Jenesii̱s 24:42 - Xo̱jo̱n eén Néná

⁴² »Kó bo̱a̱ tsꞌén ngotꞌe̱ nga jéꞌe̱ an tꞌa ndáńchꞌií, bi̱ tsꞌén tsíchji̱a̱a̱ Néná: “Ji Ne, ji xi Nee̱ ndi̱a̱na Abraa̱n, tsi ji xi mejeén, nda ngatjína nga tsꞌénfí an kui ngi̱ndiee̱,

Jenesii̱s 24:42 Iomraidhean Croise

Jenesii̱s 24:11

Jè má kjimangixón nga jachó kui nda̱ mosoo̱ ki̱a̱ ndi̱tsee̱n na̱xi̱ńdaá, kó ki̱a̱ indyiátaꞌniú cho̱toꞌoyitsꞌeèn, tsi̱ꞌe̱ nga sa̱ꞌínkjaꞌyá ki̱a̱ tꞌa ndáńchꞌií. Kó kuí má chi̱bo̱a̱a̱ fíkjaꞌá ndáfoa ndáńchꞌi̱ ínchjiín.

Jenesii̱s 24:27

nga bi̱ katsó: «¡Ngatamachikonñé ji Ne, ji xi Nee̱ ndi̱a̱na Abraa̱n, ngatꞌa̱ ngatsjéni̱xtjin nda tiniꞌínje̱ ji ko̱jo kjimaꞌnítakín ji ndi̱a̱na! ¡Jí boá xi tińtje̱tjénní ngaskande ndiꞌaa̱ xota̱ xkjín Abraa̱n!»

Jenesii̱s 24:31

Nga kamábe, bi̱ katsó Labaa̱n: «¡Ja̱bíꞌi̱n ji nda̱! Néná boá xi nda jeꞌejoo̱ kꞌi̱e̱e̱, ndibé jí ndiꞌana, nga ki̱a̱jín ndi̱tsee̱n mindyin. ¡Jè íjñanda an ngo ngi̱ndie nínga si̱ꞌinkjaꞌyé ji ko̱jo ngo ngi̱ndie nínga kꞌuíndo cho̱toꞌoyitsꞌèe̱n nga!»

Jenesii̱s 39:3

Kó Potifaa̱r kamábe nga Néná asíko̱jo Kosiee̱, kuíni nga ngayeje ni xi katsꞌén nda kamaá.

Xo̱jo̱n Salmoo̱ 37:5

Ngi̱ya tsja Néná tꞌíjñí ji ndyi̱yà nínga tsꞌentje̱ ji, ti̱ꞌinꞌnítakín kui, kó kuí boá xi sa̱ꞌín ngayeje nii̱.

Xo̱jo̱n Salmoo̱ 90:17

Kó kuí kjo̱a̱tsjakjiꞌi xi tikoón Ndi̱a̱ná, kui xi Néná, kui nii̱ xi ngatjandibániéná, tꞌíyé ji nga bo̱a̱ kjiꞌi xá xí je katsꞌén ndsa̱jne̱. ¡Jo̱o̱n Ne, kui xá xí je katsꞌén ndsa̱jne̱, tꞌíyé ji nga bo̱a̱ kjiꞌi kui nii̱!

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Xota̱ Roma̱ 1:10

Kó ꞌniú míꞌáa̱ tsi mejeén Néná nga ka̱ma tsja̱ndièna nga kjuínkátsijenjnúꞌun.