Jenesii̱s 20:2 - Xo̱jo̱n eén Néná

² Kui ngi̱ndiee̱ Abraa̱n katsóyà nga na̱ Saraa̱ ndichja boá, jmí tsi chjo̱ón, kuíni nga Abimelee̱k nda̱ re xi botixómaá nangi Ngeraa̱r, katsangiyakjaꞌá na̱ Saraa̱ tsi̱ꞌe̱ nga chjo̱ón sa̱ꞌín nga.

Jenesii̱s 20:2 Iomraidhean Croise

Jenesii̱s 12:15

Kó já xí tsꞌénxátꞌaa̱ nda̱ ree̱ kijítsáyaá nda̱ ree̱ nga achichí tsjákjiꞌi kui naa̱. Kó nda̱ ree̱ tji̱e̱nmá tsíꞌá nga tsangínjo̱ na̱ Saraii̱ ndo̱bo̱a̱xa̱á.

Jenesii̱s 20:12

Kó nga ja̱koxi̱ ndichja án boá, ta̱nga katseꞌéndièna nga ixánjo̱ an, ngatꞌa̱ ndií na̱ꞌmina boá, ta̱nga kje̱ꞌe na̱an boá.

Jenesii̱s 21:22

Ti̱ mejeén ti̱ kui ni̱xtjin Abimelee̱k ko̱jo Fikoo̱l nda̱ xtitjoón jájuún kijíkoón Abraa̱n, kó bi̱ katsoó: —Jè kamábe an nga Néná boá xi bosikójoo̱ ngayeje ni xi niꞌín ji.

Jenesii̱s 26:1

Kui ni̱xtjin jàn kisꞌie ngo kjindiá ngayeje nangi Kanaa̱n, xikó má kamá ni̱xtjin nga kisꞌijña Abraa̱n. Achichí ꞌniú kamá kui kjindiaá, kó katsꞌénkjó Isaa̱ nga ko̱e̱je̱ nangi Ejipto̱, ta̱nga Néná jatjokjaà Isaa̱ kó bi̱ katsoó: «Ngata̱ ꞌmijín ji nangi Ejipto̱, ta̱sá ki̱a̱ ti̱ndyin ji ngotjón nangi Ngeraa̱r, nínga tikón Abimelee̱k, nda̱ ree̱ já Filisteaa̱, kó an ngatsjéni̱xtjin kotíjña̱joo, kó sa̱ꞌinchikonñé an ngayeje ni xi si̱ꞌin ji, kó ji ko̱jo xota̱ tji̱e̱ tse̱ tsjàa̱ ngayeje kui tꞌanangii̱. Kó bo̱a̱ tsꞌén sa̱ꞌinkjatjosón an ni xi kixiáa̱n na̱ꞌmíi̱ Abraa̱n nga sa̱ꞌin an. Sa̱ꞌinkjín an xota̱ tji̱e̱ tse̱, xikó maá ńño xi tjín nkꞌa jàn, kó ngatꞌaa̱ xota̱ tji̱e̱e̱ nga ka̱machikonñé ngayeje na̱xi̱ńdá xí tjín nga̱sondiee̱, ngatꞌa̱ Abraa̱n tsintꞌiéꞌénna, kó katsꞌénkjatjosón kjo̱a̱botíxomana, ko̱jo ni xi kixiáa̱n nga sa̱ꞌín». Kó Isaa̱ kijí nangi Ngeraa̱r nga kijíchji̱a̱jo Abimelee̱k, kó ki̱a̱ kisꞌijña kui nangii̱.

Jenesii̱s 26:16

Kó ngaskande Abimelee̱k bi̱ katsoó Isaa̱: «Ta̱sá xín tꞌen ji, ngatꞌa̱ jè ꞌniú cho̱n ngase ji ta̱bo̱a̱jiín ji̱n».

Jenesii̱s 26:7

Kó kjiꞌanga jáxíꞌín xi chji̱a̱ni kui nangii̱ asíyaá kjo̱a̱a̱ na̱ Rebekaa̱, ndichja án boá katsó Isaa̱. Kó katsakjónní ngatꞌa̱ bi̱ tsꞌén katsꞌénkjó: «Na̱ Rebekaa̱ achichí tsjákjiꞌi, kó kui jaá ka̱mamejeén sa̱ꞌínkꞌiénna ta̱ngatꞌanii̱ kui».

Énkjínkón 24:16

ngatꞌa̱ ndatsi yito ndi̱yà kꞌo̱ka xota̱ xi kixi̱i̱, xtjonínkꞌá nginií yojoo̱, ta̱nga xota̱ xi ta̱nisién ꞌniú ndajiín, kꞌo̱ka, kó ngiti̱ xtjonínkꞌájiín yojoo̱.

Énkjínkón 29:25

Tsi ngo xota̱ xi tsakjón kje̱ꞌe xota̱, xikónii̱ tsi ngo chja̱ya̱ tsꞌénꞌbijñaá yojoo̱, ta̱nga xota̱ xi Néná ꞌniátakón, kuí boá xi jmí ni ka̱májiín.

Énkjínkón 6:29

Ja̱ ti̱ bo̱a̱ ti̱ tsꞌén kui nda̱ xi kjojñájo̱ chjo̱on kje̱ꞌe nda̱, chjiéngá sa̱tíjeé.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Xota̱ Éfeso̱ 4:25

Kó kuíni nga ngiti̱ ꞌbíndisójínjnú, ta̱sá én xí ja̱koxi̱ xi ndókjo̱a̱jojnú xotaa̱, ngatꞌa̱ ngayeje ñá, ta̱ ngo tsí yojo ndokjo̱a̱.

Xota̱ Kolosa̱ 3:9

Ngata̱ ja̱kꞌi̱e̱ ja̱ngajánjín ꞌbíndisojo̱jnú xingi̱jnú, ngatꞌa̱ jè xikoó tsi je ikꞌiéjnú ńjño xchá xí kichajájnú ngasꞌe̱.