Jenesii̱s 24:10 - Xo̱jo̱n eén Néná

¹⁰ kósꞌe̱ iskjíbé tie cho̱toꞌoyitsꞌe̱n xi tsi̱ꞌe̱ ndi̱a̱a̱, sꞌe̱ jaꞌájin ngayeje to̱ko̱ya ni tsjakon xi síndoo̱ ndi̱a̱a̱, kó kijí xtji̱e̱e̱n nangi Mesopotamia̱, ki̱a̱ na̱xi̱ńdaá Najoo̱r.

Jenesii̱s 24:10 Iomraidhean Croise

Jenesii̱s 11:26

Kjiꞌanga kamá ichítié ko̱jo kan noó Teraa̱j, kisꞌiee̱ ján ndí: Abra̱n, ko̱jo Najoo̱r, ko̱jo Araa̱n.

Jenesii̱s 11:29

Abra̱n kisꞌijñajo̱ ngo na̱ xi kiꞌmí na̱ Sarai̱ xi ndi̱ kamá kó jmí ndí kisꞌiejiín. Kó Najoo̱r kisꞌijñajo̱ ngo na̱ xi kiꞌmí na̱ Milkaa̱, kui naa̱ tsa̱kji̱ín Araa̱n boá, kó Araa̱n kisꞌiee̱ ingo tsa̱kjìn xi na̱ Iskaa̱ kiꞌmí.

Jenesii̱s 11:31

Kó Teraa̱j jatjoni nangi Uu̱r ngo ngi̱ndie xi chji̱a̱ni nangi Kalndea̱, sꞌe̱ kijí xtji̱e̱e̱n nangi Kanaa̱n, kó nga jachó Araa̱n ki̱a̱ kisꞌijña kui ko̱jo Abra̱n ndií, ko̱jo ndíndee̱ xi Loo̱t kiꞌmí ko̱jo kja̱ndaa̱ xi na̱ Saraii̱ kiꞌmií.

Jenesii̱s 11:32

Kui ngi̱ndiee̱ kꞌien Teraa̱j nga kamá jó úchán ko̱jo ún noó.

Jenesii̱s 22:20

Jaskan ngije jaꞌa ni̱xtjin, tjín xí kijítsáyaá Abraa̱n ngo ni nga bi̱ katsoó: «Xo̱ngòo̱ kui xi ꞌmí na̱ Milkaa̱, chjo̱ón Najoo̱r ntsꞌie ji, jin ndí jè kisꞌiee̱». Kuí bí xi̱ꞌbi̱ kui ndií: Uu̱, Buu̱, Kemuee̱l, Kesee̱nd, Asoo̱, Pilndaa̱, Indlaa̱f, ko̱jo Betuee̱l. Uu̱ boá xi ndí tjón kamá. Kemuee̱l boá xi kamá na̱ꞌmii̱ Araa̱n, kó Betuee̱l boá xi kamá na̱ꞌmii̱ na̱ Rebekaa̱.

Jenesii̱s 24:2

Ngo ni̱xtjin Abraa̱n tsíchji̱a̱a̱ nda̱ mosoo̱ xi ꞌniú xchaá kui xi botixómaá ngayeje ni xi tjiín, kó bi̱ katsoó: —Tꞌíjñí ji ndse̱ ngindie ti̱ꞌmina, ngatꞌa̱ ngo ni kꞌuínda xí mejénna nga si̱ꞌinkjatjosén ji.

Jenesii̱s 24:22

Kó ngije kamaá nga katsꞌe ndáfoa cho̱toꞌoyitsꞌeèn, kui mosoo̱ íjñaá ṉtjo̱n na̱ Rebekaa̱ ngo sti̱ngaro xi to̱nsinié xi jun ngramo̱ é, ko̱jo íjñaá tsja ngo ni xi ꞌbíkjá ndsa̱ xi úchán ngramo̱ é nga.

Jenesii̱s 24:53

kósꞌe̱ tsꞌaxié ni to̱nsinié ko̱jo ni to̱ntiboa ko̱jo xtjí xi yaꞌa, kó katsjaá na̱ Rebekaa̱, kó ko̱jo ntsꞌi̱e̱ kui naa̱ ko̱jo na̱aa̱n katsjaá ni xi achichí tsjákón.

Jenesii̱s 27:43

Kó kuíni nga xi̱ꞌin, ndaꞌyéꞌínní ni xi xiaán, ta̱sá tꞌen ji ndiꞌaa̱ ntsꞌié án xi ꞌmí Labaa̱n kui xi tikón nangi Araa̱n,

Jenesii̱s 29:1

Kó Jakoo̱b kijíra ndi̱ya̱à, sꞌe̱ jachó nangii̱ xota̱ xi síndo xtji̱e̱e̱n nínga fotjo tsꞌueé ki̱a̱ nangi Kanaa̱n.

Jenesii̱s 29:2

Kó ki̱a̱ ngi̱jin kꞌijñaá kamábe ngo ndáńchꞌi̱ nínga ndyi̱ꞌbi ndáfoa cho̱o̱, kó ki̱a̱ tꞌa kui ndáńchꞌií síndo nga ndyi̱tsꞌènkjaꞌyá ján xtín cho̱tsa̱nga̱, kó ngo ndi̱jo̱ tjixtió tsꞌoa kui ndáńchꞌií,

Ni xi kamá 2:9

Ngatꞌa̱ kꞌi̱e̱ síndojinná xota̱ xi chji̱a̱ni Partia̱, ko̱jo xota̱ xi chji̱a̱ni Mendia̱, ko̱jo xota̱ xi chji̱a̱ni Elaa̱n, ko̱jo xota̱ xi ndokjo̱a̱ ñá Mesopotamia̱, ko̱jo xota̱ xi chji̱a̱ni Jundea̱, ko̱jo xota̱ xi chji̱a̱ni Kapandosia̱, ko̱jo xota̱ xi chji̱a̱ni Ponto̱, ko̱jo xota̱ xi chji̱a̱ni Asia̱,

Ndeuteronomio̱ 23:4

Nde ngojín nga jó kui xota̱ na̱xi̱ńdaá xi kamámejeén katsjájnú nichinie ko̱jo ndáfoa, kjiꞌanga kjindibánijnú nangi Ejipto̱ kó nga ndyi̱mongínjnú nangi xi katsóyàtjónjnú Néná nga tsja̱ajnú. Kó katsꞌénkjién Balaa̱n, kui xi ndií Beoo̱r, xi chji̱a̱ni na̱xi̱ńdáꞌniú Petoo̱r xi tikón nangi Mesopotamia̱, tsi̱ꞌe̱ nga chꞌo ka̱tso̱ kondra̱ tsa̱jún.