Jenesii̱s 27:28 - Xo̱jo̱n eén Néná

²⁸ ¡Néná ngatsjaá tsie stsé, kó ngatsjaá ngo tꞌanangi xi nda! ¡Nga tsjaá nga kꞌuieé tsie to ndso̱ko̱a̱n ṉño̱pan, ko̱jo nga kꞌuieé tsie bino̱!

Jenesii̱s 27:28 Iomraidhean Croise

Jenesii̱s 27:37

Kó Isaa̱ bi̱ katsoó Esauu̱: —Mí xí ka̱ma sa̱ꞌin an kjo̱a̱a̱ ji xi̱ꞌin. ¡Jè bo̱a̱ kixian an nga kuí xí ko̱tíxomaa ji, ko̱jo nga kuí boá xi ngito̱ko̱ ka̱maa̱ ngayeje xota̱ xkjín, kó nga kui xotaa̱ xi sa̱ꞌínseén ni xi ka̱tso̱, kó jè bo̱a̱ kixian an nga tsie to ndso̱ko̱a̱n ṉño̱pan ko̱jo nga tsie bino̱ kꞌuieé!

Jenesii̱s 27:39

Kósꞌe̱ Isaa̱ bi̱ katsoó: «Kjin ku̱i̱ndyinníi̱ ji tꞌanangi xi ndaa̱ ko̱jo stsé xi ꞌbókani nkꞌa jàn.

Jenesii̱s 45:18

kó ngatjandibájo̱ na̱ꞌmíi̱ ko̱jo xota̱ ndiꞌaa̱. Án boá xi tsjàa̱ tꞌanangi xi nda ngasee̱ nangi Ejipto̱, kó kꞌi̱e̱ skji̱ni̱e̱ ngayeje ni nda xi maxchá kuí na̱xi̱ńdaá.

Jenesii̱s 49:20

»Kó jí Asee̱r, achichí ni nda chinie xi kꞌuieé ji, kó jí boá xi si̱ꞌinde ji nichinie xi ꞌniú nda ngasee̱, kui xi kjinie ngo nda̱ re.

Jenesii̱s 49:25

¡Ndokꞌóchji̱ì kui Néná xí tsi̱ꞌe̱ na̱ꞌmíi̱, kui xi tsꞌénbosikójoo ji! ¡Ndokꞌóchji̱ì kui Néná xi ngayeje nii̱ xi maa̱, ko̱jo kui xi ngatsjéni̱xtjin tjítsꞌénchíkonñeé ji! ¡Kó tsꞌéntsjaá kjo̱a̱niꞌánchikonñeé ndiꞌakꞌajmi xi tikón nkꞌa jàn! ¡Kó tsꞌéntsjaá kjo̱a̱niꞌánchikonñeé nínga ꞌniú na̱nga̱a̱ ndáchíkoón! ¡Kó tsꞌéntsjaá kjo̱a̱niꞌánchikonñeé na̱an xi tjiín ndí ko̱jo xi ndyi̱tsꞌènkí ndií!

Xo̱jo̱n Salmoo̱ 104:15

kui paa̱n xi tsjáná ngaꞌniuú, ko̱jo kui bino̱ xi tsjáná kjo̱a̱tsjaa̱, ko̱jo kui isti̱ xi tsꞌénꞌna̱ kje̱en.

Xo̱jo̱n Salmoo̱ 133:3

Achichí tsjákjiꞌi kui nii̱, xikó maá stsé xí bixó xtji̱e̱e̱n ta̱ꞌin, xi boaꞌa na̱xi̱ Ermoo̱n, kui xi fochó ngaskande Jerusalee̱n, xtji̱e̱e̱n na̱ngi. Ngatꞌa̱ ki̱a̱ boá nínga Néná tsangiya kjo̱a̱niꞌánchikonñé, ko̱jo kjo̱a̱mindyion ngatsjéni̱xtjin.

Xo̱jo̱n Salmoo̱ 36:8

Kui nichinie tsie xi tjín ndiꞌàa̱ boá xi nda sa̱ꞌíntsiee̱, kó ki̱a̱ ko̱e̱ꞌée̱ ni xi kꞌuí, ki̱a̱ ndejèꞌ xi tjiín ndáfoa xi ndaꞌyoó.

