Jenesii̱s 24:7 - Xo̱jo̱n eén Néná

⁷ Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 24:7 Iomraidhean Croise

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 16:7

Nga jachó na̱ Angaa̱r tꞌa ndáńchꞌi̱ xi tikón nangi kixí ki̱a̱ xtji̱e̱e̱n ndi̱yà xi fí xtji̱e̱e̱n na̱ngi, ki̱a̱ jachókoón ndítsjie xi Néná,

Jenesii̱s 21:17

Kó Néná tsintꞌieé nga tsꞌénkjandayá nda̱chií, kósꞌe̱ ndítsjie xi Néná ndeskande ndiꞌakꞌajmii̱ tsíchji̱a̱a̱ na̱ Angaa̱r nga bi̱ katsoó: «Mí xí kjimaa na̱ Angaa̱r. Ngata̱ ndakinjín má ji, ngatꞌa̱ jè tsintꞌie an nda̱a̱ kui ndií.

Jenesii̱s 22:11

kó kjiꞌá má ndítsjie xi Néná ndeskande ndiꞌakꞌajmi jàn tsíchji̱a̱a̱ Abraa̱n. Kó Abraa̱n, kꞌi̱e̱ tikòn an kꞌi̱e̱e̱, katsó.

Jenesii̱s 24:3

Ndatsi kꞌi̱e̱ tikónjìi̱n xota̱ Kanaa̱n, ta̱nga ngiboanéná tꞌín ji ngindyi̱ko̱n Néná xí tsi̱ꞌe̱ ndiꞌakꞌajmii̱ ko̱jo xi tsi̱ꞌe̱ tꞌanangii̱ nga ko̱e̱ꞌéndièjín ji nga ndína Isaa̱ ngo na̱ xi chji̱a̱ni nangi Kanaa̱n ku̱i̱xanjo̱. Ta̱sá tꞌen ji nangina kó ti̱ndyi̱sé ji ngo na̱ xi xingi̱ ji̱n xi kꞌuijñájo̱ ndína.

Jenesii̱s 24:40

Kósꞌe̱ bi̱ katsóna ndi̱a̱na: “Ngatsjéni̱xtjin tsꞌéntꞌièꞌée̱n Néná, kó kuíni nga kuí boá xi sa̱ngíyá ndítsjiee̱ nga kjo̱joo̱ ji, kó nga nda ko̱e̱je̱e̱ ndi̱yà xí tiꞌmi. Ta̱nga jí xí ku̱i̱ndyi̱sée̱ ngo chjo̱on ndína ki̱a̱ ngi̱jii̱n xota̱ xingi̱ án.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Xo̱jo̱n Salmoo̱ 103:20

Jún xi ndítsjie xi tjiín ngaꞌniuú, jún xi niꞌánkjatjosónjnú kjo̱a̱botíxomaa̱, kó niꞌánkjatjosónjnú nga tsjá ngo kjo̱a̱, ¡ti̱ꞌantsjàjnúu̱ Néna!

Xo̱jo̱n Salmoo̱ 136:26

¡Si̱ꞌantsjàa̱ kui Ne xi tsi̱ꞌe̱ nkꞌajmii̱! ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 32:8

Jí boá xi bi̱ kasení: «Án boá xi xiyaá, kó kokoyaá ndi̱yà xí chjiéngá ku̱i̱ńtje̱ ji. Án boá xi tsjaa kjo̱a̱botíxoma, kó ngatsjéni̱xtjin nga skoon ji.

Xo̱jo̱n Salmoo̱ 34:7

Ndítsjiee̱ Néná boá xi konda nga ngo foaꞌatjiyajoo̱n xota̱ xi bendikón Néná, kó ꞌboxiéꞌá, tsi̱ꞌe̱ nga jmí ni ka̱májiín.

Xo̱jo̱n Salmoo̱ 73:24

Jí boá xi ko̱e̱ꞌéní kjo̱a̱botíxomàa̱, kó nga kjo̱chó ni̱xtjin jí boá xi chjábéní nínga tikón kjo̱a̱jèe̱.

