Jenesii̱s 22:12 - Xo̱jo̱n eén Néná

¹² Kó bi̱ katsó ngase kui ndítsjie xi Néná: «Ngata̱ jmí ni niꞌínje̱jín ji kui ndií, jè be an nga ndaꞌyéꞌínní, ngatꞌa̱ ndasénjín kamaá nga ndí ngototóo̱ xi si̱ꞌinkꞌasꞌínní jí ngo kjo̱a̱tjó».

Jenesii̱s 22:12 Iomraidhean Croise

Jenesii̱s 20:11

Kó Abraa̱n bi̱ katsó: —Ngatꞌa̱ katsꞌenkjó án nga kui ngi̱ndiee̱ jmíjín xota̱ xi bendikón Néná, kó kixián án nga ta̱ngatꞌanii̱ chjo̱onna nga si̱ꞌankꞌienna.

Jenesii̱s 22:13

Kósꞌe̱ Abraa̱n, ti̱ kjiꞌa kamábe nga xtji̱e̱e̱n nga̱xto̱n ngi̱jii̱n yásarsaa̱ tjítsakjájin ngo cho̱tsa̱nga̱ xi jaꞌatji ndi̱ja̱a̱, kó katsoboá kui cho̱o̱, sꞌe̱ katsꞌénkꞌasꞌiee̱n Néná ngo kjo̱a̱tjó ngajoo̱ ndií.

Jenesii̱s 22:16

kó bi̱ katsoó: «Ta̱ngatꞌanii̱ nga ikꞌíxꞌi̱njínní ndí ngototóo̱, ja̱koxi̱ boá nga sa̱ꞌinchikonñeé, kó án xí sa̱ꞌin an ka̱makjín xota̱ tji̱e̱ tse̱ xikó maá ńño xi tjín nkꞌa jàn ko̱jo tsi xikó maá tsomí xí tjín tꞌa ndáchíkoón, nga jmíjín xi maxki̱i̱. Kó nga kui xota̱ tji̱e̱ tse̱ ngatsjéni̱xtjin nga sa̱ꞌiín nga skjánjo̱ kondraa̱. Án boá xi bo̱a̱ tꞌíxiaán nga sa̱ꞌinchikonñé an ngayeje xota̱ na̱xi̱ńdá xí tjín nga̱sondiee̱, ngatꞌaa̱ xota̱ tji̱e̱ tse̱, ngatꞌa̱ kandaꞌyéꞌínní».

Jenesii̱s 42:18

Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Joo̱b 5:19

Jun kjo̱a̱ni̱ma̱ kꞌo̱xiéjii̱n nga ko̱síko̱joo̱, kó xi ma yitoo̱, jmí ni sa̱ꞌínjiín.

Xo̱jo̱n Salmoo̱ 1:6

Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.

Xo̱jo̱n Salmoo̱ 111:10

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Kui xota̱ xi bo̱a̱ tsꞌeén, bokó nga xota̱ xi kjínkón boá. ¡Néná, ngatsjéni̱xtjin tsoboaá nga si̱ꞌantsjaa̱!

Xo̱jo̱n Salmoo̱ 147:11

Ni xi tsꞌénchjínií Néná, kuí boá nga xota̱ nga̱sondiee̱ ntꞌiéꞌeén, ko̱jo nga ma maꞌniátakón kjo̱a̱tjoó.

Xo̱jo̱n Salmoo̱ 2:11

Ndikóntsꞌèn ti̱ꞌánjnú xaá Néná, kó tsja ngatamajnú nga xcha̱ndikónjnú kuí.

Xo̱jo̱n Salmoo̱ 25:12

ꞌYání bo̱a̱ kui xota̱ xi bendikón Néná. Kuí boá xi ko̱ko̱ó ndi̱yà xí kjo̱a̱ꞌájin.

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Ni xi kamá 9:31

Tji̱e̱nga ngayeje xota̱ na̱ngo̱xi̱ xi chji̱a̱ni nangi Jundea̱, ko̱jo nangi Ngalilea̱, ko̱jo nangi Samaria̱ kisꞌiee̱ kjo̱a̱xió, ko̱jo kasakongaꞌniuú, kó kamándikoón Néná nga kisꞌińdo, kó A̱si̱énni̱xtjii̱n Néná katsjángaꞌniuú kui xotaa̱.

Xota̱ Roma̱ 5:8

Ta̱nga Néná akó kjo̱a̱a̱ nga tjoó ñá, ngatꞌa̱ ndatsi xota̱ jé ñá, Kristoo̱ kꞌientjéná.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.

2 Xota̱ Korinto̱ 8:12

Ngatꞌa̱ tsi ngayeje takón nga ko̱e̱ꞌé, Néná tsja ka̱maa̱ nga ndyi̱boeꞌé ni xi ndyi̱boeꞌé, ngatꞌa̱ kui, míꞌájín ni xi jmíjínná.

Xota̱ Ebreo̱ 11:19

Abraa̱n ja̱bo̱a̱ jè be nga Néná tjiín ngaꞌniú nga ngaskande tsꞌénkjaꞌáꞌyaá xota̱ xi je jesoón. Kó ka̱ma kꞌuin nga Abraa̱n kasako nginií ndií, xikoó tsi ngo xota̱ xi jaꞌáꞌyaá.

Xota̱ Ebreo̱ 12:28

Kó kuíni nga, ngije Néná katsjáná ngo ngi̱ndie xi botíxoma xi májiín matíyaá, ko̱e̱ꞌée̱ ndokꞌóchjì kjo̱a̱a̱ kui nii̱, kó bo̱a̱ tsꞌén si̱ꞌansée̱n nga tsjangatamaa̱ kui nga ꞌniú ndikóntsꞌèn si̱ꞌantsjàa̱,

Xo̱jo̱o̱n Sandiyaá 2:18

Ta̱nga ka̱maraa̱ tsi ngo xota̱ xi bi̱ ka̱tso̱: “Ji tjiín kjo̱a̱sꞌijin, kó án tsꞌén an ni xi nda”. Takéní kjo̱a̱sꞌijìi̱n nga jmíjiín ni xi niꞌán, kó án kokòo̱ kjo̱a̱sꞌijinna, ta̱ngatꞌaa̱ ni xi tjítsꞌen an.

Ni xi akakoo̱ 19:5

Kó kje̱n nínga tikón xi botixómaá kandaꞌyáni ngo nda̱, xi bi̱ katsó: ¡Ti̱ꞌantsjàjnúu̱ Néná, ngayeje xi mosoo̱, ko̱jo xi bendikón, xi xchá xí kjindí!