Jenesii̱s 24:14 - Xo̱jo̱n eén Néná

¹⁴ te̱ꞌéndièní nga kui tsa̱kjìn xo̱ngò xi kuíꞌáa̱ nga kꞌo̱e̱je̱ngi nisaa̱ tsi̱ꞌe̱ nga tsja̱ana ndáfoa, nga jmí tsi ta̱ an tsí xi ngatsjána, ti̱ ngatsjaá cho̱toꞌoyitsꞌe̱nna nga. Kó bo̱a̱ tsꞌén skuié an nga nda tiniꞌínje̱ ji ndi̱a̱na, kó nga kui naa̱ xi tichjeꞌéjin ji tsi̱ꞌe̱ nga kꞌuijñájo̱ Isaa̱, kui nda̱ xi ngatsjéni̱xtjin tsꞌénkjátjosoón ni xi chjiéꞌée̱».

Jenesii̱s 24:14 Iomraidhean Croise

Jenesii̱s 15:8

Kó Abra̱n bi̱ katsoó Néná: —¡Ne ko̱jo re tsa̱ꞌa̱n! Kó kótsꞌèn skuie an nga ja̱koxi̱ nga an si̱ꞌinkꞌasꞌínní kuí tꞌanangii̱.

Jenesii̱s 24:13

Tsitsíjinní, kꞌi̱e̱ tikòn an tꞌa kui ndáńchꞌií. Kó tji̱e̱nga ínchjín xí chji̱a̱ni kui ngi̱ndiee̱ kjo̱e̱ꞌékꞌaxié ndáfoa,

Jenesii̱s 24:15

Kó ti̱ tsꞌénchji̱a̱ ngasee̱ Néná kuí nda̱ mosoo̱ nga jachó na̱ Rebekaa̱ nga tsꞌényaꞌa ngo nisa ndáfoa nga̱són tjiaa̱. Na̱ Rebekaa̱ tsa̱kji̱ín Betuee̱l boá, ndíndee̱ na̱ Milka̱ chjo̱ón Najoo̱r, ntsꞌi̱e̱ Abraa̱n.

Jenesii̱s 24:18

Kó na̱ Rebekaa̱ tji̱e̱nmá tsꞌenje̱ngi nisaa̱, kó bi̱ katsoó: —Tꞌi̱ ji xingá. Kó kui naa̱ yíꞌniú nisaa̱ sꞌe̱ katsjaá ndáfoa kui mosoo̱.

Jenesii̱s 24:19

Kó ngije kamaá nga katsjaá ndáfoa kui mosoo̱, bi̱ katsoó: —Kꞌoxiémára an ngase ndáfoa tsi̱ꞌe̱ nga kꞌuí cho̱toꞌoyitsꞌèe̱n nga, ngaskande nga kꞌuí xikó kjiꞌi mejeén.

Jenesii̱s 24:43

tsitsíjinní nga kꞌi̱e̱ tikòn an tꞌa kui ndáńchꞌií, kó tsi ngo na̱ xo̱ngò kji̱ndi̱bákꞌaxié ndáfoa kui ndáńchꞌií, kó tsi te̱ꞌéchiíní ndáfoa xi ndyi̱a̱ nisàa̱ xiáa̱n,

Jenesii̱s 24:44

kó tsi tsja̱ana, kó ti̱ kꞌo̱xié ndáfoa xi tsja̱á cho̱toꞌoyitsꞌeèn nga, ngatamakjínna nga kuí boá kui naa̱ xi ji tichjeꞌéjin ji, tsi̱ꞌe̱ nga kui xi kꞌuijñájo̱ ndií ndi̱a̱na Abraa̱n”.

Énkjínkón 19:14

Ndiꞌaa̱ ko̱jo kjo̱a̱cho̱o̱n, ni xi ꞌbijñáná xi xcháná boá, ta̱nga kui chjo̱on xí kjínkoón, ni xi ta̱ katsjáná Néná boá.

Xota̱ Roma̱ 1:10

Kó ꞌniú míꞌáa̱ tsi mejeén Néná nga ka̱ma tsja̱ndièna nga kjuínkátsijenjnúꞌun.