Jenesii̱s 2:7 - Xo̱jo̱n eén Néná

⁷ Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Jenesii̱s 2:7 Iomraidhean Croise

Jenesii̱s 1:27

Kó bo̱a̱ tsꞌén katsꞌénda Néná xota̱ nga̱sondiee̱, xikó kjiꞌi a̱sie̱én ko̱jo xikó kjiꞌi kui, bo̱a̱ má tsꞌén katsꞌénda, xi xi̱ꞌin ko̱jo xi chjo̱on katsꞌénda.

Jenesii̱s 2:6

Ngi̱jin ńdiee̱ jatjoni ngo xoño xi asíndaá nga̱són tꞌanangii̱.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 3:23

Kó kuíni nga Néná tsangatji̱ngii̱ kui ngi̱ndie nínga tjitjíe̱ ni tjieé, tsi̱ꞌe̱ nga kui nda̱a̱ sa̱ꞌínxájin tꞌanangi xi kiniꞌándajo̱ni nga kamánda.

Joo̱b 27:3

ta̱nga tji̱e̱nga tikón an nga̱sondie, tji̱e̱nga Néná tsꞌéntsjána tjo̱ xi tjéjén an,

Joo̱b 33:4

A̱si̱énni̱xtjii̱n Néná boá xi katsꞌéndana, kó tjo̱ xi yítsiéna xi tsi̱ꞌe̱ ngayeje ngaꞌniuú, kuí boá katsjána kjo̱a̱mindyion.

Joo̱b 33:6

Ngindyi̱ko̱n Néná, ji ko̱jo an ndse̱je̱n ñá, ngatꞌa̱ ti̱ chojo kamándani an nga.

Joo̱b 4:19

akja̱ꞌmíra̱ xotaa̱ ka̱maꞌniátakón, kui xi ndiꞌa chji̱ndi̱e̱ síndoꞌyaá, kó ńdie kamándani, ngatꞌa̱ inda boá, kó ka̱ma ko̱jna̱nié xikoó xobií.

Xo̱jo̱n Salmoo̱ 100:3

Cha̱ndikónjnú nga kuí boá xi Néná, kuí boá xi katsꞌéndaná, kó kuí ndokjo̱a̱ ñá. Ñá boá xi xota̱ na̱xi̱ńdaá kui má, ñá boá xi cho̱tsa̱nga̱ xi tsi̱ꞌe̱ xi tindyión kꞌijñaá kui!

Xo̱jo̱n Salmoo̱ 103:14

Jè be nda nda Néná kókón ñá, ¡jè be nda nda nga chojo boá ñá!

Énkjínkón 20:27

A̱siénni̱xtjin xi Néná katsjaá xota̱ nga̱sondiee̱, kuí boá xi xikoó ngo ndiꞌí xí tsꞌénkjién Néná nga kotsijennii̱ ngaskande ngi̱jin ini̱ma̱a̱ xotaa̱.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 3:7

Ni̱xtjin nga ka̱ma chjándiyà, ko̱jo ni̱xtjin nga ka̱ma chja̱yá, ni̱xtjin nga ka̱ma xió ku̱i̱ndyión, ko̱jo ni̱xtjin nga ka̱ma ko̱ndókjo̱a̱.

Kjo̱a̱chaꞌaá 4:20

Jè kandobá kui nda̱ re xi jaꞌájin Néná, kui xi katsjájne̱ tjo̱ xi kajnájénjne̱, kui xi bo̱a̱ kiꞌmíjne̱ nga tji̱nkꞌi̱e̱én boá xi skónjne̱, kó nga ka̱ma ku̱i̱ndyionjinjne̱ ngi̱jii̱n xota̱ xi kje̱ꞌe na̱xi̱ńdá.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Xki̱ 27:16

—Ne tsa̱ꞌa̱n, jí boá xi tiboeꞌéjne̱ kjo̱a̱mindyion ngayeje ji̱n. Án míꞌaá nga te̱ꞌée̱ xota̱ Israee̱l ngo ngito̱ko̱

Juaa̱ 20:22

Kó ngije bo̱a̱ katsó, askjonomójón xotaa̱, kó bi̱ katsoó: –Chjábéjnú A̱si̱énni̱xtjii̱n Néná.

Ni xi kamá 17:25

ti̱nde tsja xotaa̱ chjiénjiín nga sa̱ꞌínseén, xikoó tsi ngo ni chjieén, ngatꞌa̱ kuí xí Néná xi tsjáná ngayeje kjo̱a̱mindyion, ko̱jo tjo̱ xi ndyi̱jnájén, ko̱jo ngayeje nii̱.

Xota̱ Roma̱ 9:20

¡Ji nda̱! Nga fetꞌa, ꞌyání ji nga ji kon xi chji̱e̱ꞌèe̱ xki̱ Néná. A ka̱márií ti̱jì xi je kiniꞌándaa̱ nga bi̱ ka̱tso̱o̱ nda̱ xi katsꞌéndaa̱: “Ánní nga bo̱a̱ tsꞌén kiniꞌíndení”.

1 Xota̱ Korinto̱ 15:45

Bi̱ tsꞌén kjitꞌa xo̱jo̱n eén Néná: “Nda̱ xi tjón xi ꞌmí Andaa̱n, kiniꞌánda kó kisꞌijña nga̱sondie.” Ta̱nga kui Anda̱n xi jetꞌaa̱ kui xi Kristoo̱, kuí boá xi A̱siénni̱xtjin xi tsjá kjo̱a̱mindyioo̱n.

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

2 Xota̱ Korinto̱ 4:7

Néná katsjájne̱ kui kjo̱a̱cho̱n xi̱ꞌbi̱, kó ji̱n xikónií ngo boso̱ ti̱jì nínga tikóntjó kui kjo̱a̱cho̱o̱n. Tsi̱ꞌe̱ nga sꞌi̱jña tsijen nga kui ngaꞌniú ndakjiꞌii̱ tsi̱ꞌe̱ Néná ka̱ma, kó jmí tsi tsa̱ji̱n.

2 Xota̱ Korinto̱ 5:1

Ngatꞌa̱ ñá jè ya nga yojoná xikónií tsi ngo ndiꞌańjño xi tindyionyá kuí nga̱sondiee̱. Kó nga kjo̱tsòn kuí ndiꞌańjñoo̱, ya nga ndiꞌakꞌajmi jàn tikónna ngo ndiꞌa xi tikón ngatsjéni̱xtjin xi tsjáná Néná, ngo ndiꞌa xi jmí tsi tsja xota̱ kamándani.

1 Timoo̱ 2:13

Ngatꞌa̱ Néná jmí tsi na̱ Ebaa̱ xi tjón katsꞌénda, Andaa̱n boá xi tjón katsꞌénda.

Xota̱ Ebreo̱ 12:9

Kui nga̱sondiee̱ kjiꞌanga jákjíndí kamá ñá, xi xcháná boá xi katsꞌénchji̱ni̱e̱ná, kó kamáyàndikón kuí. Kó kótsꞌèn nga ndajín ngase ko̱nda̱ꞌyáꞌée̱n kui Na̱ꞌminá xi tsi̱ꞌe̱ a̱si̱énni̱xtjii̱n, tsi̱ꞌe̱ nga tsja̱aná kjo̱a̱mindyion.