Jenesii̱s 20:1 - Xo̱jo̱n eén Néná

¹ Kó Abraa̱n jatjoni kui ngi̱ndiee̱ kó kijí xtji̱e̱e̱n nangi kixí xi tikón xtji̱e̱e̱n na̱ngii̱, kó ki̱a̱ kisꞌijña ki̱a̱ nangi Ngeraa̱r, kui ngi̱ndie xi tikón ngamasiee̱n na̱xi̱ńdá Kandee̱ ko̱jo na̱xi̱ńdá Suu̱r.

Jenesii̱s 20:1 Iomraidhean Croise

Jenesii̱s 10:19

Kó bo̱a̱ tsꞌén nangii̱ xota̱ Kanaa̱n kamátsié ngase, kó tsindió kamánii̱ nangi Sindoo̱n xtji̱e̱e̱n Ngeraa̱r ngaskande Lesaa̱, kó xtji̱e̱e̱n Sondoma̱ ko̱jo Ngomorra̱, nangi Andmaa̱ ko̱jo Seboii̱n.

Jenesii̱s 12:9

Kó Abra̱n jatjoni ki̱a̱a̱, sꞌe̱ kijí xtji̱e̱e̱n nangi kixí xi tikón xtji̱e̱e̱n na̱ngi.

Jenesii̱s 13:1

Kó nga jatjo Abra̱n nangi Ejipto̱, kijí xtji̱e̱e̱n nangi kixí xi tikón xtji̱e̱e̱n na̱ngi, kó kijíjo̱ chjo̱ón ko̱jo Loo̱t ndií ntsꞌie, ko̱jo ngayeje ni xi tjiín.

Jenesii̱s 14:7

Jaskan ngije kamá kui nii̱, jachó nginí nangi Kandee̱, kó katsꞌeén tꞌanangii̱ xota̱ Amalee̱k nga askjanjo̱, kó ki̱a̱ nangi Asesoo̱n-Tamaa̱r ti̱ katsꞌeén nga askjanjo̱ xota̱ Amoo̱r xi kisꞌińdo ki̱a̱a̱ nga.

Jenesii̱s 16:1

Abra̱n jera̱ tjiín tie nó nga síndo ki̱a̱ nangi Kanaa̱n, kó na̱ Saraii̱ kui xi chjo̱ón Abra̱n kji̱e̱ jmí ndí kisꞌiejiín, ta̱nga na̱ Saraii̱ kisꞌijñaa̱ ngo na̱ moso̱ xi chji̱a̱ni nangi Ejipto̱ xi ꞌmí na̱ Angaa̱r. Kó na̱ Saraii̱ bi̱ katsoó xi̱ꞌii̱n: «Abra̱n, Néná ndi̱ katsꞌénna, kuíni nga ta̱sá na̱ moso̱na tsjajnije̱ ji. Jè yé ji kjo̱a̱xcha̱áná, nga tsi kui na̱ moso̱na ngo ndí kꞌuieé, tsa̱ꞌa̱n ka̱ma, ngatꞌa̱ na̱ moso̱na boá». Kó Abra̱n kasasiennii̱ kui nii̱, kó na̱ Saraii̱ katsjaá Abra̱n na̱ mosoo̱.

Jenesii̱s 16:14

Ndeskande koó kjiꞌa kui ndáńchꞌií «Ndáńchꞌií kui Néná xi tikoón ko̱jo xi be ngayeje nii̱» kiꞌmí. Kui ndáńchꞌií ki̱a̱ tikón ngamasiee̱n na̱xi̱ńdá Kandee̱ ko̱jo na̱xi̱ńdá Beree̱nd.

Jenesii̱s 16:7

Nga jachó na̱ Angaa̱r tꞌa ndáńchꞌi̱ xi tikón nangi kixí ki̱a̱ xtji̱e̱e̱n ndi̱yà xi fí xtji̱e̱e̱n na̱ngi, ki̱a̱ jachókoón ndítsjie xi Néná,

Jenesii̱s 18:1

Bi̱ kamá kjiꞌanga Néná jatjokjaà Abraa̱n ki̱a̱ nínga tjín yáꞌensino̱ xi tikóntꞌa kꞌijñá xi ꞌmí Mamree̱. Kui ni̱xtjin jàn achichí sibé kamá ndoboaá, kó Abraa̱n xió kisꞌijña ngi̱xtio nga̱ntjo̱a̱a̱ ndiꞌa xi tji̱xi̱ín cho̱ kamándanii̱.

Jenesii̱s 24:62

Kó Isaa̱ ki̱a̱ kisꞌijña xtji̱e̱e̱n nangi kixí xi tikón xtji̱e̱e̱n na̱ngi, kó kui kamángixónján ki̱a̱ jachó nínga tikón kui ndáńchꞌi̱ xi ꞌmí «Ndáńchꞌií Néná xi tikoón ko̱jo be ngayeje nii̱».

Jenesii̱s 25:18

Xota̱ tji̱e̱e̱ Ismaee̱l ki̱a̱ kisꞌińdo nangi Abilaa̱ ngaskande xtji̱e̱e̱n na̱ngi, tiñaa̱ tsindioó na̱xi̱ńdá Ejipto̱ xtji̱e̱e̱n na̱ngi, ki̱a̱ ngándá nínga kisꞌińdo xkjín.

