Jenesii̱s 22:20 - Xo̱jo̱n eén Néná

^20-23 Jaskan ngije jaꞌa ni̱xtjin, tjín xí kijítsáyaá Abraa̱n ngo ni nga bi̱ katsoó: «Xo̱ngòo̱ kui xi ꞌmí na̱ Milkaa̱, chjo̱ón Najoo̱r ntsꞌie ji, jin ndí jè kisꞌiee̱». Kuí bí xi̱ꞌbi̱ kui ndií: Uu̱, Buu̱, Kemuee̱l, Kesee̱nd, Asoo̱, Pilndaa̱, Indlaa̱f, ko̱jo Betuee̱l. Uu̱ boá xi ndí tjón kamá. Kemuee̱l boá xi kamá na̱ꞌmii̱ Araa̱n, kó Betuee̱l boá xi kamá na̱ꞌmii̱ na̱ Rebekaa̱.

Jenesii̱s 22:20 Iomraidhean Croise

Jenesii̱s 11:26

Kjiꞌanga kamá ichítié ko̱jo kan noó Teraa̱j, kisꞌiee̱ ján ndí: Abra̱n, ko̱jo Najoo̱r, ko̱jo Araa̱n.

Jenesii̱s 11:27

Kuí bí xi̱ꞌbi̱ xi xota̱ tji̱e̱e̱ Teraa̱j: Teraa̱j boá xí kamá na̱ꞌmii̱ Abra̱n, ko̱jo Najoo̱r, ko̱jo Araa̱n. Kó Araa̱n boá kuí xí kamá na̱ꞌmii̱ Loo̱t.

Jenesii̱s 11:29

Abra̱n kisꞌijñajo̱ ngo na̱ xi kiꞌmí na̱ Sarai̱ xi ndi̱ kamá kó jmí ndí kisꞌiejiín. Kó Najoo̱r kisꞌijñajo̱ ngo na̱ xi kiꞌmí na̱ Milkaa̱, kui naa̱ tsa̱kji̱ín Araa̱n boá, kó Araa̱n kisꞌiee̱ ingo tsa̱kjìn xi na̱ Iskaa̱ kiꞌmí.

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 24:10

kósꞌe̱ iskjíbé tie cho̱toꞌoyitsꞌe̱n xi tsi̱ꞌe̱ ndi̱a̱a̱, sꞌe̱ jaꞌájin ngayeje to̱ko̱ya ni tsjakon xi síndoo̱ ndi̱a̱a̱, kó kijí xtji̱e̱e̱n nangi Mesopotamia̱, ki̱a̱ na̱xi̱ńdaá Najoo̱r.

Jenesii̱s 24:15

Kó ti̱ tsꞌénchji̱a̱ ngasee̱ Néná kuí nda̱ mosoo̱ nga jachó na̱ Rebekaa̱ nga tsꞌényaꞌa ngo nisa ndáfoa nga̱són tjiaa̱. Na̱ Rebekaa̱ tsa̱kji̱ín Betuee̱l boá, ndíndee̱ na̱ Milka̱ chjo̱ón Najoo̱r, ntsꞌi̱e̱ Abraa̱n.

Jenesii̱s 24:24

Kó kui naa̱ bi̱ katsó: —Na̱ꞌmina má Betuee̱l, ndií na̱ Milkaa̱ ko̱jo Najoo̱r. Ndiꞌajne̱ tjín ngi̱ndie nínga ka̱ma si̱ꞌankjaꞌyájnú kui ni̱xtji̱e̱e̱n, kó ti̱ tjínjne̱ tsie xka̱ xi kjinie cho̱toꞌoyitsꞌeèn nga.

Jenesii̱s 31:53

Kó kui Néná xí tsi̱ꞌe̱ Abraa̱n ko̱jo xi tsi̱ꞌe̱ Najoo̱r na̱ꞌmindyiboaná, kuí xí ngatamabe tsi nda ko̱jo tsi ndajín ndyi̱niꞌán». Kó Jakoo̱b ngiboanéná katsó nga katsꞌénkie kui Néná xí katsꞌéndikón Isa̱ na̱ꞌmii̱.

Énkjínkón 25:25

Xikó má tsꞌén ꞌyó nchꞌàn nchꞌàn ndáfoaa̱ nga xíndáná, bo̱a̱ má tsꞌén tsja máná nga ndaꞌyá ngo én nda xi kjin kjindibáni.