Jenesii̱s 24:49 - Xo̱jo̱n eén Néná

⁴⁹ Ngotꞌe̱ ꞌne̱, tꞌíyájnúꞌun tsi ka̱maꞌniátakónjnú ko̱jo tsi nda si̱ꞌanjo̱jnú ndi̱a̱na, kó tsi jmí, ti̱ tꞌíyájnúꞌun nga, ki̱a̱ ka̱maa̱ nga skuie an míra̱ ni xi sa̱ꞌin an ngijee̱.

Jenesii̱s 24:49 Iomraidhean Croise

Jenesii̱s 32:10

Achichí nda niꞌínje̱ní, ndatsi tsoboájínna nga ko̱si̱ke̱jení, ngatꞌa̱ an boá xi moso̱ tse̱, kjiꞌanga jaꞌatio an ndejèꞌ Jorndaa̱n, jmí ni kisꞌiejínna ngasꞌe̱, ta̱ ngo tsí yánísié tsaꞌa an, kó ngotꞌe̱ ꞌne̱ ngaskande jó tjín xota̱ ko̱jo cho̱ xi síndona.

Jenesii̱s 47:29

Ngije makjachó ni̱xtjin nga ko̱yà, tsíchji̱a̱a̱ Kosiee̱ kui xi ndií, kó bi̱ katsoó: —Ngo kjo̱a̱nda kuíꞌaá xi̱ꞌin, kó ngiboanéná tꞌín ji nga si̱ꞌinkjatjosén ji. Tsi ja̱koxi̱ nga tjoó an, ngiboanéná tꞌín ji nga ngije ko̱yà an, nga kꞌi̱e̱jín kjónijínní nangi Ejipto̱.

Énkjínkón 3:3

Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱, xikoó tsi ngo ni xi jmeyá kjásen ji ngatamaa̱, kó ngi̱jin ini̱ma̱a̱ tꞌíjñijin ji kui nii̱,

Xki̱ 20:17

»Ngo kjo̱a̱nda ndyi̱chjiáꞌájne̱ ji. Te̱ꞌéndièjne̱ nga ki̱a̱ ku̱i̱tjájinjne̱ nangi nínga botíxome ji. Ndyi̱boeꞌéjne̱ ndso̱ꞌbajne̱ nga ki̱a̱jín ku̱i̱tjájinjne̱ nínga kjiꞌi ni tjieé, ti̱nde ki̱a̱jín ku̱i̱tjájinjne̱ nínga kjiꞌi tostsi̱je̱è, ti̱nde sꞌi̱o̱jínjne̱ ndáfoaa̱ ndáńchꞌíi̱. Ku̱i̱tjá kixi̱ kixi̱jne̱, kó ki̱a̱ konginyájne̱ ndi̱yà tiyaá ngaskande nga je ikitjajne̱ nangi nínga botíxome ji.

Ndeuteronomio̱ 2:27

nga tsja̱ndièná nga ka̱ma ku̱i̱tjá ki̱a̱ nangi nínga botixómá. Kó nga ta̱ ki̱a̱ tsí kongín ndi̱yà je xi tsi̱ꞌe̱ kui ngi̱ndiee̱, kó nga ku̱i̱tja̱tió ndejèꞌ Jorndaa̱n, ngaskande nga kjóchó nangi xi Néná je bo̱a̱ katsóná nga tsja̱aná. Bo̱a̱ kixiáa̱n nga kꞌuichjíi̱ nichinie ko̱jo ndáfoa xi sꞌi̱o̱, kó ti̱ bo̱a̱ kixiáa̱n nga xota̱ tji̱e̱e̱ Esauu̱ ko̱jo xota̱ tji̱e̱e̱ Moaa̱b, ja̱bo̱a̱ je katsjáná ngi̱ndie nga ka̱ma ku̱i̱tjá na̱xi̱ńdá Aa̱r ko̱jo nangi Seii̱r.