Jenesii̱s 26:1

Kui ni̱xtjin jàn kisꞌie ngo kjindiá ngayeje nangi Kanaa̱n, xikó má kamá ni̱xtjin nga kisꞌijña Abraa̱n. Achichí ꞌniú kamá kui kjindiaá, kó katsꞌénkjó Isaa̱ nga ko̱e̱je̱ nangi Ejipto̱, ta̱nga Néná jatjokjaà Isaa̱ kó bi̱ katsoó: «Ngata̱ ꞌmijín ji nangi Ejipto̱, ta̱sá ki̱a̱ ti̱ndyin ji ngotjón nangi Ngeraa̱r, nínga tikón Abimelee̱k, nda̱ ree̱ já Filisteaa̱, kó an ngatsjéni̱xtjin kotíjña̱joo, kó sa̱ꞌinchikonñé an ngayeje ni xi si̱ꞌin ji, kó ji ko̱jo xota̱ tji̱e̱ tse̱ tsjàa̱ ngayeje kui tꞌanangii̱. Kó bo̱a̱ tsꞌén sa̱ꞌinkjatjosón an ni xi kixiáa̱n na̱ꞌmíi̱ Abraa̱n nga sa̱ꞌin an. Sa̱ꞌinkjín an xota̱ tji̱e̱ tse̱, xikó maá ńño xi tjín nkꞌa jàn, kó ngatꞌaa̱ xota̱ tji̱e̱e̱ nga ka̱machikonñé ngayeje na̱xi̱ńdá xí tjín nga̱sondiee̱, ngatꞌa̱ Abraa̱n tsintꞌiéꞌénna, kó katsꞌénkjatjosón kjo̱a̱botíxomana, ko̱jo ni xi kixiáa̱n nga sa̱ꞌín». Kó Isaa̱ kijí nangi Ngeraa̱r nga kijíchji̱a̱jo Abimelee̱k, kó ki̱a̱ kisꞌijña kui nangii̱.

Jenesii̱s 26:20

Ta̱nga já moso̱ xi koo̱n cho̱tsa̱nga̱ xi chji̱a̱ni nangi Ngeraa̱r, ko̱jo já moso̱ xi koo̱n cho̱tsa̱nga̱a̱ Isaa̱ askjantjéni kui ndáńchꞌií nga tsa̱ji̱n boá ndáfoa xi tjitjoó katsó. Kuíni nga Isaa̱ «Xi ikixkántjéni» ítꞌajaꞌén kuí ndáńchꞌií.

Jenesii̱s 26:26

Nga kamábe kui nii̱ Abimelee̱k, jatjoni nangi Ngeraa̱r kó jachókoón Isaa̱ nga kijíchji̱a̱jo kó ti̱ kijíjo̱ Ausaa̱k, ngo nda̱ xi nda yaꞌa ko̱jo Fikoo̱l ngo nda̱ xi ngito̱ko̱o̱ jájuún kamá.

Xo̱jo̱n Salmoo̱ 29:8

Nda̱a̱ Néná ꞌbítsanieyá nangi kixií, ¡Néná boá xi ꞌbítsanieyá nangi kixí xi ꞌmí Kandee̱!

Éksondo̱ 15:22

Kó Moisee̱ katsjaá kjo̱a̱a̱ xota̱ Israee̱l tsi̱ꞌe̱ nga kjo̱tjoni nínga tikón Ndáchíkón Inií, kó tsintꞌiéꞌén kuí xotaa̱, sꞌe̱ kijí xtji̱e̱e̱n nangi kixí xi tikón xtji̱e̱e̱n na̱ngii̱, kó ján ni̱xtjin kisꞌiṉtso̱ma nga nde chií ndáfoa kasakojiín.

Xki̱ 13:26

ki̱a̱ Kandee̱, ki̱a̱ nangi kixií nangi Paraa̱n. Kó ki̱a̱ katsóyaà Moisee̱, ko̱jo Aaroo̱n ko̱jo ngayeje xota̱ Israee̱l ngayeje ni xi kamábe. Kó akoó to xi ndyi̱yaꞌa xi kasakoo̱ kui ngi̱ndiee̱.

Xki̱ 20:16

Kósꞌe̱ kichjiáꞌájne̱ nga ko̱síko̱jojne̱ Néná, kó kui tsintꞌiéjne̱ kósꞌe̱ katsangiya ngo ndítsjiee̱, tsi̱ꞌe̱ nga kꞌo̱xiéjne̱ nangi Ejipto̱. Kó kꞌi̱e̱ tindyionjne̱ ngotꞌe̱ ꞌne̱. Kꞌi̱e̱ tindyionjne̱ na̱xi̱ńdá Kandee̱, nínga tikón tsindioó na̱xi̱ńdáa̱.

Ndeuteronomio̱ 1:19

»Jaskan ngije kamá kui nii̱, Néná atíxománá nga kjo̱tjo ñá kꞌi̱e̱ na̱xi̱ Oree̱b, kósꞌe̱ kongín na̱xi̱ nínga síndo xota̱ Amoo̱r. Achichí kandakón, kó ikitjá ngamasiee̱n nangi kixií, ngaskande nga jáchó Kandee̱-Barnea̱.

Ndeuteronomio̱ 32:51

Aaroo̱n ko̱jo ji kandaꞌyáꞌénjínjnúꞌun ki̱a̱ na̱xi̱ńdá Kandee̱, kjiꞌanga kixindyionjnú ki̱a̱ tꞌa ndáńchꞌi̱ xi tjitjó má ndáfoaa̱ ki̱a̱ Meribaa̱, kui xi tikón ki̱a̱ nangi kixií nangi Sii̱n. Kó ngindyi̱ko̱n ngayeje xota̱ Israee̱l kamáyàndikónjínjnúꞌun.