Jenesii̱s 24:27 - Xo̱jo̱n eén Néná

²⁷ nga bi̱ katsó: «¡Ngatamachikonñé ji Ne, ji xi Nee̱ ndi̱a̱na Abraa̱n, ngatꞌa̱ ngatsjéni̱xtjin nda tiniꞌínje̱ ji ko̱jo kjimaꞌnítakín ji ndi̱a̱na! ¡Jí boá xi tińtje̱tjénní ngaskande ndiꞌaa̱ xota̱ xkjín Abraa̱n!»

Jenesii̱s 24:27 Iomraidhean Croise

Jenesii̱s 13:8

kósꞌe̱ Abra̱n, bi̱ katsoó Loo̱t: «Mejénjínna nga kjo̱a̱xti kꞌuiéná nga jó ñá ko̱jo nga kjo̱a̱xti kꞌuieé já xí koón cho̱tsa̱nga̱ná ngatꞌa̱ xingi̱ ñá má.

Jenesii̱s 14:20

Kui Néná xi tikón nkꞌa jàn, kuí xí tsoboaá ngayeje kjo̱a̱niꞌántsjaà, ngatꞌa̱ kuí boá xi katsjaá nga kiniꞌín ji nga ikixkánje̱ ji kondraa̱». Ti̱ kjiꞌa Abra̱n katsjaá Melkisendee̱k tie nga úchaán ngayeje ni xi katsꞌén kui kjo̱a̱xcha̱án.

Jenesii̱s 24:12

Kó ki̱a̱ kui nda̱ mosoo̱, bi̱ katsó nga tsíchji̱a̱a̱ Néná: «Ji Ne, ji xi Nee̱ ndi̱a̱na Abraa̱n, ꞌniú míꞌaá nga nda si̱ꞌinje̱ ji ndi̱a̱na Abraa̱n, kó te̱ꞌé ji ngi̱ndie nga nda ko̱e̱je̱na kui ni̱xtjii̱n.

Jenesii̱s 24:21

Kó kui mosoo̱ achichí kijíndikoón kjo̱a̱a̱ kui naa̱, kó askotsijen ndá ndaá, kó jmí ni katsójín, ta̱ tsꞌénkoyarií nga sku̱i̱e̱ nga Néná asíko̱jo nga ki̱a̱ sa̱ko̱ó ngo chjo̱on xí tsi̱ꞌe̱ Isaa̱.

Jenesii̱s 24:42

»Kó bo̱a̱ tsꞌén ngotꞌe̱ nga jéꞌe̱ an tꞌa ndáńchꞌií, bi̱ tsꞌén tsíchji̱a̱a̱ Néná: “Ji Ne, ji xi Nee̱ ndi̱a̱na Abraa̱n, tsi ji xi mejeén, nda ngatjína nga tsꞌénfí an kui ngi̱ndiee̱,

Jenesii̱s 24:48

Kósꞌe̱ asien an tikóna, kó katsꞌentsjàa̱ Néná, kui xi Nee̱ ndi̱a̱na Abraa̱n, ngatꞌa̱ kuí boá xi kꞌi̱e̱ kjindibájo̱ kixi̱ kixi̱na nínga tikón tsa̱kjìndeé ntsꞌi̱e̱ ndi̱a̱na, tsi̱ꞌe̱ nga kui xi ka̱ma chjo̱ón ndií ndi̱a̱na.

Jenesii̱s 32:10

Achichí nda niꞌínje̱ní, ndatsi tsoboájínna nga ko̱si̱ke̱jení, ngatꞌa̱ an boá xi moso̱ tse̱, kjiꞌanga jaꞌatio an ndejèꞌ Jorndaa̱n, jmí ni kisꞌiejínna ngasꞌe̱, ta̱ ngo tsí yánísié tsaꞌa an, kó ngotꞌe̱ ꞌne̱ ngaskande jó tjín xota̱ ko̱jo cho̱ xi síndona.