Énkjínkón 19:12

Kjiꞌanga tsꞌénxchán nda̱ ree̱, xikó maá nga kjandayà ngo xandi̱je̱, kó kjo̱a̱ndaa̱, xikónií xoño xi bixó ngi̱jin kꞌijñaá.

Énkjínkón 3:20

Kjo̱a̱kjínkoón boá xi katsꞌénkjién nga ngindie tꞌanangii̱ tsꞌaxiéni ndáfoa ndáńchꞌií ko̱jo ndáfoaa̱ ndejeèꞌ, ko̱jo nga ṉdi̱i̱ tsꞌaxiéni xoñoo̱.

Xki̱ 18:12

»Ti̱ jún tsꞌéntsjájnúꞌun ngayeje to xi tjón maxchá xí sa̱ꞌínkꞌasꞌienna xota̱ Israee̱l xki̱ nó. Jún boá xi tsꞌéntsjájnúꞌun isti̱ xi nda ngasee̱, ko̱jo binoo̱, ko̱jo to ndso̱ko̱a̱n ṉño̱paa̱n. Ka̱má skji̱ni̱e̱ ngayeje xota̱ xi je katsꞌénkjatjosón ni xi je tsíꞌá an nga sa̱ꞌínkjatjosón nga kjo̱chó ngindyikón án.

Xota̱ Roma̱ 11:17

Xota̱ Israee̱l xikónií tsi tjiaa̱ yáꞌolibo̱ xi ikichaá, kó tsi ji xi xikoó ngo tjiaa̱ yáꞌolibo̱ ngindie kꞌijñá, kó tsi kui ngi̱ndie nínga kitii̱ yaá kanangindyioó xikoó ngo tjiaa̱ yá xí tjín ngi̱jin kꞌijñaá, kó tsi ngotꞌe̱ ꞌne̱, je ja̱ma̱a̱ yaá ndokjo̱e̱ni, kó nijan tindyin xikótsꞌèn tikón yáꞌoliboo̱.

Ndeuteronomio̱ 32:2

Ni xí chjiéngá xiyà an achichí nda xikó maá stseé, kui stsé xí nda tsꞌeén xka̱a̱ ko̱jo kꞌijñá xí tjín nínga jno̱o̱.

Ndeuteronomio̱ 33:13

Sꞌe̱ bi̱ katsoó xota̱ tji̱e̱e̱ Kosiee̱: «Néná sa̱ꞌínchikonñé kꞌijñájnú, kó jmíni̱xtjin xcha̱jaa̱ stsé, ti̱nde jmíni̱xtjin xcha̱jaa̱ ndáfoaa̱ ndáńchꞌi̱ xi na̱nga̱a̱.

Ndeuteronomio̱ 33:28

»Jè ka̱ma nga ka̱maꞌniátakónjnú nga ku̱i̱ndyionjnú, ko̱jo nga tsja ka̱majnú nga kꞌuiéjnú kjo̱a̱xioó. Jmí ni̱xtjin xcha̱jàjnú pan ko̱jo bino̱, ngatꞌa̱ Néná boá xi ko̱síndaá tꞌanangijnú.

Ndeuteronomio̱ 7:13

Tsi ko̱nda̱ꞌyáꞌénjnú, Néná sa̱ꞌínchikonñéjnú, ko̱jo sa̱ꞌíntjójnú, kó ngo na̱xi̱ńdá xí ꞌniú je sa̱ꞌínjnú. Néná achichí tsjatsꞌèn sa̱ꞌínkꞌíndo ndí xí kꞌuiéjnú, kó tsie to ndso̱ko̱a̱n ṉño̱pan, ko̱jo tsie bino̱, ko̱jo tsie isti̱ tsja̱á. Kó kjín cho̱ tjié kꞌuieé nga kꞌuíndo ki̱a̱ tꞌanangi xi katsóyàtjoón xota̱ xi xcháná nga tsja̱á.

Xota̱ Ebreo̱ 11:20

Ta̱ngatꞌanii̱ kjo̱a̱sꞌijii̱n Isaa̱, kuíni nga katsóyàtjoón ndií Jako̱b, ko̱jo Esauu̱ nga Néná sa̱ꞌínchikonñé.