Jenesii̱s 23:4 - Xo̱jo̱n eén Néná

⁴ —Kuijín nangii̱ chjiá an, ta̱nga kꞌi̱e̱ tikónjinjnúꞌun, ngo kjo̱a̱nda kuíꞌájnúꞌun, tatíñájnúꞌun ngo ngi̱ndie nínga ka̱ma konijín an chjo̱onna.

Jenesii̱s 23:4 Iomraidhean Croise

Jenesii̱s 23:5

Kó kui xota̱ Ee̱t, bi̱ katsoó Abraa̱n:

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 47:9

Kó Jakoo̱b, bi̱ katsoó nda̱ ree̱: —Úchán ko̱jo kantié nó tjínna nda̱ re nga ja̱kꞌi̱e̱ ja̱ngaján tsꞌénfí an. Ndatsi tsie kjo̱a̱ni̱ma̱ tsꞌénfoaꞌatio an, ta̱nga kji̱e̱ fochójín an xikó kjiꞌi nó kisꞌińdo xota̱ xi xchána.

Joo̱b 30:23

kó jè be án nga kjiꞌa kjo̱chó ni̱xtjin ki̱a̱ kꞌuínje̱ní kjo̱a̱bo̱yaa̱, nínga tikón ngi̱ndie nínga ku̱i̱ndyionjne̱ ngatsjéni̱xtjin.

Xo̱jo̱n Salmoo̱ 39:12

»Ndaꞌyé ji nga kuichjiaá ji Ne, kó tasínijin ji nga ni̱ma̱ xiaán, ngata̱ xiójín mindyin ji nga ko̱nda̱ꞌyé ji nga skjandá an. Ngatꞌa̱ jè xikoó tsi ngo xota̱ xi xín chji̱a̱ni kjimaa an, ngo xota̱ xi kꞌi̱e̱jín chji̱a̱ni xikoó ngayeje xota̱ xi xchána.

Éksondo̱ 2:22

Kó kui naa̱ ngo ndí kisꞌiee̱, kó Moisee̱, Ngersoo̱n ítꞌajaꞌén, ngatꞌa̱ bi̱ katsó: «Xota̱ xi xín nangi án kꞌi̱e̱e̱».

Eklesiastee̱ 12:5

Kjiꞌanga kjo̱chó ni̱xtjin nga ko̱ndaki̱n nínga nkꞌaa̱, ko̱jo ko̱ndaki̱n jí ndi̱yà nínga tiꞌmi, kó kjiꞌá boá nga kjo̱tjoo̱ naxó yá almendraa̱, kó chjo̱bo̱a̱a̱ sa̱ꞌínniꞌiin, kó ngiti̱ bojójín ka̱maa̱, ngatꞌa̱ xotaa̱ je ko̱e̱je̱ ngi̱ndie nínga tikón kjo̱a̱mindyion ngatsjéni̱xtjin, kó ngi̱ya ndi̱yàtieé kꞌuimá xi skja̱ndátjé kjo̱a̱a̱ nga je jesón.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 6:3

Tjínrá xota̱ xi ka̱ma kꞌuieé úchán ndí, kó ka̱mara̱ kjín nó kꞌuijñá nga̱sondie, ta̱nga ndatsi kjín nó kꞌuijñá, tsi katsjájiín kjo̱a̱tsja ini̱ma̱a̱ kjo̱a̱a̱ ni xi kisꞌiee̱, kó tsi nde kamájín akjanijín, bi̱ xian an, nga ta̱sara̱ nda ngase ngo ndí xí katsenxtió, ta̱bo̱a̱jiín kui xota̱ xi̱ꞌba̱.

Lebitiko̱ 25:23

»Ngojín xi ka̱ma ko̱tíñá kjin kjin ni xi tsi̱ꞌe̱ xkjín. Án boá xi tsa̱ꞌa̱n tꞌanangii̱. Jún boá xota̱ xi síndo ndiꞌana, kó ta̱ ngotjón tsí nga tindyiónjnú ki̱a̱a̱.

Ni xi kamá 7:16

Kó tsangínjo̱ ńdaa̱ Jako̱b ki̱a̱ nangi Sikee̱n, kó ki̱a̱ ikꞌíndonijín kui nga̱tsjo̱ó xí Abraa̱n tsꞌatsiee̱ ndií Jamoo̱r ki̱a̱ nangi Sikee̱n.

Ni xi kamá 7:5

Kó Néná nde chií nangi katsjájiín, ngaskande nínga ko̱sién ngo se katsjájiín, ta̱nga katsóyàtjoón nga tsja̱á nga tsi̱ꞌe̱ ka̱ma kui nangii̱, ko̱jo nga jaskan tsi̱ꞌe̱ xota̱ tji̱e̱e̱ ka̱ma, ndatsi kui ni̱xtjin jàn Abraa̱n kji̱e̱ jmí ndíjiín.

Xota̱ Ebreo̱ 11:9

Ta̱ngatꞌanii̱ kjo̱a̱sꞌijii̱n nga kisꞌijña xikoó ngo xota̱ xi xín nangi ki̱a̱ nangi xi ja̱bo̱a̱ je katsóyaà Néná nga tsja̱á, ndiꞌańjño ndichjon kisꞌijña, ko̱jo Isaa̱, ko̱jo Jako̱b, kui já xí ti̱ bo̱a̱ ti̱ tsꞌén katseꞌeé kui ni xi katsóyàtjoón Néná nga tsja̱á.

1 Xo̱jo̱o̱n Peé 2:11

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú,