Jenesii̱s 21:17 - Xo̱jo̱n eén Néná

¹⁷ Kó Néná tsintꞌieé nga tsꞌénkjandayá nda̱chií, kósꞌe̱ ndítsjie xi Néná ndeskande ndiꞌakꞌajmii̱ tsíchji̱a̱a̱ na̱ Angaa̱r nga bi̱ katsoó: «Mí xí kjimaa na̱ Angaa̱r. Ngata̱ ndakinjín má ji, ngatꞌa̱ jè tsintꞌie an nda̱a̱ kui ndií.

Jenesii̱s 21:17 Iomraidhean Croise

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 16:7

Nga jachó na̱ Angaa̱r tꞌa ndáńchꞌi̱ xi tikón nangi kixí ki̱a̱ xtji̱e̱e̱n ndi̱yà xi fí xtji̱e̱e̱n na̱ngi, ki̱a̱ jachókoón ndítsjie xi Néná,

Jenesii̱s 16:8

kó bi̱ katsoó: —Na̱ Angaa̱r. Na̱ mosoo̱ na̱ Saraii̱, mí xí tiniꞌín ji kꞌi̱e̱e̱, kó ñá tìꞌmi ji. Kó na̱ Angaa̱r bi̱ katsó: —Na̱ Saraii̱, ndi̱a̱na tsꞌénmongáa̱.

Jenesii̱s 16:9

Sꞌe̱ ndítsjie xi Néná bi̱ katsoó: —Ta̱sá tꞌenꞌoyé nginí ji, kó ndaꞌyéꞌíi̱n na̱ Saraii̱. Án boá xi sa̱ꞌin an nga ka̱makjín xota̱ tji̱e̱ tse̱, kó ngaskande nde ngojín xi ka̱maxki̱i̱ kókjiꞌi kjín ka̱ma. »Ngotꞌe̱ ꞌne̱ ngije kichꞌié ji ndí, nga stse̱n kuí ndií “Ismae̱l” tꞌítꞌe jaꞌén, ngatꞌa̱ jè tsintꞌie an kjo̱a̱ndasèe̱n.

Jenesii̱s 22:11

kó kjiꞌá má ndítsjie xi Néná ndeskande ndiꞌakꞌajmi jàn tsíchji̱a̱a̱ Abraa̱n. Kó Abraa̱n, kꞌi̱e̱ tikòn an kꞌi̱e̱e̱, katsó.

Jenesii̱s 24:7

Kjiꞌanga Néná xí tsi̱ꞌe̱ ndiꞌakꞌajmii̱ tsíꞌána nga kjo̱tjo an ndiꞌaa̱ na̱ꞌmina, ko̱jo na̱xi̱ńdána, kuí boá xi índajo̱na nga xota̱ tji̱e̱na tsja̱á kui tꞌanangii̱. Kó kuí boá xi sa̱ngíyá ndítsjiee̱ tsi̱ꞌe̱ nga ko̱e̱je̱tjoón jí, kó nga sa̱ko̱ó jí ngo chjo̱on xí tsi̱ꞌe̱ ndína Isaa̱.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Xo̱jo̱n Salmoo̱ 10:14

Ta̱nga tiye jí, ngatꞌa̱ titsitsijìi̱n kjo̱a̱ni̱ma̱ ko̱jo ni xi ndajín xi kjimataꞌin, tsi̱ꞌe̱ nga ji ko̱e̱ꞌée̱ ni xi tsoboaá. Jí boá xi kjima ꞌniákoón xota̱ xi jmíjiín xi bosikójoo̱, jí boá xi ꞌnaxiéꞌé ji xota̱ xi xꞌi̱a̱a̱n.

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Xo̱jo̱n Salmoo̱ 6:8

¡Jún xota̱ xi ndajín, kjin ti̱ꞌankjaꞌájnúꞌun yojojnú, ngatꞌa̱ Néná je tsintꞌié nga tsꞌénkjandá án!

Xo̱jo̱n Salmoo̱ 65:2

Jí xi ndaꞌyé ji nga ndokjo̱a̱jne̱: Jí boá xi ko̱e̱je̱koo̱n ngayeje xota̱ nga̱sondiee̱.

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Éksondo̱ 14:13

Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Éksondo̱ 22:23

Ngatꞌa̱ tsi ndajín si̱ꞌanjo̱jnú, kó tsi an ku̱i̱chji̱a̱na nga kosiko̱jo an, kuintꞌièñáa̱,

Éksondo̱ 22:27

ngatꞌa̱ ta̱kuítsí ńjñoo̱ xi tikoón xi ko̱óꞌmáni yojoo̱ nga nchꞌàn ka̱maa̱ nga jñoó. Kó an bi̱ xiánjnúꞌun, nga kui nda̱a̱ tsi an ku̱i̱chji̱a̱na nga kosiko̱jo an, kosiko̱jo an, ngatꞌa̱ tjínna kjo̱a̱ni̱ma̱takón.

Éksondo̱ 3:2

Kó ndítsjie xi Néná jatjokjaà ki̱a̱ ngi̱jii̱n ngo yásarsa̱ xi tjítíngá. Kó Moisee̱ achichí kijíndikoón nga kui yaá tjítíngá, ta̱nga kjifejín.

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Matioo̱ 15:32

Kó Kjisoo̱ tsíchji̱a̱a̱ xota̱ tsi̱ꞌe̱, kó bi̱ katsoó: –Ni̱ma̱ kjimána kui xotaa̱, ngatꞌa̱ jè ján ni̱xtjinnii̱ nga síndojo̱na kꞌi̱e̱e̱, kó jmíjiín ni xi skji̱ni̱e̱, kó mejénjínna tsi sa̱ꞌinkjí kjindiá án ndiꞌaa̱ ngatꞌa̱ tsi ta̱ ko̱yayà ngi̱ya ndi̱ya̱à.

Markoo̱ 5:36

Ta̱nga Kjisoo̱, nde ki̱a̱jín katsꞌénseén kui jaá, kó bi̱ katsoó nda̱ ngito̱ko̱o̱ ndiꞌa nínga ndokjo̱a̱ eén Néná: –Ngata̱ ndakinjín ma ji, ta̱ ti̱ꞌinsꞌijin tsí ji.

Ndeuteronomio̱ 26:7

Kósꞌe̱ kichjiáꞌájne̱ nga ko̱síko̱jojne̱ Nee̱ xota̱ xi xchájne̱, kó kui tsintꞌié nga ꞌniú kandokjo̱a̱jne̱, ngatꞌa̱ kamábe kui kjo̱a̱ni̱ma̱ xi katsꞌénkꞌatiojne̱ kui xotaa̱.