Jenesii̱s 22:3 - Xo̱jo̱n eén Néná

³ Nga kamángindyiojón achichí ta̱jñó jastjíe̱n Abraa̱n, tsatie chikín tsi̱ꞌe̱ ndiꞌí xí ku̱i̱ꞌítsié, sꞌe̱ ísoón xiri̱e̱e̱ bórroó, kó kijí ngi̱ndie xi katsoó Néná. Kijíjo̱ ndií ko̱jo ngi jó já mosoo̱.

Jenesii̱s 22:3 Iomraidhean Croise

Jenesii̱s 17:23

Kó ti̱ kuii̱ ni̱xtjin Abraa̱n iskjíbé Ismaee̱l kui xi ndií, kó katsꞌeén sirkunsisioo̱n ko̱jo ngayeje já xí katsen ndiꞌaa̱ ko̱jo moso̱ xi tsꞌatsie. Kó Abraa̱n ti̱ katsꞌeén yojoo̱ sirkunsisioo̱n nga, kó bo̱a̱ tsꞌén katsꞌénkjatjosón kui ni xi Néná tsíꞌaá nga sa̱ꞌín. Ichítié ko̱jo yichán nijan noó Abraa̱n, kó Ismaee̱l tie ján noó nga kiniꞌaán sirkunsisioo̱n.

Jenesii̱s 21:14

Nga kamángindyiojón Abraa̱n achichí ta̱jñó jastjíe̱n iskjíbé pan ko̱jo ngo ti̱jìtjíxin ndáfoa, kósꞌe̱ katsjaá na̱ Angaa̱r nga íjñasón tjiaa̱, kó katsꞌénkixotꞌa nga tsangatji̱ngii̱ na̱ Angaa̱r ko̱jo ndií. Kó kui xota̱chjo̱on ko̱jo ndií ta̱xkiya kijí xtji̱e̱e̱n nangi kixií Beersebaa̱.

Jenesii̱s 22:4

Xi ma ján ni̱xtjin Abraa̱n bi̱ katsoó já mosoo̱: «Chiyárajnúꞌun kꞌi̱e̱e̱ jún ko̱jo bórroó, ngatꞌa̱ an ko̱jo ndína jàn jàn kui na̱xi̱ xi ta̱ kjin yaná kꞌi̱e̱e̱ kongínjne̱, kó ki̱a̱ si̱ꞌantsjajne̱ Néná, jaskan kji̱ndi̱báchon nginíjne̱ jún».

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Matioo̱ 10:37

Ngayeje xota̱ xi ꞌniú ngase tjoó na̱ꞌmii̱ ko̱jo na̱aa̱n ta̱bo̱a̱jiín án, ka̱májín xota̱ tsa̱ꞌa̱n ka̱ma. Ngayeje xi ꞌniú mején ngasee̱ ndí xi̱ꞌii̱n ko̱jo tsi ndí chjo̱ón ta̱bo̱a̱jiín án, ti̱ ka̱májín xota̱ tsa̱ꞌa̱n ka̱ma nga,

Rkaa̱ 14:26

–Tsi tjín káꞌá xota̱ xi mejeén ko̱e̱je̱tji̱ngina, kó tsi ꞌniú tjó ngasee̱ na̱ꞌmii̱, ko̱jo na̱aa̱n, ko̱jo chjo̱ón, ko̱jo ndií, ko̱jo ntsꞌi̱e̱, ko̱jo ndichja, ko̱jo ngaskande yojoo̱, ka̱májín xota̱na ka̱ma.

Xota̱ Ngalasia̱ 1:16

Kó ni̱xtjin nga kamámejeén akóna ndií, tsi̱ꞌe̱ nga kꞌuini̱jmì án éntjatsi̱e̱e̱ Néná ngi̱jii̱n xota̱ xi jundío̱jín, kó nde ngojín xota̱ xi asíyáa̱ tsi nda, ko̱jo tsi ndajínkjiꞌi kui nii̱.

Xota̱ Ebreo̱ 11:8

Ta̱ngatꞌanii̱ kjo̱a̱sꞌijii̱n nga Abraa̱n kjiꞌanga Néná tsíchji̱a̱a̱, tsintꞌiéꞌeén nga jatjoni, kó kijí kui ngi̱ndie xi Néná tsja̱á, kó jatjo nga nde bejín ñání tsꞌénfí.