Jenesii̱s 27:29 - Xo̱jo̱n eén Néná

²⁹ ¡Ngayeje xota̱ na̱xi̱ńdá xí ngatamabendikoón! ¡Ngayeje xota̱ xingi̱ ji ngatamabendikoón nga, kó ngatamabe nga ji xi ngito̱ko̱ ji! ¡Ngatꞌíko̱jonii̱ xota̱ xi chꞌo ka̱tso̱o̱! ¡Kó ngatamachikonñé xi sa̱ꞌínchikonñeé ji!»

Jenesii̱s 27:29 Iomraidhean Croise

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 25:33

Kó Jakoo̱b ꞌniú tsíꞌaá nga bi̱ katsoó: —Ngiboanéná tꞌín ji nga an si̱ꞌinkꞌasꞌínní kjo̱a̱nda xi tjiín nga ndí tjón ji. Kó ngiboanéná, katsó Esauu̱,

Jenesii̱s 27:30

Kjiꞌá má ngije kamaá Isaa̱ nga katsꞌénchikonñé Jakoo̱b, ngije tsꞌénfotaxie ndiꞌa xi tji̱xi̱ín cho̱ kamándanii̱ nínga tikón na̱ꞌmii̱ nga jachó Esauu̱ nga kjoeꞌeni jno̱.

Jenesii̱s 27:37

Kó Isaa̱ bi̱ katsoó Esauu̱: —Mí xí ka̱ma sa̱ꞌin an kjo̱a̱a̱ ji xi̱ꞌin. ¡Jè bo̱a̱ kixian an nga kuí xí ko̱tíxomaa ji, ko̱jo nga kuí boá xi ngito̱ko̱ ka̱maa̱ ngayeje xota̱ xkjín, kó nga kui xotaa̱ xi sa̱ꞌínseén ni xi ka̱tso̱, kó jè bo̱a̱ kixian an nga tsie to ndso̱ko̱a̱n ṉño̱pan ko̱jo nga tsie bino̱ kꞌuieé!

Jenesii̱s 27:40

Chjiéngá si̱ꞌinkjìn jí ki̱cha̱a̱ nga ko̱ꞌna̱xiéꞌé ji yojòo̱, kó mosoo̱ ntsꞌie ka̱ma ji. Ta̱nga ngije ka̱macho̱n ji, jè ngiti̱ kuijín ntsꞌie ko̱tíxomanii».

Jenesii̱s 37:10

Nga katsóyaà na̱ꞌmii̱ ko̱jo já ntsꞌi̱e̱ kui chi̱nii̱, na̱ꞌmii̱ katsꞌénxchánjo̱, kó bi̱ katsoó: —Mí ńjñaá xi tseꞌéchi̱nii̱ ji. A nga na̱áa̱n ko̱jo já ntsꞌie ko̱jo an xi ka̱majne̱ moso̱ tse̱.

Jenesii̱s 37:7

nínga kamábe an nga ki̱a̱ tindyión ñá ngamasiee̱n kꞌijñá nínga sitji̱e̱ nii̱, kó chꞌo̱ xka̱a̱ to ndso̱ko̱a̱n ṉño̱pan ndyi̱ꞌbíꞌniú, kó ta̱niján má chꞌo̱ xi tsa̱ꞌa̱n jastjíe̱n kó kisꞌijña kixi̱ kixi̱, tji̱e̱nga tsa̱jún tsindiyá xtji̱e̱e̱n nínga tikón xi tsa̱ꞌa̱n.

Jenesii̱s 9:27

»¡Néná ngatsjaá tsie tꞌanangi Jafee̱t! ¡Kó ndiꞌa xi tji̱xi̱ín cho̱ kiniꞌándani xi tsi̱ꞌe̱ See̱n ngatꞌíjñá Jafee̱t! ¡Kó xota̱ Kanaa̱n xi ngatama mosoo̱ Jafee̱t!»

Xo̱jo̱n Salmoo̱ 72:8

¡Ngatatixómá kui ree̱, ndeskande nínga tikón ngo ndáchíkoón ngaskande nínga tikón xi ingoo̱, ndeskande nínga tikón Ndejèꞌ Jee̱, ngaskande nínga fetꞌanii̱ tꞌanangii̱!

Xki̱ 23:8

»Ta̱nga ka̱májínna nga an kꞌuichjáa̱, ni xi katsóna Néná nga bi̱ katsóna: “Ngatꞌa̱ chꞌójín tsꞌén ndokjo̱a̱taꞌin ji xota̱ na̱xi̱ńdána, ti̱nde nga jmí jé chinínijín ji”.

Xki̱ 24:18

Kuí boá xi sa̱ꞌín na̱xi̱ńdaá Endoo̱n, kó sa̱ꞌiín nga skjánjo̱ ngayeje kondraa̱.

Xki̱ 24:9

»Xikó maá ngo xandi̱je̱ xi tsꞌénkjaꞌyá ngije katsꞌénꞌoón ngo cho̱. Bo̱a̱ má kónjnú jún xota̱ Israee̱l. ¡Ngojín xi ka̱maa̱ sa̱ꞌínxtíjnú! Kui xota̱ xi nda sa̱ꞌínjo̱jnú, nda ka̱mataꞌin kui. Ta̱nga xi ndajín sa̱ꞌínjo̱jnú, ti̱ ndajín ka̱mataꞌin nga».

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Xota̱ Roma̱ 9:12

Kuíni nga bi̱ katsoó na̱ Rebekaa̱: “Ndí xi tjón stse̱én, kuí xí sa̱ꞌínseén ndí xi ma joó.”

Ni xi akakoo̱ 19:16

Kó nga̱són ńjñoo̱ ko̱jo nga̱són ti̱ꞌmi̱í kjitꞌa ngo jaꞌén xi bi̱ tsó: REE̱ NGAYEJE RE KO̱JO NDI̱A̱A̱ NGAYEJE NDI̱A̱.