Jenesii̱s 27:41 - Xo̱jo̱n eén Néná

⁴¹ Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Jenesii̱s 27:41 Iomraidhean Croise

Jenesii̱s 27:42

Nga tsintꞌié na̱ Rebekaa̱ ni xi índa Esauu̱, tsíchji̱a̱a̱ Jakoo̱b, kó bi̱ katsoó: —Ntsꞌie ji Esauu̱ mején xoò sa̱ꞌínkꞌieén, kó ta̱ tsꞌénkoyarií nga bo̱a̱ sa̱ꞌín.

Jenesii̱s 32:11

Jí boá xi bo̱a̱ kasení nga nda ko̱e̱je̱na, kó nga xota̱ tji̱e̱na kjín ka̱ma xikó maá tsomí xí tjín tꞌa ndáchíkoón, nga nde maxki̱jínná. ¡Ngotꞌe̱ ꞌne̱ xín ti̱ꞌinkjeꞌe ji ni xi ndajín xi mejeén sa̱ꞌínjo̱na ntsꞌié án Esauu̱! Ngatꞌa̱ tsakjon an nga kji̱ndi̱bá, kó sa̱ꞌínkjiéjne̱ ngayejejne̱».

Jenesii̱s 32:3

Jaskan ngije kamá kui nii̱, Jakoo̱b katsangiyaa̱ já chji̱ni̱e̱ꞌén Esau̱ ntsꞌi̱e̱, kui xi tikón ki̱a̱ nangi Endoo̱n. Kó kuí já chji̱ni̱e̱ꞌe̱én kiꞌmíyà cha̱n cha̱a̱n nga bi̱ ka̱tso̱o̱ Esauu̱: «Nda̱ ntsꞌie ji Jakoo̱b boá xi katsangiyajne̱ nga kꞌuiyájne̱ ji nga je tikónnda kui xikoó tsi mosòo̱, kó tsꞌéntsáyaà jí nga ki̱a̱ kisꞌijña nínga tikón tsini Labaa̱n.

Jenesii̱s 32:6

Kó kui já chji̱ni̱e̱ꞌe̱én nga kjindibáꞌoyá nginí nínga tikón Jakoo̱b, bi̱ katsoó: «Jè tsangínjne̱, kó kandokjo̱a̱jojne̱ ntsꞌie, kó ki̱a̱ tji̱e̱ngijne̱, kuí má bo̱a̱ xi tsꞌéndibákjaꞌáyíndi̱ya̱à, kó nijón úchán jáxíꞌín tji̱e̱njo».

Jenesii̱s 35:29

Kó jè ꞌniú xchá Isaa̱ nga kꞌien, kó ndií, kui xi ꞌmí Esauu̱ ko̱jo Jakoo̱b ki̱a̱ yínijín nínga kjiyojonijín xkjín.

Jenesii̱s 37:18

Nga kamábe já ntsꞌi̱e̱ nga ta̱ kjin tsꞌéndibá Kosiee̱, ngindiee̱ nga kjo̱chó tiña ngase, índajo̱ xkjín nga sa̱ꞌínkꞌién.

Jenesii̱s 37:4

Ta̱nga já ntsꞌi̱e̱ Kosiee̱ achichí chꞌo kamaá, kó nde kamámejénjiín nda tsíchji̱a̱jo, ngatꞌa̱ kamábe nga na̱ꞌmii̱ kui jaá tjó ngase katsꞌén Kosiee̱ ta̱bo̱a̱jiín kuí.

Jenesii̱s 37:8

Kó já ntsꞌi̱e̱ bi̱ katsó: —¡Kó, a jí xí ko̱ti̱xomejne̱ ko̱jo a jí xí ka̱ma ji ngito̱ko̱jne̱! Kó ta̱ngatꞌanii̱ kui chi̱nii̱ ko̱jo ni xi tsíchji̱a̱ Kosiee̱ nga já ntsꞌi̱e̱ ta̱sá má ꞌniú ngase chꞌo kamaá.

Jenesii̱s 50:15

Kó já ntsꞌi̱e̱ Kosiee̱ ngije jaꞌa nga kꞌien na̱ꞌmii̱, bi̱ tsꞌén katsꞌénkjó: «Mí xí si̱ꞌán tsi Kosiee̱ ta̱kó tjítsꞌénxchánjo̱ná kó tsi ka̱mamejeén sa̱ꞌíngojo kjo̱a̱a̱ ni xi kiniꞌánjo̱.»

Jenesii̱s 50:2

Ngi̱chí sájín Kosiee̱ katsangiya chji̱ni̱e̱ndiki xi mosoo̱, kui xi tsꞌéndíkii̱ xotaa̱ tsi̱ꞌe̱ nga tsájín fotson yojoo̱, kó kiniꞌándikii̱ yojoo̱ na̱ꞌmii̱.

Xo̱jo̱n Salmoo̱ 35:14

Bo̱a̱ katsꞌenjo̱ an xikó niꞌánjo̱ ngo nda̱ xi nda yaꞌaná, ko̱jo tsi xikó niꞌánjo̱ ngo ntsꞌié, askjandátjé an xikó má tsꞌén ngo xi kjandátjé nga ꞌme na̱aa̱n, ndasen ko̱jo ni̱ma̱kjo̱a̱ ijñá an yojona.

Xo̱jo̱n Salmoo̱ 37:16

Nda ngase nda ni chií xi tjiín xota̱ xi kixi̱i̱, ta̱bo̱a̱jiín ni tsie xi tjiín kjín xota̱ xi ndajín.

Énkjínkón 1:16

¡Ngatꞌa̱ monga má nga fí tsꞌén ni xi ndajín, kó achichí je tsaá nga mejeén nga xota̱ sa̱ꞌínkꞌién!

Énkjínkón 18:19

Kui ntsꞌie xi ndajín kasasiee̱n ngo ni, tajá ngase má, ta̱bo̱a̱jiín xoó ngo na̱xi̱ńdáꞌniú, kjo̱a̱xtii̱ kja̱xín kja̱xín ꞌbijñáná, xikó maá nga̱ntjo̱a̱a̱ ngo ndo̱bo̱a̱xa̱á.

Énkjínkón 6:14

Kui xotaa̱ ta̱ngongá ni xi ndajiín xi tjíjin ini̱ma̱a̱, kó ngatsjéni̱xtjin nga tsꞌénkjó ni xi ndajín, kó ngongá nga kjo̱a̱xti ndyi̱ꞌboxié.

Eklesiastee̱ 7:9

Ngata̱ tsájín niꞌínxtíi̱ yojòo̱, ngatꞌa̱ kjo̱a̱xtindaa̱, kuí boá xi bokó nga xota̱ xi kitikjo̱a̱ boá ji.

Ndeuteronomio̱ 34:8

Xota̱ Israee̱l kantié ni̱xtjin kamaá nga kisꞌińdo ki̱a̱ nangi kixií nangi Moaa̱b, nga kisꞌińdo xa̱ꞌya̱ kjo̱a̱a̱ nga kꞌien Moisee̱. Kuí boá kjo̱a̱xchá xí kisꞌiee̱ xotaa̱ kui ni̱xtjin jàn.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.