Jenesii̱s 21:1 - Xo̱jo̱n eén Néná

^1-2 Kó Néná katsꞌénkjatjosón ni xi katsoó na̱ Saraa̱ nga sa̱ꞌín. Kó kui ni̱xtjin xi katsó, tsaꞌa na̱ Saraa̱ ngo ndí xí tsi̱ꞌe̱ Abraa̱n, ndatsi Abraa̱n jè ꞌniú xchá.

Jenesii̱s 21:1 Iomraidhean Croise

Jenesii̱s 17:16

An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 17:19

Sꞌe̱ bi̱ katsó Néná: —Ndatsi sꞌijinjiín, ta̱nga ja̱koxi̱ boá nga na̱ Saraa̱ tsjaá jí ngo ndí, kó Isaa̱ kꞌuítꞌe jaꞌén jí. Ngatsjéni̱xtjin nga kꞌuijñá kui ni xi tsꞌénꞌbindajoo̱ ji ngi̱jin xota̱ tji̱e̱ tse̱.

Jenesii̱s 17:21

Ta̱nga ta̱ Isaa̱ tsí boá xi tjítsꞌenjo̱ an kjo̱a̱ꞌbíndana, kui ndí xí stse̱én na̱ Saraa̱ ngotꞌe̱ ngo noó.

Jenesii̱s 18:10

Kó ngo kui jaá xi bi̱ katsó: —Nó xí ndibaá kji̱ndi̱bákón ngiñaá ji, kó kui ni̱xtjii̱n chjóo̱n je katsen ndií kjiꞌa. Kó na̱ Saraa̱ nga̱xto̱n nga̱ntjo̱a̱a̱ ndiꞌa xi tji̱xi̱ín cho̱ kiniꞌándanii̱ tikón, kó ki̱a̱ tsintꞌieé ngayeje ni xi katsó Abraa̱n ko̱jo kui jaá.

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Jenesii̱s 24:36

Kó ndi̱a̱na Abraa̱n ko̱jo na̱ Sara̱ chjo̱ón kisꞌiee̱ ngo ndí, ndatsi je ꞌniú xchá nga joó, kó ndi̱a̱na íjñaá kui ndií ngayeje ni xi tjiín.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Xo̱jo̱n Salmoo̱ 106:4

Ji Ne, ngatjaꞌátsjiee̱n an kjiꞌanga ko̱kée̱ kjo̱a̱ndaxota̱a̱ kui xota̱ na̱xi̱ńdáa̱, chꞌi̱e̱xki̱ní kjiꞌanga kji̱ndi̱bé ꞌnaxiéꞌéjne̱.

Xo̱jo̱n Salmoo̱ 12:6

Én xí chji̱a̱ Néná, én xí tsjie boá, kó kuí boá xi xikoó to̱ntiboa xi yito ndi̱yà niꞌántsjieni ngi̱yaa̱ ngo orjno̱.

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Éksondo̱ 4:31

Kó xota̱ Israee̱l katsꞌénsꞌijii̱n Moisee̱, kó nga tsintꞌié nga Néná ko̱síko̱jo kui xotaa̱, asiéntikoó ngaskande nga kisitꞌaa̱ xtjien tꞌanangii̱, kó katsꞌéntsjaà Néná.

Matioo̱ 24:35

Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.

Rkaa̱ 1:68

¡Nganiꞌántsjaá Ndi̱a̱ná, Néná xí tsi̱ꞌe̱ Israee̱l, ngatꞌa̱ jè jeꞌekoón, kó jè íchjítjé nga tsꞌaxiéꞌá xota̱ na̱xi̱ńdaá!

Rkaa̱ 19:44

kó kꞌo̱jmii ji ko̱jo ndíi̱ ngi̱yaa̱ xó xí tjíchjáꞌyáni ji, kó nde ngojín ndi̱jo̱ ku̱i̱ꞌíndo xi sꞌi̱ńdosoón xkjín, ngatꞌa̱ kamáyèjín ji ni̱xtjin nga jeꞌekoón Néná.

Xota̱ Ngalasia̱ 4:23

Ta̱nga kui ndí xi tsi̱ꞌe̱ kui na̱ mosoo̱ xi kastiñaá katsen xikoó ñá, ngatꞌa̱ bo̱a̱ tsꞌén kamámejeén na̱ꞌmii̱ ko̱jo na̱aa̱n, ta̱nga ndií kui xota̱chjo̱on ndaa̱ katsen ngatꞌa̱ Néná xí kamámejeén, ngatꞌa̱ ja̱bo̱a̱ jè bo̱a̱ katsoó nga ngo ndí tsja̱á.

Xota̱ Ngalasia̱ 4:28

Jún ntsꞌie, jún xí xikoó Isaa̱: Jún boá ndí xi katsóyàtjón Néná nga tsja̱á Abraa̱n.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Na̱ Ruu̱t 1:6

Ngo ni̱xtjin na̱ Noemii̱ tsintꞌié nga Néná katsꞌénchikonñé na̱xi̱ńdá Israee̱l nga tsie ni kamáxchá ki̱a̱a̱.