsjána ndí kꞌi̱e̱ nangi nínga achichí kjo̱a̱ni̱ma̱ jaꞌa an».

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 48:3

kó bi̱ katsoó Kosiee̱: —Kui Néná xi tjiín ngayeje ngaꞌniuú, ki̱a̱ jatjokjàna ki̱a̱ na̱xi̱ńdá Betee̱l ki̱a̱ nangi Kanaa̱n, kó ki̱a̱ katsꞌénchikonñéna,

Jenesii̱s 48:4

kó bi̱ katsóna: “Án boá xi sa̱ꞌin an nga kjín ka̱ma ndíi̱ ko̱jo xota̱ tji̱e̱ tse̱, kó xota̱ tji̱e̱e̱ boá xi kjín na̱xi̱ńdá ka̱ma. Kó kuí boá xi tsjàa̱ kui tꞌanangii̱, kó kui tsi̱ꞌe̱ ka̱ma ngatsjéni̱xtjin”.

Jenesii̱s 49:25

¡Ndokꞌóchji̱ì kui Néná xí tsi̱ꞌe̱ na̱ꞌmíi̱, kui xi tsꞌénbosikójoo ji! ¡Ndokꞌóchji̱ì kui Néná xi ngayeje nii̱ xi maa̱, ko̱jo kui xi ngatsjéni̱xtjin tjítsꞌénchíkonñeé ji! ¡Kó tsꞌéntsjaá kjo̱a̱niꞌánchikonñeé ndiꞌakꞌajmi xi tikón nkꞌa jàn! ¡Kó tsꞌéntsjaá kjo̱a̱niꞌánchikonñeé nínga ꞌniú na̱nga̱a̱ ndáchíkoón! ¡Kó tsꞌéntsjaá kjo̱a̱niꞌánchikonñeé na̱an xi tjiín ndí ko̱jo xi ndyi̱tsꞌènkí ndií!

Jenesii̱s 9:1

Néná katsꞌénchikonñé Noee̱ ko̱jo ndií, kó bi̱ katsoó: «Mejénna nga kꞌuiéjnú kjín ndí, kó xota̱ tji̱e̱jnú xi ngasꞌikitsieni tꞌanangii̱.

Xo̱jo̱n Salmoo̱ 127:1

Tsi Nénájín xi tjítsꞌénda kui ndiꞌaa̱, ta̱kjo̱a̱ndaní nga ndyi̱tsꞌènxá kuí chji̱ni̱e̱xo̱ó xi ndyi̱tsꞌèndaa̱. Tsi Nénájín xi konda na̱xi̱ńdáꞌniuú, ta̱kjo̱a̱ndaní nga ku̱i̱ndyiáńjñaá yojoo̱ já xí kondaa̱.

Xo̱jo̱n Salmoo̱ 127:3

Ndí xí tjínná, kuí boá ngo ni xi ta̱ katsjáná Néná. Ndí xí beꞌé ínchjiín, kuí boá xi kjo̱a̱niꞌánchikonñé xi katsjáná Néná.

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

2 Xota̱ Korinto̱ 6:18

Kó án xí Na̱ꞌmijnú ka̱ma an, kó jún xí ndína ka̱majnú, bo̱a̱ tsó Ndi̱a̱ná xi tjiín ngaꞌniuú.

Ni xi akakoo̱ 21:22

Kó nde ngo na̱ngo̱xi̱ kamábejín an ki̱a̱ na̱xi̱ńdáꞌniuú, ngatꞌa̱ Ndi̱a̱ná xí tjiín ngaꞌniuú kuí boá xi na̱ngo̱xi̱i̱ ko̱jo xi cho̱tsa̱nga̱a̱.

Na̱ Ruu̱t 2:4

Kó Boo̱ jatjoni na̱xi̱ńdáꞌniú Belee̱n, sꞌe̱ jachókatsijen ki̱a̱ nínga tjíniꞌánxaá. Kó bi̱ tsꞌén katsꞌéntinde xota̱ xi ndyi̱tsꞌènxaá: —¡Tindejnú, Néná nga kónjnú ngayejejnú! Kó kui xotaa̱ bi̱ katsó: —¡Néná ngatsꞌénchíkonñéra ngasee̱ ji!