Jenesii̱s 28:13 - Xo̱jo̱n eén Néná

¹³ Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 28:13 Iomraidhean Croise

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 13:17

Ti̱sítji̱n ji, kó tꞌentsitsíjin ji nga tiyaá ko̱jo nga ndojoó tꞌanangii̱, ngatꞌa̱ jè ji tjítsꞌenkꞌasꞌieen».

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 28:4

Néná ngatsꞌénchíkonñeé ji ko̱jo xota̱ tji̱e̱ tse̱, xikótsꞌèn katsꞌénchikonñé Abraa̱n. Kó bo̱a̱ tsꞌén nga ji xi sa̱ko̱ó nga tse̱ ka̱ma kui tꞌanangi nínga tindyin ji ngotꞌe̱ xikoó tsi ngo xota̱ xi xín nangi, ngatꞌa̱ Néná boá xi katsjaá Abraa̱n kui ngi̱ndiee̱».

Jenesii̱s 31:13

Án boá kui Ne xi kamáyè ji ki̱a̱ Betee̱l, nínga kachjatjénjen ji isti̱ ngo ndi̱jo̱, kó katseꞌéní ndso̱ꞌbe nga si̱ꞌinkjatjosénní. Kó ngotꞌe̱ ꞌne̱ ti̱sítji̱n ji, kó tja̱tje ji kui ngi̱ndiee̱, kó tꞌen nginí ji nangi Kanaa̱n nínga katsen ji”.»

Jenesii̱s 31:42

¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 31:5

kó ki̱a̱ bi̱ katsoó: —Na̱ꞌmijnú jè ngiti̱ bo̱a̱jín tsꞌén tsꞌensénna xikoó ngasꞌe̱. Jún yàjnú nga ta̱nisién ꞌniú nda katsꞌenxájo̱ an na̱ꞌmijnú, ta̱nga kuí ta̱ngongá tsꞌénꞌboṉcha̱jona, ngatꞌa̱ kjín ndi̱yà asíkjo xikó kjiꞌi ꞌbíchjína, ta̱nga Néná xí tsi̱ꞌe̱ na̱ꞌmina asíko̱jona, kó katsjandièjiín nga ndajínkjiꞌi ni xi sa̱ꞌínjo̱na.

Jenesii̱s 31:53

Kó kui Néná xí tsi̱ꞌe̱ Abraa̱n ko̱jo xi tsi̱ꞌe̱ Najoo̱r na̱ꞌmindyiboaná, kuí xí ngatamabe tsi nda ko̱jo tsi ndajín ndyi̱niꞌán». Kó Jakoo̱b ngiboanéná katsó nga katsꞌénkie kui Néná xí katsꞌéndikón Isa̱ na̱ꞌmii̱.

Jenesii̱s 32:10

Achichí nda niꞌínje̱ní, ndatsi tsoboájínna nga ko̱si̱ke̱jení, ngatꞌa̱ an boá xi moso̱ tse̱, kjiꞌanga jaꞌatio an ndejèꞌ Jorndaa̱n, jmí ni kisꞌiejínna ngasꞌe̱, ta̱ ngo tsí yánísié tsaꞌa an, kó ngotꞌe̱ ꞌne̱ ngaskande jó tjín xota̱ ko̱jo cho̱ xi síndona.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Jenesii̱s 35:1

Kó Néná bi̱ katsoó Jakoo̱b: «Kjiꞌanga ikiyindikíi̱n ntsꞌie ji Esauu̱, an jatjokjaà ki̱a̱ Betee̱l, kó kuíni nga ngotꞌe̱ ꞌne̱ ki̱a̱ ti̱ndyin ji Betee̱l, kó ki̱a̱ ti̱ꞌindení ngo ṉchandikón».

Jenesii̱s 35:12

Tꞌanangi xi katsjáa̱ Abraa̱n ko̱jo Isaa̱ kuí boá xi ti̱ tsjaa ji ngotꞌe̱, kó jaskan tsjàa̱ xota̱ tji̱e̱ tse̱».

Jenesii̱s 35:15

Kó nga Néná ki̱a̱ tsíchji̱a̱jo, kuíni nga Jakoo̱b Betee̱l ítꞌajaꞌén kuí ngi̱ndiee̱, «ndiꞌaa̱ Néná» tsó kui jaꞌeén.

Jenesii̱s 35:17

Kó achichí niꞌin katsꞌén, kósꞌe̱ xota̱chjo̱on xí ꞌboje̱n ndií bi̱ katsoó: «Ngata̱ ndakinjín má ji, ti̱ xi̱ꞌin ka̱ma nginí kui ndií nga».

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 48:3

kó bi̱ katsoó Kosiee̱: —Kui Néná xi tjiín ngayeje ngaꞌniuú, ki̱a̱ jatjokjàna ki̱a̱ na̱xi̱ńdá Betee̱l ki̱a̱ nangi Kanaa̱n, kó ki̱a̱ katsꞌénchikonñéna,

Xo̱jo̱n Salmoo̱ 105:11

kó bi̱ katsoó: «Án boá xi tsjaa nangi Kanaa̱n. Kuí boá nangi xi katsoboaá jí».

Éksondo̱ 2:24

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandayà nga on kjimaa̱ ni xi kjimataꞌin kui xotaa̱, kó kjiꞌá boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Éksondo̱ 4:5

—Kui nii̱ ti̱ꞌin ji ngindyi̱ko̱n ngito̱ko̱o̱ xota̱ Israee̱l nga. Ngije sku̱i̱e̱ nga yánísieé ye̱ kamá, kjiꞌá boá nga sꞌi̱jii̱n nga je kamáyèní án, kó nga án boá xi Nee̱ xota̱ xi xchaá.

Éksondo̱ 6:4

Án boá xi katsóyàtjóo̱n nga tsjàa̱ nangi Kanaa̱n, ki̱a̱ nínga kisꞌińdo xikoó xota̱ xi xín nangi chji̱a̱ni,

Matioo̱ 22:32

«Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.» Kó Néná, Nee̱ xota̱ xi síndo boá, jmí tsi Nee̱ xota̱ xi je jesón.

Ni xi kamá 7:5

Kó Néná nde chií nangi katsjájiín, ngaskande nínga ko̱sién ngo se katsjájiín, ta̱nga katsóyàtjoón nga tsja̱á nga tsi̱ꞌe̱ ka̱ma kui nangii̱, ko̱jo nga jaskan tsi̱ꞌe̱ xota̱ tji̱e̱e̱ ka̱ma, ndatsi kui ni̱xtjin jàn Abraa̱n kji̱e̱ jmí ndíjiín.

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.