Jenesii̱s 24:12 - Xo̱jo̱n eén Néná

¹² Kó ki̱a̱ kui nda̱ mosoo̱, bi̱ katsó nga tsíchji̱a̱a̱ Néná: «Ji Ne, ji xi Nee̱ ndi̱a̱na Abraa̱n, ꞌniú míꞌaá nga nda si̱ꞌinje̱ ji ndi̱a̱na Abraa̱n, kó te̱ꞌé ji ngi̱ndie nga nda ko̱e̱je̱na kui ni̱xtjii̱n.

Jenesii̱s 24:12 Iomraidhean Croise

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 24:21

Kó kui mosoo̱ achichí kijíndikoón kjo̱a̱a̱ kui naa̱, kó askotsijen ndá ndaá, kó jmí ni katsójín, ta̱ tsꞌénkoyarií nga sku̱i̱e̱ nga Néná asíko̱jo nga ki̱a̱ sa̱ko̱ó ngo chjo̱on xí tsi̱ꞌe̱ Isaa̱.

Jenesii̱s 24:27

nga bi̱ katsó: «¡Ngatamachikonñé ji Ne, ji xi Nee̱ ndi̱a̱na Abraa̱n, ngatꞌa̱ ngatsjéni̱xtjin nda tiniꞌínje̱ ji ko̱jo kjimaꞌnítakín ji ndi̱a̱na! ¡Jí boá xi tińtje̱tjénní ngaskande ndiꞌaa̱ xota̱ xkjín Abraa̱n!»

Jenesii̱s 24:42

»Kó bo̱a̱ tsꞌén ngotꞌe̱ nga jéꞌe̱ an tꞌa ndáńchꞌií, bi̱ tsꞌén tsíchji̱a̱a̱ Néná: “Ji Ne, ji xi Nee̱ ndi̱a̱na Abraa̱n, tsi ji xi mejeén, nda ngatjína nga tsꞌénfí an kui ngi̱ndiee̱,

Jenesii̱s 24:48

Kósꞌe̱ asien an tikóna, kó katsꞌentsjàa̱ Néná, kui xi Nee̱ ndi̱a̱na Abraa̱n, ngatꞌa̱ kuí boá xi kꞌi̱e̱ kjindibájo̱ kixi̱ kixi̱na nínga tikón tsa̱kjìndeé ntsꞌi̱e̱ ndi̱a̱na, tsi̱ꞌe̱ nga kui xi ka̱ma chjo̱ón ndií ndi̱a̱na.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 27:10

Kósꞌe̱ ji kꞌuínje̱e̱ tsi̱ꞌe̱ nga skji̱ni̱e̱, kó bo̱a̱ tsꞌén ji sa̱ꞌínchikonñeé ngindiee̱ nga ko̱yà.

Jenesii̱s 27:20

Kósꞌe̱ Isaa̱ bi̱ katsoó ndií: —A kó ta̱tra kiniꞌínkꞌín ji ngo cho̱ xi̱ꞌin. —Jo̱o̱n, ngatꞌa̱ Ne xi tse̱ íjñá ngo cho̱ ngindyikón án —katsó Jakoo̱b.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 31:42

¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 32:10

Achichí nda niꞌínje̱ní, ndatsi tsoboájínna nga ko̱si̱ke̱jení, ngatꞌa̱ an boá xi moso̱ tse̱, kjiꞌanga jaꞌatio an ndejèꞌ Jorndaa̱n, jmí ni kisꞌiejínna ngasꞌe̱, ta̱ ngo tsí yánísié tsaꞌa an, kó ngotꞌe̱ ꞌne̱ ngaskande jó tjín xota̱ ko̱jo cho̱ xi síndona.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Xo̱jo̱n Salmoo̱ 118:25

Ji Ne, ji Ne, ¡ꞌna̱xiéꞌéjne̱, kó te̱ꞌéndiè ji nga nda ku̱i̱ndyionjne̱!

Xo̱jo̱n Salmoo̱ 122:6

Ta̱ngatꞌanii̱ jí boá, nga bi̱ tsꞌén chjiáꞌájne̱ Néná: «¡Ngatꞌieé kjo̱a̱xió na̱xi̱ńdáꞌniú Jerusale̱n! »¡Ngatꞌieé kjo̱a̱xió xota̱ xi tjoó ji!

Xo̱jo̱n Salmoo̱ 127:1

Tsi Nénájín xi tjítsꞌénda kui ndiꞌaa̱, ta̱kjo̱a̱ndaní nga ndyi̱tsꞌènxá kuí chji̱ni̱e̱xo̱ó xi ndyi̱tsꞌèndaa̱. Tsi Nénájín xi konda na̱xi̱ńdáꞌniuú, ta̱kjo̱a̱ndaní nga ku̱i̱ndyiáńjñaá yojoo̱ já xí kondaa̱.

Xo̱jo̱n Salmoo̱ 37:5

Ngi̱ya tsja Néná tꞌíjñí ji ndyi̱yà nínga tsꞌentje̱ ji, ti̱ꞌinꞌnítakín kui, kó kuí boá xi sa̱ꞌín ngayeje nii̱.

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Énkjínkón 3:6

Chꞌi̱e̱xki̱ ji Néná ngayeje ni xi si̱ꞌin ji, kó kuí boá ko̱síko̱joo̱ nga kixi̱ ku̱i̱ndyin ji.

Matioo̱ 22:32

«Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.» Kó Néná, Nee̱ xota̱ xi síndo boá, jmí tsi Nee̱ xota̱ xi je jesón.

Xota̱ Filipo̱ 4:6

Ngata̱ jmíjín ni xi nda̱ ngatamajnú, ta̱sá ngayeje ni xi machjiénjnú tꞌíyájnúu̱ Néná nga ko̱ndókjo̱a̱jnúu̱. Chji̱a̱ꞌajnúu̱, kó ti̱ bo̱a̱ ti̱ tsꞌén te̱ꞌéjnúu̱ ndokꞌóchjì kjo̱a̱a̱ ni xi tsꞌéntsjájnú.