Jenesii̱s 22:9 - Xo̱jo̱n eén Néná

⁹ Kó nga jachó ngi̱ndie xi katsoó Néná, Abraa̱n ki̱a̱ katsꞌénda ngo ṉchandikón, kó ki̱a̱ índonda chikiín tsi̱ꞌe̱ nga ku̱i̱ꞌítí, kó ítaꞌniú tsja Isaa̱, sꞌe̱ yíjñasón nga̱soón chikín xí síndo nga̱soón ṉchandikoón.

Jenesii̱s 22:9 Iomraidhean Croise

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 12:8

Sꞌe̱ kijíra ngo na̱xi̱ xi tikón xtji̱e̱e̱n nínga fotjo tsꞌueé ki̱a̱ na̱xi̱ńdá Betee̱l, kó nga jachó ki̱a̱a̱, ki̱a̱ katsꞌénda ndiꞌaa̱, kui xi tji̱xi̱ín cho̱ kiniꞌándani. Na̱xi̱ńdá Aii̱ xtji̱e̱e̱n nínga fotjo tsꞌueé kisꞌijñanii̱ kui ngi̱ndiee̱, kó na̱xi̱ńdá Betee̱l xtji̱e̱e̱n nínga ꞌbosꞌien tsꞌueé kisꞌijñanii̱. Kó ti̱ ki̱a̱ katsꞌéndaa̱ ngo ṉchandikón Néná nga.

Jenesii̱s 13:18

Kósꞌe̱ Abra̱n jaꞌáxín ndiꞌa xi tji̱xi̱ín cho̱ kiniꞌándanii̱, sꞌe̱ kijíkꞌíjñá nangi Ebroo̱n, tꞌa nínga tjín yámamree̱, kó ki̱a̱ katsꞌénda ngo ṉchandikón nínga katsꞌéntsjaà Néná.

Jenesii̱s 22:10

Kósꞌe̱ Abraa̱n iskjíbé kichiroo̱, iskjininkꞌa tsja tsi̱ꞌe̱ nga sa̱ꞌínkꞌién ndií katsaki,

Jenesii̱s 22:8

Kó bi̱ katsó Abraa̱n: —Néná tsja̱aná ndí cho̱tsa̱nga̱ xi si̱ꞌankꞌasꞌién ñá kjo̱a̱tjoó xi̱ꞌin. Kó kijíra ngase nga joó.

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Xo̱jo̱n Salmoo̱ 118:27

Néná boá xi tsꞌentsíjenná. ¡Si̱ꞌanchòo̱n ṉchaa̱n, kó nijan tjianjo̱ kuí xota̱ na̱xi̱ńdaá!

Matioo̱ 27:2

kó ítaꞌniú nga kijíjo̱, sꞌe̱ kiniꞌánkꞌasꞌiee̱n nda̱ xtitjón Ponsio Pilatoo̱.

Markoo̱ 15:1

Kó nga ꞌniú ta̱jño̱ó, ngije kamátikó xtín já ngito̱ko̱o̱ chináꞌmii̱, ko̱jo já xchá ngito̱ko̱o̱ na̱xi̱ńdaá, ko̱jo já chji̱ni̱e̱kjo̱a̱kitii̱, ko̱jo ngayeje jáxaá, tsangínjo̱ Kjisoo̱, kó ńꞌniú ikindyia, sꞌe̱ kiniꞌánkꞌasꞌiee̱n Pilatoo̱.

Ni xi kamá 8:32

Kó ki̱a̱ nínga tjítsꞌényà kui nda̱a̱ xo̱jo̱n eén Néná, bi̱ tsó: Tsangínjo̱ xikoó ngo cho̱tsa̱nga̱ xi fí niꞌánkꞌién, ko̱jo xikoó ngo cho̱tsa̱nga̱ xi kjandayàjín ngije sikón ngindyi̱ko̱n xota̱ xi botie tsja̱a̱, kó ti̱nde bo̱a̱ tsꞌén iskjíxꞌájín tsꞌoa.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

Xo̱jo̱o̱n Sandiyaá 2:21

Xota̱ tji̱e̱ xcháná Abraa̱n, kixi̱ kamá ngindyi̱ko̱n Néná, kjo̱a̱a̱ ni xi katsꞌén kjiꞌanga sa̱ꞌínkꞌasꞌiee̱n ngo kjo̱a̱tjó Néná, nga katsjá ndií xi ꞌmí Isaa̱ ki̱a̱ nga̱són ṉchandikoón.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.