Jenesii̱s 24:40 - Xo̱jo̱n eén Néná

⁴⁰ Kósꞌe̱ bi̱ katsóna ndi̱a̱na: “Ngatsjéni̱xtjin tsꞌéntꞌièꞌée̱n Néná, kó kuíni nga kuí boá xi sa̱ngíyá ndítsjiee̱ nga kjo̱joo̱ ji, kó nga nda ko̱e̱je̱e̱ ndi̱yà xí tiꞌmi. Ta̱nga jí xí ku̱i̱ndyi̱sée̱ ngo chjo̱on ndína ki̱a̱ ngi̱jii̱n xota̱ xingi̱ án.

Jenesii̱s 24:40 Iomraidhean Croise

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 24:56

Ta̱nga kui nda̱ mosoo̱ bi̱ katsó: —¡Ngata̱ ꞌbíchjájínjnúꞌun ngase! Ngatꞌa̱ Néná jè katsjána ngi̱ndie nga nda tsꞌén jéꞌe̱ an, kuíni nga ta̱sá te̱ꞌéndièjnúꞌun nga kjuín ngiñá an ndiꞌaa̱ ndi̱a̱na.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 48:15

Kósꞌe̱ katsꞌénchikonñé Kosiee̱ nga bi̱ katsó: «Kui Néná xi Nee̱ na̱ꞌmindyiboana Abraa̱n, ko̱jo Nee̱ na̱ꞌmina Isaa̱, kui Néná xi tsꞌénbokóna ndi̱yà ngayeje ni̱xtjin nga tikòn an nga̱sondie.

Jenesii̱s 5:22

Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Matusalee̱n, Enoo̱k ngi ján úchán nó kisꞌijña nga̱sondie. Kó nga Enoo̱k ꞌniú tsintꞌiéꞌeén Néná, kichajá ngi̱jinꞌa̱sièn ngatꞌa̱ Néná kijíjo̱ tikón. Kó Enoo̱k ján úchán ichítié ko̱jo tjiꞌún nó kisꞌijña kui nga̱sondiee̱.

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Xo̱jo̱n Salmoo̱ 1:3

Kui xotaa̱, kuí boá xi ka̱ma xikoó ngo yá xí tjítji̱e̱tꞌa ngo ndejèꞌ xi tsꞌénmonga, kui xi ni̱xtjii̱n má nga boajaá to xi tsjá, kó xíꞌniújín xka̱a̱. ¡Kó ngayeje ni xi tsꞌén, nda maá!

Xo̱jo̱n Salmoo̱ 16:8

Ngatsjéni̱xtjin nga Néná boá xi tjínjinkon an, ngatꞌa̱ ki̱a̱ tikóntꞌana tjia kixi̱na, kuíni nga jmíjín ni xi kꞌo̱jmina.

Xo̱jo̱n Salmoo̱ 91:11

Ngatꞌa̱ Néná sa̱ngíyá ndítsjiee̱ tiña nínga tindyin ji, tsi̱ꞌe̱ nga skoón ngayeje ndi̱yà nínga ku̱i̱ńtje̱ ji.

Éksondo̱ 23:20

Kó Néná bi̱ katsoó: «Kꞌi̱e̱ sangiya tjón an ndítsjiena tsi̱ꞌe̱ nga skónjnú ko̱jo ko̱kójnú ndi̱yà nínga kongínjnú, ngaskande nga kjóchójnú ngi̱ndie xi je tikónndana.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.

Ni xi akakoo̱ 22:8

Juaa̱ boá an, kó án boá xi kamábe an, kó tsintꞌie an kui nii̱. Kó ngije kamábe an ko̱jo ngije tsintꞌie an, asientꞌáa̱ tikóna tꞌa se kui ndítsjie xi akóna kui nii̱ tsi̱ꞌe̱ nga sa̱ꞌindikón án katsaki.