Jenesii̱s 24:3 - Xo̱jo̱n eén Néná

^3-4 Ndatsi kꞌi̱e̱ tikónjìi̱n xota̱ Kanaa̱n, ta̱nga ngiboanéná tꞌín ji ngindyi̱ko̱n Néná xí tsi̱ꞌe̱ ndiꞌakꞌajmii̱ ko̱jo xi tsi̱ꞌe̱ tꞌanangii̱ nga ko̱e̱ꞌéndièjín ji nga ndína Isaa̱ ngo na̱ xi chji̱a̱ni nangi Kanaa̱n ku̱i̱xanjo̱. Ta̱sá tꞌen ji nangina kó ti̱ndyi̱sé ji ngo na̱ xi xingi̱ ji̱n xi kꞌuijñájo̱ ndína.

Jenesii̱s 24:3 Iomraidhean Croise

Jenesii̱s 14:19

sꞌe̱ katsꞌénchikonñé nga bi̱ katsoó: «Abra̱n, Néná xi tikón nkꞌa jàn, kui xi katsꞌénda ndiꞌakꞌajmii̱ ko̱jo tꞌanangii̱ ngatsꞌénchíkonñé ji.

Jenesii̱s 14:22

Ta̱nga Abra̱n bi̱ katsoó: —Jè íjñangi an énna nga bi̱ kixiáa̱n Néná xi tikón ndiꞌakꞌajmii̱, kui xi katsꞌénda nkꞌa jàn ko̱jo tꞌanangii̱,

Jenesii̱s 21:23

Ngotꞌe̱ ꞌne̱ ngiboanéná tꞌín ji nga jmí ni chꞌokjiꞌi si̱ꞌinje̱jínní án ko̱jo ndína ko̱jo xota̱ tji̱e̱na, kó nga nda si̱ꞌinje̱jne̱ xi kótsꞌèn nda katsꞌenjoo̱ ji kꞌi̱e̱ kui ngi̱ndie nínga tindyin ji ngotꞌe̱, ko̱jo nga nda si̱ꞌinje̱ ji xota̱ xi chji̱a̱ni kui na̱xi̱ńdaá nga.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 27:46

Kósꞌe̱ na̱ Rebekaa̱, bi̱ kijítsoó Isaa̱: —¡Jè tsꞌajonna ínchjín ititaa̱! Tsi kꞌi̱e̱ ku̱i̱xan Jakoo̱b kó tsi ngo kui ínchjiín ku̱i̱xanjo̱, ¡ta̱sá ngatꞌien an!

Jenesii̱s 28:1

Kósꞌe̱ Isaa̱ tsíchji̱a̱a̱ Jakoo̱b, kó ngije katsꞌénchikonñé, bi̱ tsꞌén atíxomaa̱: «Ngata̱ na̱ xi chji̱a̱ni nangi Kanaa̱njín mindyinje̱ ji.

Jenesii̱s 34:9

kó bo̱a̱ tsꞌén nga xota̱ xingi̱ ka̱ma, kó ka̱ma jáxíꞌínjnú ku̱i̱xanjo̱ ndí xí ínchjínjne̱, kó jáxíꞌínjne̱ ku̱i̱xanjo̱ ndí xí ínchjínjnú.

Jenesii̱s 38:2

Kó ki̱a̱ Jundáa̱ kamábe tsa̱kji̱ín ngo nda̱ Kanaa̱n xi Súa̱ kiꞌmí, kó ixánjo̱ kui naa̱. Ngije jaꞌa ni̱xtjin,

Jenesii̱s 47:31

ta̱nga Jakoo̱b, bi̱ katsó ngasee̱: —¡Ngiboanéná tꞌín ji! Kó Kosiee̱, ngiboanéná katsó. Kósꞌe̱ Jakoo̱b kisꞌijñaxtien nga̱són ṉchaa̱n, kó tsíchji̱a̱a̱ Néná.

Jenesii̱s 6:2

Kósꞌe̱ ndií Néná nga kamábe nga tsjakon kamá ndí xí ínchjiín xota̱ nga̱sondiee̱, jaꞌájin ínchjín xi kamámejeén sꞌe̱ kisꞌińdojo̱.

Jenesii̱s 6:4

Ndií Néná kisꞌińdojo̱ ndí ínchjiín xota̱ nga̱sondiee̱ kó kisꞌiee̱ ndí, kó kuí bí kuí ndií xi xota̱ xi ta̱nisién nkꞌa ko̱jo yiꞌi kamá. Kó kui xotaa̱ xi ꞌniú kamáyàndikón kjo̱a̱a̱ ni nda xi katsꞌén kui ni̱xtjin jàn.

