Jenesii̱s 26:24 - Xo̱jo̱n eén Néná

²⁴ Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 26:24 Iomraidhean Croise

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 21:17

Kó Néná tsintꞌieé nga tsꞌénkjandayá nda̱chií, kósꞌe̱ ndítsjie xi Néná ndeskande ndiꞌakꞌajmii̱ tsíchji̱a̱a̱ na̱ Angaa̱r nga bi̱ katsoó: «Mí xí kjimaa na̱ Angaa̱r. Ngata̱ ndakinjín má ji, ngatꞌa̱ jè tsintꞌie an nda̱a̱ kui ndií.

Jenesii̱s 22:19

Ngije kamá kui nii̱, Abraa̱n ko̱jo ndií kijí nginí nínga índo já mosoo̱, kó kui jaá nijan kijíjo̱ na̱xi̱ńdá Beersebaa̱, kó ki̱a̱ kisꞌińdo ngijee̱.

Jenesii̱s 24:12

Kó ki̱a̱ kui nda̱ mosoo̱, bi̱ katsó nga tsíchji̱a̱a̱ Néná: «Ji Ne, ji xi Nee̱ ndi̱a̱na Abraa̱n, ꞌniú míꞌaá nga nda si̱ꞌinje̱ ji ndi̱a̱na Abraa̱n, kó te̱ꞌé ji ngi̱ndie nga nda ko̱e̱je̱na kui ni̱xtjii̱n.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 28:3

Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 30:27

Kó Labaa̱n bi̱ katsoó: —Ngo kjo̱a̱nda kuíꞌaá, ngata̱ ꞌmijín ji, ta̱sá ti̱ndyinra ji kꞌi̱e̱e̱, jè kamábe an nga ta̱ngatꞌanií ji nga Néná katsꞌéncho̱nna,

Jenesii̱s 31:5

kó ki̱a̱ bi̱ katsoó: —Na̱ꞌmijnú jè ngiti̱ bo̱a̱jín tsꞌén tsꞌensénna xikoó ngasꞌe̱. Jún yàjnú nga ta̱nisién ꞌniú nda katsꞌenxájo̱ an na̱ꞌmijnú, ta̱nga kuí ta̱ngongá tsꞌénꞌboṉcha̱jona, ngatꞌa̱ kjín ndi̱yà asíkjo xikó kjiꞌi ꞌbíchjína, ta̱nga Néná xí tsi̱ꞌe̱ na̱ꞌmina asíko̱jona, kó katsjandièjiín nga ndajínkjiꞌi ni xi sa̱ꞌínjo̱na.

Jenesii̱s 39:2

Achichí nda kisꞌijña Kosiee̱ ndiꞌaa̱ nda̱ Ejiptoo̱ xi ndi̱a̱a̱ kamá, ngatꞌa̱ Néná tikónjo̱.

Jenesii̱s 39:3

Kó Potifaa̱r kamábe nga Néná asíko̱jo Kosiee̱, kuíni nga ngayeje ni xi katsꞌén nda kamaá.

Jenesii̱s 46:1

Kó bo̱a̱ tsꞌén na̱ꞌmii̱ Kosiee̱ jatjoni nangi Kanaa̱n nga kijíjo̱ ngayeje ni xi tjiín, kó nga jaꞌa nangi Beersebaa̱ katsꞌénkꞌasꞌiee̱n kjo̱a̱tjó kui Ne xi katsꞌéndikón Isa̱ na̱ꞌmii̱.

Éksondo̱ 14:13

Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Kjo̱a̱chaꞌaá 3:57

¡Ni̱xtjin nga tsíchji̱a̱a̱ ji, kꞌichintiñíní, kó bi̱ kasení: Ngata̱ ndakinjín má ji!

Lebitiko̱ 26:42

»Án boá xi sa̱ꞌinkjatjosón an ni xi kixiyatjóo̱n Abraa̱n, ko̱jo Isaa̱, ko̱jo Jakoo̱b, kó sa̱ꞌinchikonñé an tꞌanangi xi je kixian an nga tsjajnúꞌun,

Matioo̱ 22:32

«Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.» Kó Néná, Nee̱ xota̱ xi síndo boá, jmí tsi Nee̱ xota̱ xi je jesón.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Ni xi kamá 7:32

“Án boá xi Nee̱ xota̱ xi xcháa̱, Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.” Kó Moisee̱ ítsꞌi̱yanii̱ nga jatsiéndíkón, kó nde kamámejénjiín nga askotsijen.

Ndeuteronomio̱ 31:6

Chjiéngá ꞌniú ko̱jo chꞌokon ngatamajnú, ngatꞌa̱ Néná boá xi skja̱n ngajojnú, ngata̱ ndakonjínmájnúu̱ kui xota̱ na̱xi̱ńdaá, ngatꞌa̱ Néná jmíni̱xtjin ku̱i̱ꞌíjñámasienjnú».

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.

Xota̱ Ebreo̱ 13:6

Kó ngaskande maꞌniátakón ñá nga ka̱ma bi̱ kꞌuin: Ndi̱a̱ná boá xi bosikójona, kó stsakjonjín an, ni xi ka̱maa̱ sa̱ꞌínjo̱na xota̱ nga̱sondiee̱.

Ni xi akakoo̱ 1:17

Nga kamábe an, tsꞌákatójó an ngindie se xikó maá tsi kꞌien an, ta̱nga kui íjñasónna tsja kixi̱, kó bi̱ katsóna: –Ngata̱ ndakinjín ma ji, án boá xi tjón an ko̱jo xi fetꞌa an,

Na̱ Ruu̱t 3:11

Ngata̱ ndakinjín ma ji na̱ Ruu̱t, ngatꞌa̱ ngayeje xota̱ na̱xi̱ńdáꞌniú Belee̱n be nga nda ji xota̱, kuíni nga sa̱ꞌinkjatjosón án ni xi tichjiéꞌéní.