Jenesii̱s 20:3 - Xo̱jo̱n eén Néná

³ Ngo ni̱xtji̱e̱n, Néná tsíchji̱a̱jo ngi̱jin ńjñaá Abimelee̱k, kó bi̱ katsoó: —Ko̱yè jí ki, ngatꞌa̱ ngo na̱ xi je tjiín xi̱ꞌin mejeén si̱ꞌin ji chjóo̱n.

Jenesii̱s 20:3 Iomraidhean Croise

Jenesii̱s 12:17

Kó kui nii̱ tsjajín kamaá Néná, kó chiꞌin xi ta̱nisién ꞌniú ndajín katsangiyaa̱ nda̱ ree̱ ko̱jo xota̱ ndiꞌaa̱.

Jenesii̱s 12:18

Kósꞌe̱ nda̱ ree̱ ta̱tra katsangiyakjaꞌá Abra̱n, kó bi̱ katsoó: «¡Míkjo̱a̱a̱ nga bo̱a̱ kjiꞌi ni xi kiniꞌínje̱ní! Ánní nga kiꞌmíyéjínní nga chjóo̱n ma na̱ Saraii̱.

Jenesii̱s 20:7

Ta̱nga ngotꞌe̱ ꞌne̱, te̱ꞌéꞌoyé nginíi̱ chjo̱ón kui ndaa̱, ngatꞌa̱ nda̱ chji̱ni̱e̱ꞌénna boá, kó kuí boá xi ku̱i̱ꞌatjeé jí tsi̱ꞌe̱ nga ku̱i̱ndyinra ji nga̱sondie. Kó tsi bo̱a̱jín si̱ꞌin, ja̱koxi̱ nga ko̱yè jí, ko̱jo ngayeje xota̱ tse̱.

Jenesii̱s 28:12

Kui ni̱xtji̱e̱e̱n tseꞌeé ngo chi̱ni nínga kamábe ngo yákíjo̱n xi sikónsón nga̱són tꞌanangii̱, kó ngaskande ndiꞌakꞌajmii̱ jachó ndyi̱ko̱n kui yákíjo̱o̱n, kó kamábe nga ndítsjiee̱ Néná ndyi̱fínijíngí ndyi̱fíjaya kui yákíjo̱o̱n.

Jenesii̱s 37:5

Ngo ndi̱yà tseꞌeé ngo chi̱ni Kosiee̱, kó nga katsóyaà já ntsꞌi̱e̱, ꞌniú ngase chꞌo kamaá kui jaá,

Jenesii̱s 37:9

Ingo chi̱ni katseꞌé nginií Kosiee̱ kó katsóyaà já ntsꞌi̱e̱, nga bi̱ katsoó: —Ingo chi̱ni tseꞌéna, nínga kamábe an nga tsꞌueé ko̱jo saá ko̱jo tiengo ńño kixindyiańña xtji̱e̱e̱n nínga tikòn an.

Jenesii̱s 40:5

ngo ni̱xtji̱e̱n nda̱ xi ngito̱ko̱o̱ já xí tjón kotꞌa bino̱ xi ꞌbi nda̱ ree̱ ko̱jo nda̱ xi tsꞌéndaa̱ pan, ngo chi̱ni katseꞌeé nga ngo nga ngo ti̱ kuii̱ ni̱xtji̱e̱n, kó nga ngo nga ngo kui chi̱nii̱, tjiín ngo ni xi tsó.

Jenesii̱s 40:8

Kó kui jaá bi̱ katsó: —Kjo̱a̱a̱ nga ngo chi̱ni tseꞌéjne̱, ta̱nga jmíjín xi tsáyàjne̱ mí ni xi mejeén tsó kui chi̱nii̱. Kósꞌe̱ Kosiee̱ bi̱ katsó: —Tꞌíyájnúꞌun chi̱nijnú, kó Néná ka̱tso̱yàná mí ni xi mejeén tsó.

Jenesii̱s 46:2

Kó kuí ni̱xtji̱e̱e̱n Néná tsíchji̱a̱jo Jakoo̱b, nga bi̱ katsoó: —¡Jakoo̱b, Jakoo̱b! —¡Mí ni, kꞌi̱e̱ tikòn an kꞌi̱e̱e̱! —Katsó Jakoo̱b.

Joo̱b 33:15

tjín ni̱xtjin nga Néná ngi̱jin ńjñáná chji̱a̱joná, kjiꞌanga tjèn ndyi̱tsjayojofé,

Joo̱b 33:17

tsi̱ꞌe̱ nga ngiti̱ si̱ꞌán jàn ñá ni xi ndajín, ko̱jo nga ngiti̱ nkꞌakonjín ka̱má,

Xo̱jo̱n Salmoo̱ 105:14

Ta̱nga Néná jmíni̱xtjin katsjandiè nga tjín xí katsꞌénxtíjne̱, kó bi̱ tsꞌén atíxomaa̱ já ree̱:

Jonaa̱ 3:4

Kó tsꞌasꞌien Jonaa̱ na̱xi̱ńdáꞌniuú, kó nga ngo ni̱xtjii̱n nga askjandáyaá xotaa̱ nga bi̱ katsoó: «¡Ngotꞌe̱ yichán ni̱xtjii̱n, Néná sa̱ꞌínkjié kui na̱xi̱ńdáꞌniuú!»

Xki̱ 22:9

Kó kui ni̱xtji̱e̱e̱n Néná jatjokjaà Balaa̱n, kó bi̱ katsoó nga asíyaá: —ꞌYá xotaa̱ bo̱a̱ xi síndojoo̱ ki̱a̱a̱.

Matioo̱ 1:20

Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó: –Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá.

Matioo̱ 27:19

Kó tji̱e̱nga tikón Pilatoo̱ ngi̱ndie nínga niꞌánjeé, chjo̱ón katsangiyaa̱ ngo én xi bi̱ tsó: «Ngata̱ jijín chingajin nii̱ kui xota̱ kixi̱i̱, ngatꞌa̱ achichí kjo̱a̱ni̱ma̱ jaꞌatio an ngi̱jin ńjñána ngoye ta̱ngatꞌanii̱ kui.»