Éksondo̱ 32:13

Ngatjaꞌátsjiee̱n ni xi ja̱koxi̱ nga sa̱ꞌinkjatjosón an kasée̱ Abraa̱n, ko̱jo Isaa̱, ko̱jo Jakoo̱b. Jí boá xi bo̱a̱ kasée̱ nga ji xi si̱ꞌin ji nga xota̱ tji̱e̱e̱ ngo na̱xi̱ńdá xí je si̱ꞌin ji, kó nga kjín ka̱ma xikó maá ńño xi tjín nkꞌa jàn, kó nga ngatsjéni̱xtjin ko̱e̱ꞌée̱ tꞌanangi xi chji̱a̱ni nangi Kanaa̱n.

Jonaa̱ 1:9

Kó Jonaa̱ bi̱ katsoó kui jaá: —Nda̱ ebreo̱ án, kó Néná boá xi tsꞌéntsjàa̱, kui Néná xí botixómaá, ko̱jo kui xi katsꞌénda ngayeje ni xi tjiín. Án xí konna ni xi kjimaa̱, ngatꞌa̱ Néná boá xi tsꞌénmongaa̱.

Xki̱ 11:12

¡Jmí tsi ndína má kui xotaa̱! ¡Jmí kjo̱a̱jín nga an koaꞌanijín an nga kjuínjo̱ an ki̱a̱ nangi xi ji ko̱e̱ꞌée̱!

Xki̱ 14:30

Ta̱ Josuee̱ ko̱jo Kalee̱b tsí xi kꞌo̱sꞌien ki̱a̱ nangi xi kixiyatjónjnúꞌun nga tsjajnúꞌun, ta̱ꞌyajínni ngase.

Xki̱ 32:11

“Ja̱ kó nga kamámejénjiín tsintꞌiéꞌénna, ja̱koxi̱ ni xi xian an, nga ngojín kui xota̱ xi jatjoni nangi Ejipto̱ xi je tsꞌatio kan noó, xi kꞌo̱sꞌien kui tꞌanangi xi tsjajnúꞌun kixiáa̱n xota̱ xi xchájnú, kui xi Abraa̱n, ko̱jo Isaa̱, ko̱jo Jakoo̱b.

Ni xi kamá 7:5

Kó Néná nde chií nangi katsjájiín, ngaskande nínga ko̱sién ngo se katsjájiín, ta̱nga katsóyàtjoón nga tsja̱á nga tsi̱ꞌe̱ ka̱ma kui nangii̱, ko̱jo nga jaskan tsi̱ꞌe̱ xota̱ tji̱e̱e̱ ka̱ma, ndatsi kui ni̱xtjin jàn Abraa̱n kji̱e̱ jmí ndíjiín.

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xota̱ Ebreo̱ 11:9

Ta̱ngatꞌanii̱ kjo̱a̱sꞌijii̱n nga kisꞌijña xikoó ngo xota̱ xi xín nangi ki̱a̱ nangi xi ja̱bo̱a̱ je katsóyaà Néná nga tsja̱á, ndiꞌańjño ndichjon kisꞌijña, ko̱jo Isaa̱, ko̱jo Jako̱b, kui já xí ti̱ bo̱a̱ ti̱ tsꞌén katseꞌeé kui ni xi katsóyàtjoón Néná nga tsja̱á.

Ni xi akakoo̱ 11:13

Ti̱ kuii̱ chi̱bo̱a̱ kisꞌie ngo kjo̱a̱ndi̱ko̱n xi ta̱nisién ꞌniú xí katsꞌénkixóndó ngo nga xki̱ tie ndiꞌa xi tjín kui na̱xi̱ńdaá, kó yito mi̱ xota̱ xi jesón, kó kui xota̱ xi ta̱kó kisꞌińdoo̱, achichí katsakjónní, kó katsjaá kjo̱a̱je Néná xi tikón ndiꞌakꞌajmii̱.