Xo̱jo̱n Salmoo̱ 115:15

¡Néná ngatsꞌénchíkonñéjnú jún, kui Néná xí katsꞌénda nkꞌajmii̱ ko̱jo tꞌanangii̱!

Xo̱jo̱n Salmoo̱ 136:26

¡Si̱ꞌantsjàa̱ kui Ne xi tsi̱ꞌe̱ nkꞌajmii̱! ¡Ngatꞌa̱ Néná ngatsjéni̱xtjin nga tjoó ji̱n!

Éksondo̱ 20:7

»Ka̱májín ta̱xkiya si̱ꞌankjiénjnú jaꞌénna, chjiéngá xcha̱ndikónjnú, xi ta̱xkiya sa̱ꞌínkjién, sa̱ꞌinjéñáa̱.

Éksondo̱ 22:11

Ta̱nga chjiéngá ngindyi̱ko̱n Néná bo̱a̱ ka̱tso̱ nga jmí jéjiín. Ndi̱a̱a̱ kui cho̱o̱ chjiéngá sa̱ꞌínsꞌijii̱n, kó kui nda̱a̱ jmí ni ku̱i̱ꞌíchjíjín.

Éksondo̱ 23:13

»Ti̱ꞌankjatjosónjnú ngayeje kui kjo̱a̱kitii̱, kó nga chiíjín chjiáꞌajnúu̱ nga ko̱síko̱jójnú kje̱ꞌe ne, ti̱nde nga niꞌánkaxomájínjnú jaꞌeén.

Éksondo̱ 34:16

Ndara̱ ka̱majnú kjiꞌanga ndí xíꞌínjnú ku̱i̱xanjo̱ ndí ínchjiín kui xotaa̱, ta̱nga ngije kui ínchjiín sa̱ꞌínjé nga sa̱ꞌíndikón kui ne xi jmí tsi ne xi ja̱koxi̱i̱, kui nii̱ xi sa̱ꞌín nga ko̱jo ndíjnú sa̱ꞌínjé nga.

Lebitiko̱ 19:12

ti̱nde ngata̱ jaꞌénnajín niꞌánkjiénjnú nga ngo ni xi si̱ꞌankjatjosónjínjnú. Án boá xi Nee̱ xota̱ Israee̱l.

Xki̱ 5:21

míꞌáa̱ Néná nga sa̱ꞌínjeé, kó nga ngije sꞌi̱ ji kui ndáfoaa̱, ngatamaske nga̱ntsꞌoe ji, kó ngatamandi̱ ji. Kó kui nii̱ xi chi̱bo̱a̱ ngatamaa̱ ngayeje xota̱ xi ngasee̱. Kuí bí kui nii̱ xi kjo̱a̱botíjée̱ ka̱ma”. »Kó chjiéngá bi̱ ka̱tso̱ kui naa̱: “Bo̱a̱ kjíꞌí, bo̱a̱ kjíꞌí”.

1 Xota̱ Korinto̱ 7:39

Chjo̱ón xi je ixaán tji̱e̱nga tikón xi̱ꞌii̱n, chjiénjín nga ku̱i̱ꞌíjñá, ta̱nga tsi ko̱yà xi̱ꞌii̱n, kui chjo̱ón ka̱ma ku̱i̱xanjo̱ kje̱ꞌe xíꞌín xi mejeén, ta̱nga chjiéngá nga xota̱ xi sꞌijii̱n Néná xí ku̱i̱xanjo̱.

Ndeuteronomio̱ 10:20

»Ndaꞌyáꞌénjnúu̱ Néná, kó ta̱kuítsí xi ti̱ꞌantsjàjnúu̱. Ngata̱ niꞌantsjájínjnúu̱ kje̱ꞌe ne. Tsi ngo ni kꞌuíndajnú xi si̱ꞌankjatjosónjnú, ta̱ jaꞌeén Néná tsí xi ti̱ꞌankjiénjnú.

Ndeuteronomio̱ 6:13

Kuíni nga ti̱ꞌantsjàjnúu̱ Néná, kó ta̱kuítsí xi ndaꞌyáꞌénjnúu̱. Tsi ngo ni kꞌuíndajnú xi si̱ꞌankjatjosónjnú, ta̱ jaꞌén tsi̱ꞌe̱ tsí xi ti̱ꞌankjiénjnú.

Xota̱ Ebreo̱ 6:16

Ngatꞌa̱ xotaa̱ kjiꞌanga tsjá tsꞌoa nga ngiboanéná tsó, jaꞌeén Néná tsꞌénkjién ngatꞌa̱ Néná boá xi botixómaá, kó kjiꞌanga bo̱a̱ tsó, jmíjín ingo ni xi xchi̱boátí ngase.