Jenesii̱s 26:12 - Xo̱jo̱n eén Néná

¹² Ti̱ kuii̱ nó, Néná katsjaá Isaa̱ nga tsie ni tjié kamáxchaá, kó úchán bo̱a̱ kjiꞌi ngase ni xi ítji̱e̱ kui tꞌanangii̱ xi jaꞌátikó.

Jenesii̱s 26:12 Iomraidhean Croise

Jenesii̱s 24:1

Achichí jè xchá kamá Abraa̱n, kó Néná katsꞌénchikonñé ngayeje ni xi katsꞌén.

Jenesii̱s 24:35

Néná achichí tjítsꞌénchíkonñé ndi̱a̱na ngatꞌa̱ achichí cho̱n, Néná katsjaá cho̱tsa̱nga̱, ko̱jo cho̱yojo, ko̱jo to̱nsinié, ko̱jo to̱ntiboa, ko̱jo já moso̱, ko̱jo ínchjín moso̱, ko̱jo cho̱toꞌoyitsꞌe̱n ko̱jo bórró.

Jenesii̱s 25:11

Kó ngije kꞌien Abraa̱n, Néná katsꞌénchikonñé Isaa̱, kó kui nda̱a̱ ki̱a̱ kisꞌijñatꞌa nínga tikón kui ndáńchꞌi̱ xi ꞌmí «Ndáńchꞌií Néná xi tikoón ko̱jo be ngayeje nii̱».

Jenesii̱s 26:29

Ji̱n jmíni̱xtjin kiniꞌánxtíjne̱ ji, ta̱sá ngatsjéni̱xtjin nga nda kiniꞌánjo̱jne̱ ji, kó ngaskande nda tsꞌén kiniꞌánkixotꞌa xingi̱ xikoó tsi amingo̱ máná xingi̱, ngotꞌe̱ ꞌne̱ mejénjne̱ nga ji jmí ni xi ndajín si̱ꞌinje̱jínjne̱, ngatꞌa̱ Néná achichí tjítsꞌénchíkonñeé ji.

Jenesii̱s 30:30

Ngindiee̱ nga kjoéꞌe̱ an chiboa tsí kamá cho̱ xi kisꞌiee̱ ji, kó ngotꞌe̱ ꞌne̱ achichí jè cho̱n ji, ngatꞌa̱ ndeskande koó nga jéꞌe̱ an Néná tjítsꞌénchíkonñé ngayeje ni xi niꞌín ji, ta̱nga ti̱ chjiéngá sa̱ꞌinxá an nganda tsi̱ꞌe̱ ndína ko̱jo tsi̱ꞌe̱ ínchjínna nga.

Joo̱b 42:12

Kó Néná katsꞌénchikonñé ni xi jaskan kamaá Joo̱b, ta̱bo̱a̱jiín xikótsꞌèn kisꞌijña nga tjón tjón. Ngatꞌa̱ bi̱ kjiꞌi ni xi kisꞌiee̱: tienijón mi̱ cho̱tsa̱nga̱, ko̱jo jun mi̱ cho̱toꞌoyitsꞌe̱n, ko̱jo jó mi̱ cho̱yojo xi bokján tꞌanangi, ko̱jo ngo mi̱ bórró ínchjín,

Xo̱jo̱n Salmoo̱ 67:6

Tꞌanangii̱ jè katsjá ni xi kamáxchaá, kó Néná boá xi sa̱ꞌínchikonñéná.

Xo̱jo̱n Salmoo̱ 72:16

¡Tsie to ndso̱ko̱a̱n ṉño̱pan ngatꞌieé na̱xi̱ńdaá! ¡Kó ngatamaya nga ka̱matíyaá xka̱a̱ ki̱a̱ nga̱són nkꞌaá na̱xi̱i̱! ¡Tsie to ndso̱ko̱a̱n ṉño̱pan ngatꞌié, xikoó yákón xi tjín ki̱a̱ nangi Líbanoo̱! ¡Kó xi tjín ki̱a̱ na̱xi̱ńdáꞌniuú ngatꞌieé naxó, xikoó xka̱ xi tjín ngi̱jin kꞌijñaá!

Énkjínkón 10:22

Kjo̱a̱niꞌánchikonñeé Néná, kjo̱a̱cho̱n boá, kó jmí kjo̱a̱ndasenjiín.

Eklesiastee̱ 11:6

Tꞌítji̱e̱ ji xojmáa̱ nga ta̱jño̱ó ko̱jo nga kamángixoón, ngatꞌa̱ yejín ji ñání ngajó kui ni tjieé xi nda ngase ka̱ma, axa̱ ngajoó nga nda ka̱ma.

Matioo̱ 13:23

Ta̱nga kui xojmá xí ixó tꞌanangi xi ndaa̱, kuí xi̱ꞌbi̱ xi xikoó xota̱ xi ntꞌieé eén Néná, kó makjiín, kó kuí xí xikoó xojmá xí tsjá úchán, ichítié ko̱jo tie, ko̱jo kantié to nga ngo nga ngo.

Matioo̱ 13:8

Ta̱nga ingo tjín kuí xojmaá xi ixó tꞌanangi xi ndaa̱, kó kisꞌiee̱ to, tjín xí katsjá kantié to, tjín xí katsjá ichítié ko̱jo tie, kó tjín xí katsjá úchán to nga ngo nga ngo.

Markoo̱ 4:8

Ta̱nga ingo tjín kuí xojmaá xi ixó tꞌanangi xi ndaa̱, íntsꞌién, kó kamáxchá, kó kisꞌiee̱ to, tjín xí katsjá kantié to, tjín xí katsjá ichítié ko̱jo tie, kó tjín xí katsjá úchán to nga ngo nga ngo.

1 Xota̱ Korinto̱ 3:6

Án xí xikoó ngo nda̱ xi ítji̱e̱ ngo xojmá, kó Apoloo̱ boá xikoó tsi kui xi asíndaá, ta̱nga Néná boá xi katsꞌénxchá kuí ni tjieé.