Jenesii̱s 32:11

Jí boá xi bo̱a̱ kasení nga nda ko̱e̱je̱na, kó nga xota̱ tji̱e̱na kjín ka̱ma xikó maá tsomí xí tjín tꞌa ndáchíkoón, nga nde maxki̱jínná. ¡Ngotꞌe̱ ꞌne̱ xín ti̱ꞌinkjeꞌe ji ni xi ndajín xi mejeén sa̱ꞌínjo̱na ntsꞌié án Esauu̱! Ngatꞌa̱ tsakjon an nga kji̱ndi̱bá, kó sa̱ꞌínkjiéjne̱ ngayejejne̱».

Jenesii̱s 9:26

Kó bi̱ katsó ngase: «¡Néná xi tsꞌénchíkonñéná, kui xi Ne tsa̱ꞌa̱n, ngatama Nee̱ See̱n nga! ¡Kó xota̱ Kanaa̱n kuí boá xi ngatama mosoo̱ See̱n!

Xo̱jo̱n Salmoo̱ 100:5

Ngatꞌa̱ ndaxota̱ Néná, kó ngatsjéni̱xtjin nga tjiín kjo̱a̱ni̱ma̱takón, kjo̱a̱tjoó jmíni̱xtjin sa̱síkjo, kó kjo̱a̱ꞌniátakoón ta̱kjiꞌání nga kꞌuijñá.

Xo̱jo̱n Salmoo̱ 68:19

¡Ngatamachikonñé Néná! ¡Néná xí ꞌboxiéꞌáná ndyiojón ndyiojón boaꞌanijín chꞌiàná!

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Éksondo̱ 18:10

kó bi̱ katsó Jetroo̱: «¡Nganiꞌántsjaá Néná kui xi Nee̱ xota̱ Israee̱l, kui xi tsꞌaxiéꞌájnú ngi̱ya tsja xota̱ Ejiptoo̱, ko̱jo ngi̱ya tsja nda̱ ree̱!

Éksondo̱ 2:11

Ngije jaꞌa kjín nó, ngije xchá Moisee̱, ngo ndi̱yà kijí nínga ndyi̱tsꞌènxá xota̱ nangii̱, nínga achichí ꞌniú xá moso̱ xi katsꞌén, kó ta̱niján má kamábe nga ngo nda̱ Ejipto̱ tsꞌénbeꞌeé ngo nda̱ Israee̱l,

Éksondo̱ 2:13

Nga kamángindyiojón ti̱ jatjo nginí Moisee̱, kó kamábe nga jó já Israee̱l ndyi̱kjàn, kó bi̱ katsoó kui nda̱ xi tsꞌénbeꞌeé nda̱ xi ingoo̱: —Ánní nga tiꞌbékòo̱n nda̱ xi ngo nangi manijnú xingi̱jnú.

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Énkjínkón 3:6

Chꞌi̱e̱xki̱ ji Néná ngayeje ni xi si̱ꞌin ji, kó kuí boá ko̱síko̱joo̱ nga kixi̱ ku̱i̱ndyin ji.

Énkjínkón 8:20

Ngatsjéni̱xtjin nga kixi̱ tsꞌen an ni xi tsꞌen an, kó ki̱a̱ fitji̱ngi an ndi̱yà xí kixi̱i̱.

Rkaa̱ 1:68

¡Nganiꞌántsjaá Ndi̱a̱ná, Néná xí tsi̱ꞌe̱ Israee̱l, ngatꞌa̱ jè jeꞌekoón, kó jè íchjítjé nga tsꞌaxiéꞌá xota̱ na̱xi̱ńdaá!

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.

Na̱ Ruu̱t 4:14

Ngije katsen kui ndií, ínchjín xi chji̱a̱ni ndí na̱xi̱ńdáꞌniú Belee̱n, bi̱ katsoó na̱ Noemii̱: «Ngatamachikonñé Néná, kui Néná xi katsjaá ngo ndínde kui xi skoón ji, Néná ngatsjaá kui ndií nga ꞌniú xcha̱ndikón ngayeje nangi Israee̱l.